Luki 13:24 - The Keyagana NT and 25 OT books

²⁴ aise kipapiʼmo uta haisayafeʼmo lapaya mukiki hiyo. Nagaemo lapa paiʼnaeʼmo, asole vayaʼmo uʼa haisayafeʼmo hugayaʼmonanafa afaʼa uʼa ohaigae.

Luki 13:24 ပူးပေါင်းရင်းမြစ်များ

Mai'naya kavane 14:6

Himuʼnamu gemo nehaya vayaʼmogimo afiteʼa agesaya kavafeʼmo kahauya nehayaʼmonanafa noʼagae. Noʼagayaʼmonanafa afino aeto nehiya vekamoʼmo afiteno agesiyafeʼmo lokiya oʼvaiʼniye.

Mai'naya kavane 21:25

Alagaʼmo nehaeya vekamoʼmo aliʼyaʼmo alisiyafeʼmo nohaiyaʼmofeʼmo haʼye nehiya kavaʼamoʼmo amagisigeno faligiye.

Aiyeya 1:15

Lapayaʼmo alita asaga huliʼnetapaeʼmo nunumuʼmo hisageʼnaeʼmo naulagaleʼmo aiʼna ati kaeteʼnaeʼmo olapakegauve. Vayaʼmogi kolaʼapimo lapayateʼmo haneʼniyaʼmofeʼmo asole nunumuʼmo hisageʼnaeʼmo oʼafiguve.

Matiyu 11:12

Yoniʼa aeno hakalo huno hapa paiʼniya afinatetiʼmo afela heʼnaya vayakana huʼa apaya mukiki nehaya vayaʼmogi Gotiʼa yagaino neʼapateya koteʼmo apaya mukiki huʼa uʼa haite haite huʼa hemeniʼeʼmo uʼa nehaiye.

Luki 13:23

Mago vekamoʼmo enoʼaeʼmo, Ala kava nene, huno, Gotiʼa magoke magoke vayaʼmogi apakufamo alino katino neʼapatefiye, huno ge huno afi geʼnigenoʼaeʼmo,

Luki 21:36

Inagi muki afinaʼmo kava yagaita maiyo. Muki afole aisiya kavaʼamo aeta agasesaya agufa kavaʼmo huta maiʼnetapaeʼmo Vemo Mafaʼnemo aulagaleʼmo he tita maisayafeʼmo nunumuʼmo hiyo, huno hapa paiʼniye.

Yoni 13:33

Mafaʼneʼnimogitapae, huno, aise afinaʼmo lapakaeʼeʼmo magokepi lokaeʼna maiguve. Kahauya hutapa nagesayafeʼmo hugayaʼmonanafa oʼnagegae. Yu vayaʼaifeʼmo huʼnaeʼmo, visuva koteʼmo afaʼa oʼugae, huʼna hapa paiʼnovanageʼna hemeniʼeʼmo lapakaeʼeʼmo ani agufa gemo huʼna lapa nepauve.

Yoni 5:4

Goti enisole vekaʼamoʼmo mago afinaʼmo emineno ani ani kotuteʼmo ame aliʼnigeno kanage kanage huʼnigeʼapaeʼmo aeno apakaseno ani kotupiʼmo hogoteno uno lamiʼniya vekamo na agufa kaitaʼmo hauʼnifi alino hageno ateʼnigeno afaʼa maiʼniye.

Yoni 6:27

Lapakaemo kasalisiya neʼyaʼmo alisayafekeʼmo aliʼyaʼmo oʼalitapa hanege hanege huno hanesiya neʼyaʼmo lapamisigetapa alagepa hutapa maige maige hutapa maisaya yaʼmo alisayafekeʼmo aliʼyaʼmo aliyo. Vemo Mafaʼnemoʼmo ani agufa neʼyaʼmo lapamigiye. Muki yaʼmo Afoʼamoʼmo Gotiʼa lekana paiʼna ateʼnove, huno alino apave lisiyafeʼmo himamuʼamo amiʼniye, huno hapa paiʼnigeʼapaeʼmo,

Yoni 7:34

Nagesayafeʼmo kahauya hugayaʼmonanafa oʼnagegae. Uʼna haiʼna maisuva koteʼmo afaʼa utapa ohaigae, huno hapa paiʼnigeʼapaeʼmo

Yoni 8:21

Yesuʼa halate ina ge huno hapa paiʼniye. Nagaemo uʼna maisuva koteʼmo uta kahauya hutapa nagesayafeʼmo hugayana alagi hosu kavatapifiʼmo maiʼnetapaeʼmo faligae. Visuva koteʼmo afaʼa oʼugae.

Lomu 10:3

Apakaemo huʼapaeʼmo, Gotiʼa fatago kavaʼamo fikumo neʼapamiye, huʼa afiʼa ha oleʼneʼa apakaiʼapi fatago kavaʼapigeʼmo aliʼa afole aiʼa atesayafekeʼmo aliʼyaʼmo neʼaliye. Gotiʼa agaiʼa fatago kavaʼamo alisayafeʼmo mago kaʼmo ago valino apateʼniyaʼmonanafa ohapauʼnigeʼa Goti aiyafiʼmo oʼmaiʼnae.

Kolosi 1:29

Nagaeʼeʼmo mani kavaʼmo afole aisiyafeʼmo Kalaisi ayamufaʼaletiʼmo naipafiʼmo lusi kava huno aliʼyaʼmo neʼaligeʼnaeʼmo ayamufaʼaletiʼmo naya mukiki huʼna aliʼyaʼamo neʼaluve.

Himulu 4:11

Goti geʼamo amagiʼa ataleteʼa asagauʼa aiʼnaya kava huta asagauta aigayanagi uta haita maita haga lesunafeʼmo layamukiki higetao.

Yasuva 7:3

Apakaemo atagineʼa eʼa Yasuvafeʼmo ha paiʼapaeʼmo. Ai taonifi vayaʼmo aise vayaʼmo maiʼnae. Muki Isaleli vayaʼmo alika apategeʼa oʼuʼa tu tauseniʼa vayaʼmofi tali tauseniʼa vayaʼmofi huka alika apategeʼa uʼa kame hiyo. Fiku yanageno muki Isaleli vayaʼmo alagaʼmo hapaegaiye, huʼa ha paiʼnae.

2 Pita 1:10

Konagaʼnimogitapae, huʼna, Mani gemo huʼniyaʼmofeʼmo lapakaemo hutapaeʼmo, Gotiʼa lagaefeʼmo keya aeno ge huʼniye. He, lekana paino lateteno keya aeno ge huʼniye, hutapa ageta aeto hisayafeʼmo lapayamukiki hiyo. Lapakaemo muki mani kavaʼmo nehisayana alagi asagautapa oʼaigayanagi hiyo.