Luki 13:19 - The Keyagana NT and 25 OT books

¹⁹ Ina kavakana huno haneʼniyana mago vekamoʼmo masateti avina yaʼmo aise avina yaʼatomogeno hoyamo aliteno hakale maleʼnigeno hageno uno haino mago yosagana huno haneʼnigeno nama anagaʼmo haleliʼeʼa akopaleʼmo hakaleteʼa apanoʼmo ki maleʼnae, huno hapa paitenoʼaeʼmo,

Luki 13:19 ပူးပေါင်းရင်းမြစ်များ

Salomoni Yokemae 4:12

Nasaʼnimoʼmo maige aʼnimo maige huʼniya aʼnimoʼa hoyaleʼmo kegiʼyamoʼa faino vego huʼniya hoyagana huno maige keli kotupi aniʼmo muki vayaʼmogimo oʼnesayafeʼmo ka akani maleʼniya keli kotupi anikana huno maige aniʼmo kanage kanage huno eno haine neʼeya aniteʼmo loki ae maleʼniya anikana huno maige huʼniye.

Salomoni Yokemae 4:16

Hoga haopalegatiʼmo yasimo alinika eno. Lamaga haopalegatiʼmo yasimo alinikeka hoyaʼnifiʼmo aligenoʼao alagepa atumo neʼaiya yaʼmoʼa muki haopalegamo ailino uneno hino. Nahau nayamopafiʼmo neʼnahaiya vekaʼnimoʼa hoyaʼafatiʼmo eno alagepa yosa alagamo lagino neno.

Salomoni Yokemae 6:2

Nahau nayamopafiʼmo neʼnahaiya vekaʼnimo hoyaʼafiʼmo uno maiʼniye. Agaemo sipisipi anagaʼamo hoyaʼafatiʼmo nesayafeʼmo apavalelino uʼniye. Agaemo kanale yaveyave kahau ausemo alino anupa huno malesiyafeʼmo hoyaʼafiʼmo uno maiʼniye.

Salomoni Yokemae 8:13

Hoyafiʼmo maiʼnana aʼnimogae, huʼna, kagaeʼeʼmo magokepi lokaeʼa maiʼnaya vayaʼmogimo kagemo neʼafiye. Kagemo aigeʼna afino, huno ha paiʼniye.

Aiyeya 53:1

Ina laʼmo aeta hakalo huta hapa nepauna geeʼmo agesamo afino fatago huʼniye. Ala kava neʼmoʼa ina laʼmo agufamo alino katino atesiya himamuʼamo alino ave liʼnigeno ageʼniye.

Aiyeya 53:10

Ala kava neʼmoʼa aliʼyaʼamo neʼaliya vekamo aeno apalisiyafeʼmo hauʼnigeno agafu kiʼniye. Ala kava neʼmoʼa ani vekamo agupi mafaʼnemo ago aliteno hosu kavaʼapilefeʼmo ofalinimo alino hamaleno ateteno aliʼyaʼamo neʼaliya vekamo maisiya afinaʼamo alino yatala huno atesigeno aginago vayaʼmo apakegaiye. Agaemo aliʼyaʼmo alisigenoʼaeʼmo Ala kava neʼmo hauʼniya kavaʼmo alagepa huno afole aigiye.

Aiyeya 58:11

Muki afinaʼmo Ala kava neʼmoʼa alino ho huno lapateteno ko noʼaiya afinaʼmo lokiya vaino lapateteno lapauʼniya yaʼamo alagi lapamigiye. Lapakaemo aniʼmo haneʼniya hoyagana hutapa maige olaneno aeno nelatiya meti anikana hutapa maige huta maigae.

Aiyeya 61:11

Mopamoʼmo neʼyaʼmo alino afole aino atege hoyafiʼmo hakale maleʼnaya avina yaʼmo hoyamoʼmo alino hageno atege nehiya kava huno Ala kava neʼmo Gotiʼa fatago kavaʼe agiʼaleʼmo aliʼa asaga nehaya kavaʼeʼmo muki nofi vayaʼai apaulagaleʼmo alino afole aino ategaiye.

Aiyeya 9:7

Yagaino apatesiya vayaʼmo magoʼe huʼa asole vayaʼmo afole aiteʼa magoʼe huʼa alagepa huʼa maigae. Kini vekamo Neviniʼa yagaino apateʼniya kava huno Nevini aimuʼyaleʼmo maiʼnenoʼaeʼmo vayaʼaleʼmo yagaino apateme apateme uno yagaino apateno hano osuno yagaino apategaiye. Agaemo alagepa huno alino fako huno apateteno yagaino apateme apateme uno muki afinaʼaeʼmo yagaino apategaiye. Ala kava neʼmoʼa asole vayaʼaiteʼmo yagaino neʼapateya vekamoʼmo ayamukiki huno ani kavaʼmo alino afole aino ategaiye.

Neniyo 4:12

Ani yosamo haitaʼamoʼmo kanale haitamo maletenoʼaeʼmo alagaʼamo muki vayaʼmogi nesayafeʼmo asole alagamo aeʼniye. Afela afu anagaʼmo eʼa aepafiʼmo maiʼa falu huge nama anagaʼmogi akopaleʼmo apano kige muki alu ya alu yaʼmogimo alagaʼamo nege huʼnae.

Neniyo 4:21

Ani yosamo haitamo alagepa apaulaga neʼagaya agufa haitamo maletenoʼaeʼmo alagaʼamo muki vayaʼmogi nesayafeʼmo asole alagamo aeʼniye. Afela afu anagaʼmo eʼa aepafiʼmo maiʼa falu huge nama anagaʼmogi akopaleʼmo apano kige huʼnae.

Matiyu 17:20

Yesuʼa hapa painoʼaeʼmo, aiseʼamo lapakesamo afita fatago nehayaʼmofeʼmae. Lama ge lapa nepauve, huno, lapakesamo afita fatago huʼnaya kavatapimoʼa aise avina yaʼmo masateti avina yakana huno haneʼnisiyana lapakaemo mani aveeʼmo, manileʼmo ataleka mugagayaga uvo, hutapa hisageno ugiye. Osisaya agufa kavaʼmo afaʼa hugae.

Maki 4:30

Hapa paitenoʼaeʼmo, ina kava huno Gotiʼa yagaino apateʼniya kavaʼmo na agufa kavakana huno haneʼniye. Ani kavafeʼmo haiya aune gemo hisune.

Luki 17:6

Ala kava neʼmoʼa hunoʼaeʼmo, lapakesamo afita fatago huʼnaya kavaʼmo aise avina yakana huno haneʼnisiyaʼmoʼmo mago yosaeʼmo hutapaeʼmo, kagaemo kahafuʼyaʼaʼeʼmo aika lamika halagatika uka anipatiʼmo halate hageka uka haiyo, hutapa hisagenoʼaeʼmo getapimo afaʼa afigiye, huno hapa paiʼniye.

Apa 2:41

Hapa paiʼniya geʼaeʼmo apakesamo afiʼa fatago huteʼa apamogaga aiʼnageʼapaeʼmo aniʼmo faleʼa apateʼnae. Ani afinaʼmo asole vayaʼmo tali tauseniʼa vayaʼmo Goti mafaʼnemo hamaleʼnageno Gotiʼa siosi vayaʼaʼeʼmo magokepi alino anupa huno apateʼniye.

Apa 21:20

Ani gemo afiteʼapaeʼmo mukiʼamogi Goti agiʼaleʼmo aliʼa asaga huʼa ateʼnae. Apakaemo Polofeʼmo, konagatimogae, huʼa, asole Yu vayaʼmogimo apakesamo afiʼa fatago huteʼapaeʼmo keʼaepa gemo apayamukiki huʼa akame nehae.

Apa 4:4

Ani kavaʼmo huʼnayaʼmonanafa asole vayaʼmogimo geʼamo afiteʼapaeʼmo apakesamo afiʼa fatago huʼnageno vayaʼe ani afinaʼmo apakesamo afiʼa fatago huʼnaya vayaʼeʼmo napaʼapimo faefu tauseniʼa vayaʼmo maiʼnae.

Lomu 15:19

Nagaemo Goti Aunemeʼamo himamuʼaletiʼmo noʼagaya agufa lokiya naune kavaʼmo huteʼnaeʼmo aliʼyaʼamo aliʼnove. Nagaemo Kalaisifeʼmo alagepa faigoko geʼamo aeʼna hakalo huʼna hapa pailiʼna uʼneʼna huliʼna Yulusalemu haopalegatiʼmo eʼna muki Ililikamu kotega haopalegamo uʼna hapa paiʼna hano huʼnove.

Leveleseni 11:15

Napa seveni enisole vekamoʼmo pikuli huʼnigeʼapaeʼmo kokuʼnapatiʼmo alopa gefatiʼmo ge huʼapaeʼmo, Hemenimo ma mopafi vayaʼaiteʼmo yagaiʼa neʼapataya vayaʼai apaimuʼyaleʼmo Ala kava netiʼe lekana paino ateʼniya vekamo Kalaisi vekaʼeʼmo maigaʼae. Agaemo yagaino apateno hano osuno yagaino apateme apateme ugiye, huʼa huʼnageʼapaeʼmo