Luki 13:8 - The Keyagana NT and 25 OT books

⁸ aliʼyaʼmo afoʼamofeʼmo hunoʼaeʼmo, hemeni kafugamo afaʼa ato. Mago mopamo aiʼyu aiteʼna malasinimo malegauve.

Luki 13:8 ပူးပေါင်းရင်းမြစ်များ

Samu 106:23

Henagaʼamo Gotiʼa aipamo leno apatetenoʼaeʼmo vayaʼnimo aliʼna apagoʼya lagauʼna apatalegauve, huno huʼnigenoʼaeʼmo Gotiʼa aliʼyaʼamo alisiyafeʼmo lekana paino ateʼniya vekamo Moseseʼa nunumuʼmo huno apatetenoʼaeʼmo apamagisiya kaʼmo ago akani maleʼnigeno Gotiʼa afaʼa apateʼniye.

Hatu maeno apate'niya gemae 34:9

Moseseʼa hunoʼaeʼmo, O Ala kava nene, huʼna, nagaemo kaulagaleʼmo fikumo naha maeka neʼnamina kavakamo ago ageʼnova vekamo maiʼnisuvaʼmoʼmo lagaeʼeʼmo magokepi lokaeka uvo, huʼna ge nehuve. Lagaemo gemo noʼafuna vayaʼmo maiʼnonaʼmonanafa hosu kavatilefeʼmo afaʼa ateyo, huka huteka mafaʼneʼapimogimo afoʼapimogi yaʼmo neʼaliya kava huka lagaemo vayakamo maisunafeʼmo afaʼa lavalo, huno ha paiʼniye.

Luki 13:7

Agaemo yosa hoyaʼafiʼmo aliʼyaʼmo neʼaliya vekaeʼmo hunoʼaeʼmo, loleʼe magoʼe kafugamo eʼna agege agege huʼnovana alagamo oʼaeʼnigeʼna ageʼnove. Lanitani mopamo ago leno hau huʼnigenoʼaeʼmo alagamo noʼaeyanagi heʼya aika atalo, huno ha paiʼnigenoʼaeʼmo,

Luki 13:9

Anaga kafugamo alagamo aesiyaʼmoʼmo kanalene. Alagamo oʼaesigekaeʼmo eka heʼya aika atalegane, huno ha paiʼniye, huno hapa paiʼniye.

Luki 14:35

Ani agufa hagemoʼmo aliʼyaʼamo alagi ohaneʼniyaʼmofeʼmo aliʼa yaga auʼa neʼatalae. Gemo afisaya lapakesamo haneʼnisiyaʼmoʼmo mani gemo alagepa huta afiyo, huno hapa paiʼniye.

Lomu 10:1

Konagaʼnimogitapae, huʼna, nagaemo Gotiʼa Isaleli vayaʼnimo apakufamo alino katino apatesiyafeʼmo naipafatiʼmo nahauʼnigeʼna nunumuʼmo huʼna neʼapatove.

2 Pita 3:9

Mago vayaʼmogi Ala kava nefeʼmo huʼapaeʼmo, huguve, huno huʼniya kavaʼmo hisiyafeʼmo lagava maime maime neʼviye, huʼa nehayaʼmonanafa huguve, huno huʼniya kavaʼmo hisiyafeʼmo lagava neʼmaiye. Alino lagoʼya lagauno latalesiyafeʼmo ohauʼniyaʼmonanafa mukiʼamogitamo laipamo alita afe lesunafekeʼmo hauʼnigenoʼaeʼmo lagava neʼmaiye.