Luki 13:28 - The Keyagana NT and 25 OT books

²⁸ Lapakaemo alino lapafaino lapatalesigeta maiʼnetapaeʼmo apakesayana Emalehamuʼagi Aisikiʼagi Yekopuʼagi muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼeʼmo Gotiʼa yagaino neʼapateya koteʼmo maiʼnisagetapaeʼmo malaga maiʼneta apaketetapaeʼmo aviʼyaʼmo huge lapaipamo leʼninagetapa lapavepiʼmo hanita agafu kige huta maigae.

Luki 13:28 ပူးပေါင်းရင်းမြစ်များ

Samu 112:10

Hosu vekamoʼmo ani kavaʼmo agetenoʼaeʼmo ohauʼninageno aipamoʼmo kana hugiye. Koʼmopamo avayafiʼmo hanigeno ani neheya kava huno alagi oʼmaigiye. Hosu vayaʼmogi alagepa kavaʼmo apakaetegamo afole aisiyafeʼmo apavayagunagu nehayaʼmonanafa ani hapauʼniya kavaʼmo alagi hano hugiye.

Matiyu 13:42

alopa atafiʼmo yaga auʼa apatalesageʼa aviʼyaʼmo huge apavepiʼmo haniʼa agafu kige huʼa maigae.

Matiyu 13:50

alopa atafiʼmo yaga auʼa apatalesageʼa aviʼyaʼmo huge apavepiʼmo haniʼa agafu kige huʼa maigae, huno hapa paiʼniye.

Matiyu 22:13

Ala kini vekamoʼmo aliʼyaʼamo neʼaliya vayaʼaifeʼmo hapa painoʼaeʼmo, aiya ayateʼmo nofi kitetapa alinituta malaga hani kopiʼmo yaga auta ataleyo. Ani koteʼmo maisaya vayaʼmogimo aviʼya huge apavepiʼmo haniʼa agafu kige huʼa maigae, huno huʼniye, huno hapa paitenoʼaeʼmo,

Matiyu 24:51

Enoʼaeʼmo naipeletiʼmo folagapatiʼmo heno apalo atiteno aeʼa ati nekaya vayaʼmo maiʼnayategamo alino atesigeno uno aviʼya huge avepiʼmo hanino agafu kige huno maigiye.

Matiyu 25:30

Inagi afa aliʼyaʼmo neʼaliya vekamo atafaulituta malaga hani kopiʼmo asagautapa yaga auta atalegeno aviʼyaʼmo huge avepiʼmo hanino alagi huge huno maino.

Luki 10:15

Kapeneyamu taonifi vayaʼmogitapae, huʼna, lapavaleno alino anale lapateʼniyanageno alino afepi lapateteno ata kopiʼmo alino lapategaiye.

Luki 14:15

Agaeʼeʼmo hiʼyalemuteʼmo fai maiʼneno neʼyaʼmo neʼniya vekamoʼmo ani gemo afitenoʼaeʼmo, Gotiʼa yagaino neʼapateya koteʼmo uʼa haiʼa maiʼneʼa neʼyaʼmo neʼa maisaya vayaʼmo aulena vayaʼmo maigae, huno hapa paiʼniya geeʼmo loka huʼnigeno

Luki 16:23

Ata kopiʼmo uno lamino maiʼnigeno lusi kava huno agafu kiʼnigenoʼaeʼmo alino maku huno ageyana Layosiʼmo avaleli uʼa haiʼa Emalehamu haopaleʼmo ateʼnageno Emalehamuʼeʼmo maiʼnaʼageno anakeʼniye.

2 Tesaloniyani 1:5

Lapakaemo Gotiʼa yagaino neʼapateya koteʼmo afaʼa uta haitapa maisaya kavaʼmo hutapa maiʼnae, huno hisiyafeʼmo ani kana yaʼmo aligae, huteno fako huno lapamiʼnigetapa aliʼnae.

2 Pita 1:11

Gotiʼa ani kavatetiʼmo lusi kava huno lapa maeno lapamiteno kitamo yakino lapatesigetapa Ala kava netimo lagufamo alino katino nelateya vekatimo Yesu Kalaisiʼa yagaino apatesiya koteʼmo hanege hanege huno hanesiya koteʼmo uta haitapa maigae.

Leveleseni 21:8

Maigayaʼmonanafa vayaʼaifeʼmo koli huteʼa Goti geʼamo neʼatalaya vayanagi apakesamo afiʼa fatago nosaya vayanagi alagi faipa vayanagi vayaʼmo neʼapamagiya vayanagi kumai kavaʼmo nehaya vayanagi Satani himamuʼaletiʼmo noʼagaya agufa apaune kavaʼmo nehaya vayanagi aigofe gotiʼapimogitefeʼmo mono nehaya vayanagi muki agufa aigofe gemo nehaya vayanagi huʼa ata kotuʼmo sofa yafapiʼmo neleya ata kotupiʼmo maigae. Ata kotupiʼmo maisaya kavaʼmo agiʼamo napa tu afinaʼmo falisaya kavaʼmae.

Leveleseni 22:15

Negayaʼmonanafa kalagana vayanagi Satani himamuʼaletiʼmo noʼagaya agufa aune kavaʼmo nehaya vayanagi kumai kavaʼmo nehaya vayanagi vayaʼmo neʼapamagiya vayanagi aigofe gotiʼapimogitefeʼmo mono nehaya vayanagi muki vayaʼmogimo aigofe kavafeʼmo hapauʼnigeʼapaeʼmo aigofe gemo nehaya vayanagi huʼa ani taonimo malagamo maigae.