Luki 15:4 - The Keyagana NT and 25 OT books

⁴ Vani hataletiʼa sipisi anagapatiʼmo magoke sipisipimo apataleno uno afela heʼnisigenoʼaeʼmo aepa vekamoʼmo afaʼa maiʼnaya sipisipi anagaʼamo kaʼme kotega kahauleʼmo apataleno uno kahauya hume hume uno agetenoʼaekeʼmo afaʼa maigiye. Lapakaepatiʼmo ina laʼmo ani agufa kavaʼmo afaʼa osugiye.

Luki 15:4 ပူးပေါင်းရင်းမြစ်များ

Samu 119:176

Nagaemo hiyo, huka huʼnana gekaeʼmo nage okaniʼniyaʼmofeʼmo kahauya huka nago. Afela heʼniya sipisipigana huʼna kataleʼna uʼnovanagi aliʼyakamo neʼaluva vekamo kahauya huka nageka navalo.

Aiyeya 53:6

Lagaemo sipisipigana huta maiʼneta alagepa kaʼmo ataleta atagu faeta uteta huta maiʼnone. Lagaemo ataleta lahauʼniya kateʼmo lamete lamete huta uʼnone. Inagi Ala kava neʼmoʼa mukiʼamogita hosu kavatimo alino anupa huno agaeteʼmo maleʼniye.

Matiyu 12:11

Afi geʼnagenoʼaeʼmo, lapakaepatiʼmo mago vekamoʼmo sipisipiʼamo Sapati afinaʼmo kelifiʼmo asagauno aiʼnisiyana uno lamino asagaulino hai negaifi hai noʼmegaiye.

Luki 13:15

Ala kava neʼmoʼa geʼaleʼmo aeno atagaina huno hapa painoʼaeʼmo, aeta ati nekaya vayane, huno, Sapati afinaʼae afinaʼaeʼmo pulumakatapimofi hositapimofi hutapa noʼapifatiʼmo hatu maeta apateteta aniʼmo nesayafeʼmo apavalelita neʼvae.

Luki 15:3

Huʼnayaʼmofeʼmo Yesuʼa mago gemo ina gemo huno aeno kalafefa gemo huno hapa painoʼaeʼmo,

Luki 19:10

Vemo Mafaʼnemoʼmo afela heʼnaya vayaʼmo kahauya huno apaketeno apakufamo alino katino apatesiyafeʼmo emineʼniyaʼmofeʼmo ani kavaʼmo ago afole aiʼniye, huno hapa paiʼniye.

Lomu 2:1

Veʼnimogae, huʼna, kagaemo vayaʼai hosu kavaʼapimo agetekaeʼmo alika fako huka apatetekaeʼmo, hosu kavaʼmo nehae, huka nehukaeʼmo kagaikaʼefeʼmo ani gemo nehane. Magoke agufa hosu kavaʼmo nehanaʼmofeʼmae. Kagaemo hosu kavaʼmo nehae, huka nehana vekamogamo magoke agufa hosu kavaʼmo nehanaʼmofeʼmo ina lagamo maiʼnapigeka agotileʼmo he tika maiʼnekaeʼmo, nagaemo hosu kavaʼmo huʼnofi, huʼna oʼageʼnove, huka aeka ati okaegane.

1 Pita 2:25

Hogotetapa lapakaemo kaʼmo ataletapa uteta hutapa afela heʼnaya sipisipigana huʼnayaʼmonanafa hemenimo sipisipileʼmo yagaino nelapateya vekamoʼmo lapakupi mafaʼneleʼmo yagaino nelapateya vekatapilegamo aita ataginetapa eʼnae.