Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luki 13:29 - The Keyagana NT and 25 OT books

29 Muki asole vayaʼmo yegemo haine neʼeya kotegatiʼmo ege yegemo uno lamino nefaleya kotegatiʼmo ege aluga aluga haopalegatiʼmo ege huʼa eʼa Gotiʼa yagaino neʼapateya kote hiʼyalamuteʼmo siyate fai maiʼneʼapaeʼmo neʼyaʼmo negae.

အခန်းကိုကြည့်ပါ။ ကော်ပီ




Luki 13:29
14 ပူးပေါင်းရင်းမြစ်များ  

Kaginago vayaʼmogimo ani kahaepagana vayaʼmo afole aiteʼa ma mopafi muki haopalegamo yegemo haine neʼeya kotegagi uno lamino nefaleya kotegagi hoga haopalegagi lamaga haopalegagi huʼa aiʼa atagu faeʼa maigae. Gotiʼa kagaetetiʼe kaginago vayaʼaitetiʼeʼmo muki ma mopafi nofi vayaʼaifeʼmo aliʼna auleʼna apategauve.


Nagaemo lamaga haopalega vayaʼaifeʼmo huʼnaeʼmo, Apatalegeʼa eyo, huʼna huge hoga haopalega vayaʼaifeʼmo huʼnaeʼmo, kaʼmo akanita oʼapateyo, huʼna huge huguve. Lapakaemo afagitegatiʼmo ve mafaʼne anagaʼnimo apavalelita eyo. Muki ma mopamo agiʼnalegatiʼmo a mafaʼne anagaʼnimo apavalelitapa eyo, huʼna hapa paiguve.


Ala kava neʼmoʼa ina gemo huno naha painoʼaeʼmo, Kagaemo Yekopu nofi vayaʼmo alika he tika apatesanageʼa halate lokiya vaiʼa maige yagaiʼna apateʼnogeʼa afaʼa maiʼnaya Isaleli vayaʼmo alika alagepa huka apatesanageʼa halate alagepa huʼa maige hisayafeʼmo ani aise aliʼyaʼmo afaʼa alisanana kanale osugiye. Ani aliʼyaʼe magoʼe huʼna alu aliʼyaʼeʼmo kamiguve. Nagaemo ma mopafi muki haopalegamo maiʼnaya vayaʼmogi apakufamo alika katika apatesanafeʼmo ani malaga nofi vayaʼmogi ha le yaʼapigana huka maigane, huʼna aliʼna kateʼnove, huno huʼniye.


Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.


Lapa nepauve, huno, asole vayaʼmo Yu nofi vayapatiʼmo oʼmaiʼnaya vayaʼmo yegemo haine neʼeya kotegatiʼmo ege yegemo uno lamino nefaleya kotegatiʼmo ege huʼa Gotiʼa yagaino neʼapateya kopiʼmo uʼa haiʼa Emalehamuʼagi Aisikiʼagi Yekopuʼagi huʼa magokepi lokaeʼa maiʼneʼa neʼyaʼmo neʼa maigayaʼmonanafa


Agaemo enisole vayaʼamo alino apatesigeʼa ma mopamo loleʼe loleʼe atupaleʼe kokuʼna atupaleʼeʼmo uʼeʼa huʼa lekana paino apateʼniya vayaʼamo apavaleli eʼa aliʼa anupa huʼa apategae.


Afiyo, huno, hemenimo mago henagamo maiʼnaya vayaʼmo hogote vayaʼmo maisageʼa hemenimo mago hogoteʼa maiʼnaya vayaʼmo henaga vayaʼmo maigae, huno hapa paiʼniye.


Poloʼa hapa paino hano nehunoʼaeʼmo, Ani gemo huʼniyaʼmofeʼmo alagi alagepa hutapa afiyo. Gotiʼa alu nofi vayaʼmo hapa maesiya gemo alino atesigeno visigeʼa afigae, huno hapa paiʼniye.


He, oʼataleta lapakesamo afita fatago hume hume neʼutapaeʼmo yafateʼmo noʼmo faiʼa ategekana hutapa maiʼneta oʼataletapa alagepa faigoko geʼamo afitetapa lapavayagunagu hutapa agava maiʼneta oʼataleʼnisayana Goti aulagaleʼmo alagepa huta he titapa maigae. Mani alagepa faigoko geʼamo muki ma mopafi vayaʼaifeʼmo aeʼa hakalo huʼa hapa paiʼnageʼa afiʼnae. Nagaemo Poloʼnamo ani gelefeʼmo Goti aliʼyaʼamo neʼaluva vekamo hamaleʼnove.


Alagepa faigoko geʼamo lapakaeteʼmo eno afole aiʼniya gemoʼa ma mopafi muki haopalegaʼeʼmo eno afole aiteno neʼyaʼamo alino neʼate. Mani gemo Gotiʼa fikumo hapa maeno neʼapamiya gemo afitetapaeʼmo lama gemo haneʼniye, hutapa afiʼnaya afinatetiʼmo lapakaepatiʼeʼmo neʼyaʼmo alino neʼate.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ