Luki 13:12 - The Keyagana NT and 25 OT books

¹² Mono nopiʼmo maiʼnigeno Yesuʼa agetenoʼaeʼmo, Ane, huno, kakameʼyamo kalagegiʼniya nofikamo hatu maeʼna kateʼnove, huno ha paiteno

Luki 13:12 ပူးပေါင်းရင်းမြစ်များ

Samu 107:20

Gotiʼa geʼamo alino ateʼnigeno emineʼniya geʼaletiʼmo alino alagepa huno apateʼniye. Agaemo falisaya agufa hanageke yaʼmo aliʼnaya kavategatiʼmo apavalelino uʼniye.

Aiyeya 65:1

Ala kava neʼmoʼa ina gemo hunoʼaeʼmo, Nagaefeʼmo ge huʼa nafi okeʼnaya vayaʼmo naipa nagesamo aliʼna apave liʼnove. Nagaefeʼmo kahauya nosaya vayaʼmogimo nageʼnae. Nagaemo nagiʼnimo apakaeteʼmo oʼmaleʼnova vayaʼaifeʼmo huʼnaeʼmo, Manile maiʼnove, manile maiʼnove, huʼna hapa paiʼnove.

Matiyu 4:23

Yesuʼa Galeliya haopalegamo umenitata huno muki Yu vayaʼai mono nopiʼmo alino apaya malege Gotiʼa yagaino apatesiya kavafeʼmo alagepa faigoko gemo aeno hakalo huno hapa paige muki alu kaita alu kaitaʼmo hapauʼniya vayaʼmo alino hapageno apatege muki hosu apakufamo kaliʼniya vayaʼmo alino alagepa huno apatege huno maiʼniye.

Matiyu 8:16

Uneʼamo Yesutegamo asole hosu apaune vayaʼmo vayaʼai apaipafiʼmo maiʼnaya vayaʼmo apavaleliʼeʼa apateʼnae. Yesuʼa geʼaletiʼmo hosu apaune vayaʼmo vayaʼai apaipafatiʼmo alino hapa faino apatalegeʼa uʼnagenoʼaeʼmo muki alu kaita alu kaitaʼmo hapauʼniya vayaʼeʼmo alino hapageno apateʼniye.

Luki 13:11

Mago a kanomo eitiniʼa kafugamo akameʼya ayamufamo kalagegiʼnigeno ape hulitata huno maiʼniye.

Luki 13:13

agufaleʼmo ayaʼmo maleʼnigeno malage huno akameʼyamo aino api aiʼnigeno he titenoʼaeʼmo Goti agiʼaleʼmo alino asaga huno ateʼniye.

Luki 13:16

Hatu maeta neʼapatayaʼmofeʼmo ani a kanomo Emalehamu aginago a kanomo eitiniʼa kafugamo lusi yatala afinaʼmo Sataniʼmo nofi aeno ateʼnigeno maiʼniya a kanomo hatu maeʼna atesuva kavaʼmo ohaneʼnifiye, huno hapa paiʼnigeʼapaeʼmo