Luki 12:58 - The Keyagana NT and 25 OT books

⁵⁸ Kagaemo hosu kavaʼmo huʼnisanagenoʼaeʼmo agoti huno kategefeʼmo hisiya vekamoʼmo agoti gemo neʼafiya vekalegamo kavalelino neʼvisigekaeʼmo alika alagepa huka ato. Alagepa huka alika fako osisanaʼmoʼmo agoti gemo neʼafiya vekamoʼmo kavalelinuno amisigeno kavaleno ati vekamo amisigeno kalavusi huno kategaiye.

Luki 12:58 ပူးပေါင်းရင်းမြစ်များ

Samu 32:6

Ani kavaʼmo nehanaʼmofeʼmo muki kakame nehaya vayaʼmogimo kahauya huʼa kagesaya afinaʼmo nunumuʼmo hiyo. Aniʼmo henoʼaeʼmo hapaopaleʼmo oʼmegaiye.

Samu 50:22

Gotifeʼmo lapake kaniʼnisiya vayaʼmogitapae, huʼna, geʼnieʼmo lapakesa afifi hutapa maiyo. Fiku yanageʼna lahapaeʼna katali katalu hisugeʼapaeʼmo lapa maesaya vayaʼmo oʼmaigae.

Aiyeya 55:6

Lapakaemo Ala kava neʼmo kahauya hutapa agegefe hisaya afinaʼmo kahauya hutapa ageyo. Lapaopaleʼmo eno maisiya afinaʼmo keya aeta nunumuʼmo hiyo.

Matiyu 18:30

geʼamo oʼafino kalavusi huno atetenoʼaeʼmo, maime maime neʼukaeʼmo namisanageʼnaekeʼmo kalavusifatiʼmo hatu maeʼna kategauve, huno ha paiʼniye.

2 Kolitiyani 6:2

Ani kavatefeʼmo hunoʼaeʼmo, Fikumo hapa maeʼna neʼapamuva afinaʼmo gekamo afiʼnove. Apakufamo aliʼna katiʼna neʼapatova afinaʼmo kaha maeʼnove, huno huʼniye. Afiyo, huʼna, hemenimo vayaʼmo fikumo hapa maeno neʼapamiya afinaʼmo haneʼniye. Afiyo, huʼna, hemenimo vayaʼai apakufamo alino katino neʼapateya afinaʼmo haneʼniye.

1 Pita 3:19

Agaemo Goti Aunemeʼaletiʼmo Noaʼeʼmo magokepi lokaeʼa maiʼnaya vayaʼaifeʼmo Goti geʼamo aeno hakalo huno hapa paiʼniyaʼmonanafa oʼafiʼa faliteʼapaeʼmo hemenimo apauneʼapameʼamo Goti kalavusifiʼmo neʼmaiye.

2 Pita 1:15

Ani kavaʼmo huʼna falitesugetapaeʼmo halate mani geeʼmo lapakesamo afisayafeʼmo nayamukiki huʼna aliʼyaʼmo neʼaluve.

Yuti 1:3

Neʼnahaiya vayaʼnimogitapae, huʼna, Gotiʼa lagaeʼe lapakaeʼeʼmo lagufamo alino katino lateʼniya kavafeʼmo avoʼmo kaegauve, huteʼna lusi kavaʼmo huʼna nagesamo afiteʼnaeʼmo hogoteʼna avoʼmo kaesuva kavaʼmo afole aiʼniye. Lagesamo afita fatago nehuna gelefeʼmo kamemo hutapa ha maesayafeʼmo mani gemo avoʼmo kaeʼna lapaipamo aliʼna lokiya vaiʼna lapatesuvafeʼmo huve. Gotiʼa mani gelefeʼmo lagesamo afita fatago nehuna gemo muki afinafeʼmo magoke afinaʼmo agaemo laote vayaʼamo lamiʼniye.

Leveleseni 20:7

Vani tauseniʼa kafugamo ago utesigenoʼaeʼmo enisole vekamoʼmo Sataniʼmo kalavusifatiʼmo hatu maeno ategaiye.