Luki 14:24 - The Keyagana NT and 25 OT books

²⁴ Muki vayaʼaifeʼmo hogoteʼna ge huʼnova vayaʼmogimo neʼyaʼnimo afaʼa eʼa oʼnegae, huno huʼniye, huno Yesuʼa hapa paiʼniye.

Luki 14:24 ပူးပေါင်းရင်းမြစ်များ

Matiyu 21:43

Inagi ani kavafeʼmo lapa nepauve, huno, Lapakaemo Gotiʼa yagaino neʼapateya kopiʼmo magoʼe hutapa aliʼyaʼmo oʼaligae. Lapayapatiʼmo lapa faleno hoyaʼaleʼmo alagepa huʼa yagaiʼa ateʼneʼa nofi alagamo lagiʼa amisaya vayaʼmo apamigiye.

Matiyu 22:8

Agaemo aliʼyaʼamo neʼaliya vayaʼaifeʼmo hapa painoʼaeʼmo, mafaʼneʼnimoʼaʼmo alisiyafeʼmo huʼnigeʼna yagita huʼnovaʼmonanafa eyo huʼna ge huʼnova vayaʼmo neʼyaʼnimo alisaya kava huʼa oʼmaiʼnae.

Luki 14:23

neʼyaʼmo yagita huʼniya vekamoʼmo aliʼyaʼamo neʼaliya vekaeʼmo hunoʼaeʼmo, kale kategatiʼe hoya kategatiʼeʼmo uka noʼnifiʼmo faiʼa kili paesayafeʼmo apayate alika apavalelika eno.

Luki 14:25

Yesuʼa asole vayaʼeʼmo magokepi neʼunoʼaeʼmo aino afe leno hapa painoʼaeʼmo,

Yoni 3:19

Gotiʼa agoti huno apatetenoʼaeʼmo, hosu vayaʼmo maiʼnae, huno huʼniya gemo aepaʼamo haneʼniyana ha le yaʼamo ma mopafiʼmo ago afole aiʼniyaʼmonanafa vayaʼmogi ha le yafeʼmo apaini huʼa hani yafekeʼmo hapauʼniye. Hosu kavakeʼmo nehayaʼmofeʼmae.

Yoni 3:36

Muki vayaʼamogi Mafaʼneʼaeʼmo apakesamo afiʼa fatago nehisaya vayaʼmogimo alagepa huʼa maige maige huʼa maisaya yaʼmo ago aliʼnae. Muki vayaʼmogimo Mafaʼneʼamo geʼamo akame nosisaya vayaʼmo Gotiʼa aipamo leno neʼapateya kavaʼamo apakaeteʼmo alagi hanege hanege huno hanegaiyaʼmofeʼmo alagi alagepa huʼa maige maige huʼa oʼmaigae.

Yoni 8:21

Yesuʼa halate ina ge huno hapa paiʼniye. Nagaemo uʼna maisuva koteʼmo uta kahauya hutapa nagesayafeʼmo hugayana alagi hosu kavatapifiʼmo maiʼnetapaeʼmo faligae. Visuva koteʼmo afaʼa oʼugae.

Yoni 8:24

Ani kavatefeʼmo huʼnaeʼmo, hosu kavatapifikeʼmo maiʼnetapaeʼmo faligae, huʼna ago lapa paiʼnove. He, lapakaemo hutapaeʼmo, agaemo muki afinaʼmo neʼmaiya vekamo maiʼniye, hutapa nagaefeʼmo lapakesamo afita fatago osisayana hosu kavatapifikeʼmo maiʼnetapaeʼmo faligae, huno hapa paiʼniye.

Apa 13:46

Poloʼe Manamasiʼeʼmo koli osuʼana lokiya gefatiʼmo hapa paiʼanaeʼmo, laʼagaemo Goti geʼamo hogotetaʼa lapa paisuʼa kavaʼmo haneʼniyaʼmonanafa Goti gelefeʼmo lapakameʼyamo amitetapaeʼmo ani kavaʼmo hutapa lapakaitapimo agoti hutapa lapatetetapaeʼmo, maige maige huta maisuna yaʼmo alisuna agufa kava huta oʼmaiʼnone, hutapa nehayaʼmofeʼmo lapataletutaʼa alu nofi vayaʼaifeʼmo hapa paiguʼae.