Luki 16:14 - The Keyagana NT and 25 OT books

¹⁴ Falasi vayaʼmogimo monieʼmo hapaʼye nehiya vayaʼmogi ani muki huʼniya geʼamo afiteʼapaeʼmo apaipamo leʼa ateʼnae.

Luki 16:14 ပူးပေါင်းရင်းမြစ်များ

Samu 119:51

Apakiʼapileʼmo aliʼa asaga huʼa neʼapataya vayaʼmogimo kigi yokalo gegeʼmo huʼa neʼnatayaʼmonanafa keʼaepa gekamo oʼataleʼnove.

Aiyeya 53:3

Vayaʼmogimo huʼapaeʼmo, ina agufa vekamo maiʼniye, huʼa huteʼa apakameʼyamo amiʼnae. Kana yaʼmo neʼaliya vekamo maiʼneno aipafiʼmo agafu kiʼniya kavaʼmo ago ageʼniye. Lagaemo oʼagesunafeʼmo laugosafiʼmo aita ati kaegekana huta maiʼnone. Lagaemo hutaeʼmo, ina agufa vekamo maiʼniye, huta huteta ala agiʼamo oʼamiʼnone.

Aiyeya 56:11

He, apakaemo neʼyaʼmo magoʼe magoʼe huʼa nesayafeʼmo hapaʼye nehiya kalagana huʼa maiʼneʼa muki afinaʼmo magoʼe huno neʼyafeʼmo nehapaiye. Sipisipileʼmo yagaiʼa neʼapataya vayaʼmogi afiʼa aeto nosae. Mukiʼamogimo apakaiʼapi hapauʼniya kavaʼmo huʼa apakaiʼapiekeʼmo apakesamo neʼafiye.

Matiyu 23:13

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.

Matiyu 9:24

Ataletapa kumatega uta lamiyo. Mani aʼmafaʼnemo ofaliʼnifa afaʼa au kaleno maiʼniye, huno hapa paiʼnigeʼapaeʼmo huʼa faipa huʼa ateteʼa kigi huʼa ateʼnae.

Luki 12:15

muki vayaʼaifeʼmo hunoʼaeʼmo, lapakaemo kagemi yafeʼmo lapaʼye hisiya kavaʼmo afole oʼaisiyafeʼmo ehe alagepa huta yagaita lapateyo. Asole kagemi yaʼmo neʼaliya kavaʼmoʼa alagepa huʼa maisaya kavaʼmo aepaʼamo ohaneʼniye, huno hapa paiteno

Luki 20:47

Apakaemo kogu aʼne anagaʼaifeʼmo humi apateteʼa kagemi yaʼapimo kumayaʼmo aliteʼa aigofe gemo huʼa yatala nunumuʼmo nehae, huno hapa paiʼniye.

Luki 23:35

Muki ve aʼnemo he tiʼa maiʼneʼa aulu heʼa ageʼa maiʼnae. Yagaiʼa neʼapataya vayaʼeʼmo magokepi lokaeʼa maiʼneʼa huʼapaeʼmo, muki vayaʼmo apakufamo alino katino apateʼniye. Kalaisi vekamo Gotiʼa lekana paino ateʼniya vekamo maiʼnisiyana agaiʼa agufamo afaʼa alino katino ategaiye, huteʼa huʼa faipa huʼa ateʼnae.

Luki 8:53

ago faliʼniye, huʼa ageʼnayaʼmofeʼmo kigi huʼa ateʼnae.

2 Timoti 3:2

Vayaʼmogimo apakaiʼapiyekeʼmo hapauge monieʼmo hapaʼye huge apakaiʼapiyekeʼmo ge huʼa apakiʼapileʼmo aliʼa asaga huge ala vayaʼmo maiʼnone, huʼa apakesamo afige huʼa faipa huʼa apatege itaʼapi afoʼapimogi geʼapimo oʼafige hapao ke osege apaote kavaʼmo osuge hugae.

Himulu 11:36

Mago vayaʼmogimo apakesamo afiʼa fatago huʼnaya vayaʼaifeʼmo huʼa faipa huʼa apateteʼa nofi kayotetiʼmo apamagiʼnae. Mago vayaʼmogimo apakesamo afiʼa fatago huʼnaya vayaʼmo seli nofitetiʼmo kiʼa apateteʼa kalavusi huʼa apateʼnae.