Luki 15:20 - The Keyagana NT and 25 OT books

²⁰ ataleno he tino afoʼamotegamo eʼniye. Afagitega eʼnigeno afoʼamoʼmo agetenoʼaeʼmo hau huno ateteno nagu nagu huno uno anu kiteno haeno neʼniye.

Luki 15:20 ပူးပေါင်းရင်းမြစ်များ

Aepa Gemae 33:4

Huʼniyaʼmonanafa Isoʼa nagu nagu huno eno anu kiteno haeno neʼnigeʼana aviʼyaʼmo huʼnaʼae.

Aepa Gemae 45:14

Yosefeʼa ani ge huno hapa paiteno aganaʼamoʼmo Menisemeni anu kiʼneno aviʼyaʼmo huʼnigeno Menisemeniʼeʼmo ani kava huno anu kiʼneno aviʼyaʼmo huʼnaʼae.

Aepa Gemae 46:29

Yosefeʼa talalaʼamo aliteno afoʼamoʼeʼmo fotu hisaʼafeʼmo Goseni kotegamo uno haiʼniye. Yosefeʼa uno haino afoʼamoʼmo agetenoʼaeʼmo anu kiliʼneno lusi kava huno aviʼyaʼmo huʼniye.

Aiyeya 49:15

Mago a kanomoʼmo nute mafaʼneʼaeʼmo age kanigifiye. Alino ateʼniya mafaneʼaeʼmo hau ayamopafiʼmo ohaugifiye. He, afaʼa apake kanigiyaʼmonanafa nagaemo lapakaefeʼmo nage okanigiye.

Aiyeya 57:18

Nagaemo hosu kavaʼamo ageʼnovaʼmonanafa aliʼna alagepa huʼna ategauve. Nagaemo alagepa kateʼmo avaleliʼna uguve. Halate ha maeʼna aipamo aliʼna falu huʼna ategauve. Ani kava huʼna ani vekamo hosu kavaʼaeʼmo yulagefa neʼaiya vayaʼai apaipamo aliʼna falu huʼna apategauve.

Luki 15:19

nagaefeʼmo mafaʼneʼniye, huka hisana agufa kavaʼmo huʼna oʼmaiʼnove. Aliʼyakamo neʼaliya vayakana huka aliʼyakaleʼmo navaleka nategeʼna aliʼyakamo alino, huʼna ha paiguve, huno agesamo afiteno

Luki 15:21

Mafaʼneʼamoʼmo hunoʼaeʼmo, Afo, huno, Gotitegamo hosu kavaʼmo huteʼna kagaetegaʼeʼmo hosu kavaʼmo huʼnovanagi nagaefeʼmo, mafaʼneʼniye, huka hisana agufa kavaʼmo huʼna oʼmaiʼnove, huno ha paiʼniyaʼmonanafa

Apa 2:39

Gotiʼa hunoʼaeʼmo, Nauneʼnameʼmo lapamiguve, huno huʼniya polomasi geʼamo lapakaefenagi mafaʼne anagatapiʼenagi afagitegamo maiʼnaya vayafenagi huno hapa paiʼniye. Ala kava netimo Gotiʼa eyo, huno muki keya aeno ge hisiya vayaʼaifeʼmo ani gemo hapa paiʼniye.

Apa 20:37

Apaulagafatiʼmo apaunumo uno nelamigeʼapaeʼmo Poloʼmo anu kiʼa haeʼa neʼnae.

Efasasi 2:13

Lapakaemo afagiʼaleʼmo maiʼnayaʼmonanafa hemenimo Kalaisi Yesupiʼmo maiʼnagenoʼaeʼmo Kalaisiʼa kolaʼaletiʼmo lapavalelineno Goti haopaleʼmo lapateʼniye.

Efasasi 2:17

Ani kavaʼmo hutenoʼaeʼmo lapakaemo afagiʼaleʼmo maiʼnaya vayaʼe lagaemo Goti haopaleʼmo maiʼnona vayaʼmogitaʼeʼmo, kame nehaya kavaʼmo aliʼna hano huʼna ataleʼnovanagetapa Gotiʼeʼmo magokepi lokaeta maigae, huno aeno hakalo huno laha paiʼniye.