Luki 14:32 - The Keyagana NT and 25 OT books

³² Kame huʼna aeʼna oʼaga segauve, huno agesamo afiʼnisiyana kame hisiya kini vekamo oʼmeno afagitega maiʼnisigenoʼaeʼmo, kame osuta afaʼa atesunafeʼmo na agufa kavaʼmo huguʼae, huteno, uta afi geyo, huno apa vayaʼamo alino apatesigeʼa ugae.

Luki 14:32 ပူးပေါင်းရင်းမြစ်များ

Matiyu 5:25

Mago vekamoʼa hunoʼaeʼmo, agoti huʼna kategesuve, huno hisigekaeʼmo malage huka alagepa huka alika fako huka ato. Agotileʼmo kavalelino oʼuʼnisigekaekeʼmo kategamo neʼutanaeʼmo malage huka alika alagepa huka ato. Fiku yanageno kavalelinuno alino fako huno neʼapateya vekamo ayapiʼmo katesigeno alino fako huno neʼapateya vekamoʼmo kavalelinuno ati vekamo ayapiʼmo katesigeno ati vekamoʼmo alino kalavusi huno kategaiye.

Matiyu 5:42

Mago vekamoʼa hunoʼaeʼmo, mago yaʼmo namiyo, huno lapafi gesigetapaeʼmo afa amiyo. Mago vekamoʼa mago yafeʼmo hunoʼaeʼmo, yoka namiyo, huno lapafi gesigetapaeʼmo lapakameʼyamo oʼamita afa amiyo.

Luki 12:58

Kagaemo hosu kavaʼmo huʼnisanagenoʼaeʼmo agoti huno kategefeʼmo hisiya vekamoʼmo agoti gemo neʼafiya vekalegamo kavalelino neʼvisigekaeʼmo alika alagepa huka ato. Alagepa huka alika fako osisanaʼmoʼmo agoti gemo neʼafiya vekamoʼmo kavalelinuno amisigeno kavaleno ati vekamo amisigeno kalavusi huno kategaiye.

Luki 14:31

Ani kavaʼmo huno haiya ala kini vekamoʼmo kame hisiyafeʼmo hogoteno agesamo noʼafiye. Haʼao, hogoteno agesamo afinoʼaeʼmo, ati vayaʼnimo teni tauseniʼa vayaʼmo maiʼnayaʼmonanafa kamemo hisuʼa kini vekamo ati vayaʼamo tuveti tauseniʼa vayaʼmo maiʼnae. Nagaemo kamemo huʼna aeʼna aga sesufi, huno agesamo afigiye.

Luki 14:33

Ani kavaʼmo huno lapakaepatiʼmo ina laʼmo muki agaiʼa yafeʼmo afaʼa atalegauve, huno osisiyana geʼnimo neʼafiya vekamo oʼmaigiye, huno hapa paiʼniye.

Luki 19:14

Hapa paiteno uʼniyaʼmonanafa vayaʼamogimo agaefeʼmo apaini huteʼa mago vayaʼmo aliʼa apateʼnageʼa uʼa Ala kini vekaeʼmo huʼapaeʼmo, ani vekamoʼmo yagaino latesiyafeʼmo olahauʼniye, huʼa ha paiʼnae.

Apa 12:20

Helotiʼa mago afinaʼmo Taiya taonifi vayaʼe Saitoni taonifi vayaʼeʼmo aipamo leno apateʼniye. Apakaemo Helotiʼa yagaino neʼapateya kotegatiʼmo uʼa neʼyaʼmo miya failiʼa eʼnayaʼmofeʼmo aipamoʼmo falu hisiyafeʼmo magoke apaipa apakesa aliteʼa Helotitegamo eʼnae. Eʼapaeʼmo hogoteʼa Milasitasiʼa Heloti noʼaleʼmo neʼyagaiya vekaeʼmo ha paiʼnageno apao vekamo hamaleʼniye.