Luki 15:5 - The Keyagana NT and 25 OT books

⁵ Ageteno avaleno agiʼnafiʼmo ateteno amogaga aime aime noʼalegamo egaiye.

Luki 15:5 ပူးပေါင်းရင်းမြစ်များ

Aiyeya 62:12

Apakaemo ani vayaʼaifeʼmo ina ge huʼa apaki aegae. Apakaemo apaote vayane, huʼa huge Ala kava neʼmoʼa miya faino hatu maeno apateʼniya vayane, huʼa huge hugae. Apakaemo kagaefeʼmo kagimo aeʼapaeʼmo, Ala kava neʼmoʼa hauʼniya taonimo haneʼniye. Ataleno oʼuʼniya taonie, huʼa hugae.

Aiyeya 62:5

Mago neya vekamoʼmo veʼeʼmo ohavaeʼniya aʼmafaʼnemo neʼaliya kava huʼa mafaʼnekamogimo kagaemo aligae. Aʼmo aliʼniya vekamoʼmo saufa aʼaeʼmo amogaga neʼaiya kava huno Gotitapimoʼmo lapakaefeʼmo amogaga aigiye.

Aiyeya 63:9

Apakaemo muki kana yaʼmo aliʼnagenoʼaeʼmo ani kana yaʼmo aipafiʼmo asagauno aiʼnigeno agaeʼeʼmo aliʼniye. Goti aulagaleʼmo maiʼniya enisole vekamoʼmo apakufamo alino katino apateʼniye. Hau ayamopafiʼmo hauʼnigeno hau huno apateteno miya faino hatu maeno apateʼniye. Akeyaʼvilagamo muki afinaʼae afinaʼaeʼmo apasagauno apavalelino uʼniye.

Maika 5:4

Inagi ani vekamoʼmo agaiʼa sipisipi vayaʼaleʼmo Ala kava neʼmo Gotiʼamo himamuʼaletiʼe ha le konali agiʼaletiʼeʼmo yagaino apateʼnenoʼaeʼmo neʼyaʼmo apamigiye. Muki ma mopafi vayaʼmogimo ala agiʼamo amigayaʼmofeʼmo vayaʼamo alagepa huʼa maige maige huʼa maigae.

Maika 7:18

Ina laʼmo Gotigakana huno maiʼniye. Kagaemo hosu kavaʼapilefeʼmo afaʼa ateyo, huka huteka alika neʼatalane. Kagaemo aise nofi vayaʼmo logufa vayakamogimo gekamo amagiʼa ataleʼnaya hosu kavaʼapimo uka aeka aga seka alika neʼatalane. Hau huno latesiyafeʼmo amuse nehiyaʼmofeʼmo muki afinaʼmo aipamo leno lateme lateme noʼviyanageno hau huno lategaiye.

Sefanaiya 3:17

Ala kava neʼmo Gotitapimoʼmo lapakae folagapiʼmo maiʼniya vekamo alopa lokiyaʼaʼe vekamoʼmo lapakufamo alino katino lapategaiye. Ala kava neʼmoʼa amuse huno lapateteno lapakaefeʼmo amogaga aino lapategaiye. Lapakaefeʼmo hau ayamopafiʼmo hauʼnisigenoʼaeʼmo ge osuno hauʼniya kavatefeʼmo maino haga lenoʼageʼmo maigiye. Agaemo lapakaefeʼmo amogaga neʼainoʼaeʼmo yokemo hugiye, huʼa hugae.

Luki 15:32

Kaganakamoʼmo faliʼniya kavategatiʼmo eno afaʼa maisiya kavategamo maiʼniye. Afela heʼniyategatiʼmo eʼnigeʼna ageteʼnaeʼmo halate avaleʼnovaʼmofeʼmo kanale kavanageta laipamoʼmo falu huʼnigeta lamogaga neʼaune, huno ha paiʼniye, huno Yesuʼa hapa paiʼniye.

Luki 15:4

Vani hataletiʼa sipisi anagapatiʼmo magoke sipisipimo apataleno uno afela heʼnisigenoʼaeʼmo aepa vekamoʼmo afaʼa maiʼnaya sipisipi anagaʼamo kaʼme kotega kahauleʼmo apataleno uno kahauya hume hume uno agetenoʼaekeʼmo afaʼa maigiye. Lapakaepatiʼmo ina laʼmo ani agufa kavaʼmo afaʼa osugiye.

Luki 15:6

Noʼalega eno avaʼyi hutenoʼaeʼmo ao vayaʼe noʼale vayaʼefeʼmo ge hisigeʼa esagenoʼaeʼmo, nagae sipisipimo afela heʼniya sipisipimo kahauya huʼna ago ageʼna avaleliʼna eʼnovanagi nagaeʼeʼmo egeta magokepi lamogaga aino, huno hapa paigiye.

Luki 19:9

Yesuʼa hunoʼaeʼmo, Emalehamu aginago vekamo maiʼniyaʼmofeʼmo ani afinaʼmo mani afamo anagaʼai apakufamo ago aliʼna katiʼna apateʼnove.

Luki 23:43

lama gemo kaha nepauve, huno, hemenitomo Palanaisi koteʼmo uka haisanagetaʼa nagaeʼeʼmo maiguʼae, huno ha paiʼniye.

Yoni 15:11

Namogaga neʼauva kavaʼmoʼa lapaipafiʼmo havai tesigetapaeʼmo lapamogaga aisayafeʼmo mani gemo lapa nepauve.

Efasasi 2:10

Gotiʼa alagepa kavaʼmo hisunafeʼmo hogoteno, hugae, huno hu maleʼniya kavaʼmo hisunafeʼmo Kalaisi Yesupiʼmo saufa vayaʼmo alo huno lateʼniye.

Efasasi 3:7

Inagi Poloʼnamo mani alagepa gelefeʼmo aliʼyaʼamo alisuvafeʼmo Gotiʼa fikumo naha maeno namiteno himamuʼaletiʼmo naipafiʼmo aliʼyaʼmo aliʼnigeʼna aliʼyaʼamo neʼaluve.

1 Tesaloniyani 1:5

Alagepa faigoko geʼamo aeta hakalo huta lapa paiʼnonagenoʼaeʼmo lapaipafiʼmo geʼageʼmo afole oʼaiʼnifa himamuʼaʼe geʼaletiʼmo aliʼyaʼmo aliteno alino afole aino ateʼniye. Aote Aunemeʼaletiʼmo lapa paiʼnonagetapaeʼmo, he, lama gemo nehae, hutapa magoke lapaipa lapakesamo afiʼnae. Lapa maesunafeʼmo lapakaeʼeʼmo magokepi lokaeta maiʼneta haiya agufa kavaʼmo huta aliʼyaʼmo aliʼnopi huta ago lageʼnae. Ani kavaʼmo lapakaeteʼmo afole aiʼniyaʼmofeʼmo Gotiʼa lekana paino lapateʼniye, huta lapakeʼnone.

2 Timoti 2:26

Sataniʼmo agaiʼa hauʼniya kavaʼmo akame hisayafeʼmo aneʼaifiʼmo heʼnageno apatafauʼniya vayaʼmogimo negi kavaʼmo ataleʼa apaipa apakesamo halate aliteʼa aneʼaifatiʼmo aiʼa hatu maesayafeʼmae.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.