Luki 12:37 - The Keyagana NT and 25 OT books

³⁷ Aepa vekamo esiya afinafeʼmo ohavaeʼa afaʼa yagaiʼa maiʼnaya vayaʼmo aulena vayaʼmo maiʼnae. Lama gemo lapa paiʼnaeʼmo hapao ke hetenoʼaeʼmo, eta haitetapa hiʼyalamuteʼmo siyateʼmo maiyo, huno hapa paiteno aliʼyaʼmo neʼaliya kukenamo vailiʼneno neʼyaʼmo fako huno apamigiye.

Luki 12:37 ပူးပေါင်းရင်းမြစ်များ

Aiyeya 62:5

Mago neya vekamoʼmo veʼeʼmo ohavaeʼniya aʼmafaʼnemo neʼaliya kava huʼa mafaʼnekamogimo kagaemo aligae. Aʼmo aliʼniya vekamoʼmo saufa aʼaeʼmo amogaga neʼaiya kava huno Gotitapimoʼmo lapakaefeʼmo amogaga aigiye.

Sefanaiya 3:17

Ala kava neʼmo Gotitapimoʼmo lapakae folagapiʼmo maiʼniya vekamo alopa lokiyaʼaʼe vekamoʼmo lapakufamo alino katino lapategaiye. Ala kava neʼmoʼa amuse huno lapateteno lapakaefeʼmo amogaga aino lapategaiye. Lapakaefeʼmo hau ayamopafiʼmo hauʼnisigenoʼaeʼmo ge osuno hauʼniya kavatefeʼmo maino haga lenoʼageʼmo maigiye. Agaemo lapakaefeʼmo amogaga neʼainoʼaeʼmo yokemo hugiye, huʼa hugae.

Matiyu 24:42

Ani kava hugayaʼmofeʼmo kava yagaita maiyo. Hainu afinaʼmo Ala kava netapimo eminesifi hutapa oʼafiʼnayaʼmofeʼmo yagaita maiyo.

Luki 12:36

Mago aliʼyaʼmo afoʼamoʼmo aʼmo aliʼnigeʼapaeʼmo lusi yagita huʼnayategamo ugefeʼmo huʼnigeʼapaeʼmo aliʼyaʼamo neʼaliya vayaʼmogi agava maiʼnae. Eno hakalu hakalu nehisigeʼapaeʼmo malage huʼa kitamo yakiʼa atesayafeʼmo yagaiʼa maiʼnaya vayakana hutapa maiyo.

Luki 12:43

Aliʼyaʼamo alagepa huno neʼalisiyaʼmoʼmo aliʼyaʼmo afoʼamoʼmo enoʼaeʼmo alino auleno apategaiye.

Luki 17:8

Haʼao, ani gemo osuganaʼmonanafa hogoteka neʼyaʼnimo kaeka hatika nateʼneka aliʼya kukenakamo vailiʼneka neʼyaʼnimo alinikeka namiyo. Namigeʼna netesugeka kagaemo henagaʼamo negane, huka ha paigane.

Luki 21:36

Inagi muki afinaʼmo kava yagaita maiyo. Muki afole aisiya kavaʼamo aeta agasesaya agufa kavaʼmo huta maiʼnetapaeʼmo Vemo Mafaʼnemo aulagaleʼmo he tita maisayafeʼmo nunumuʼmo hiyo, huno hapa paiʼniye.

Luki 22:27

Hiʼyalamuteʼmo maiʼneno neʼyaʼmo neʼniya vekamo hogote vekamo maiʼniyaʼmonanafa nagaemo neʼyaʼmo alino nelapamiya vekagana huʼna maiʼnove.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

1 Kolitiyani 2:9

Apakaemo oʼafiʼnayaʼmonanafa avoʼmo kae maleʼniya gemoʼa hunoʼaeʼmo, Gotiʼa agaefeʼmo hapau apayamopafiʼmo hapauʼniya vayaʼmogi alisayafeʼmo muki vayaʼmo alo huno apateʼniya yaʼmo apaulagafatiʼmo oʼagege apakesafatiʼmo oʼafige apaipafiʼmo afole oʼaige huʼniya yaʼmo haneʼniye, huno huʼniye.

Filipai 1:21

Afaʼa maisuvana Kalaisitefeʼmo afaʼa maiguve. Falisuvana akamelegatiʼmo magoʼe yaʼnimo aliguve.

Filipai 1:23

Lole kavaʼmoʼa heno navayu hulino neʼviye. Ma mopamo ataleʼna uʼna Kalaisiʼeʼmo maisuva naipamo nekaliye.

2 Pita 1:11

Gotiʼa ani kavatetiʼmo lusi kava huno lapa maeno lapamiteno kitamo yakino lapatesigetapa Ala kava netimo lagufamo alino katino nelateya vekatimo Yesu Kalaisiʼa yagaino apatesiya koteʼmo hanege hanege huno hanesiya koteʼmo uta haitapa maigae.

2 Pita 3:14

Nahauʼniya vayaʼnimogitapae, huʼna, afole aigiyaʼmofeʼmo agaemo kahauya huno lapakesiyana agava maiʼnetapaeʼmo hosu kavatapimo ohanesigetapa vaiʼmo oʼalita agaeʼeʼmo alagepa hutapa magokepi lokaeta maisayafeʼmo lapayamukiki hiyo.

Leveleseni 14:13

Inagi afiʼnovana mago vekamoʼmo kokuʼnapatiʼmo ge hunoʼaeʼmo, Avoʼmo kao. Ani afinatetiʼmo Ala kava nepiʼmo maiʼneʼa falisaya vayaʼmogimo Goti aulena vayaʼamo maiʼnae, huno huʼnigeno Goti Aunemeʼamoʼmo hunoʼaeʼmo, he, faliteʼapaeʼmo alagepa kavaʼmo huʼnaya anonaʼapimo aliniʼa ugayaʼmofeʼmo lokiya aliʼyaʼapimo ataleʼa maiʼa haga legae, huno huʼniye.

Leveleseni 16:15

Yesuʼa hunoʼaeʼmo, Afiyo, huno, kumayaʼmo neʼaliya vayaʼmo neʼaya kava huʼna emiʼnesugeʼapaeʼmo hapau aigae. Apakufalagaʼageʼmo maiʼnisageno apavagage osisiyafeʼmo apau okaleʼa kukena yaʼapimo alagepa huʼa hu maleteʼa yagaiʼa neʼmaisaya vayaʼmogi Goti aulena vayaʼmo maiʼnae, huno huʼniye.

Leveleseni 3:21

Nagaemo kamemo huʼa aeʼa neʼapakasaya vayaʼmo apamisugeʼa fai maiʼneʼna yagaiʼna neʼapatova siyateʼmo nagaeʼeʼmo fai maigae. Nagaemo kamemo huʼna aeʼna apakaseʼnogeno afoʼnimoʼmo fai maiʼneno yagaino neʼapateya siyaʼamo namiʼnigeʼna fai maiʼnova kava huʼa nagaeʼeʼmo fai maigae.

Leveleseni 7:17

Na kava hinageʼapaene. Aikeli sipisipimoʼa yagaino neʼapateya vekamo siyaʼamo folagapiʼmo maiʼniya sipisipi vekamoʼmo sipisipileʼmo yagaiʼa neʼapataya kava huno yagaino apateteno meti aniʼamoʼa afaʼa maisaya yaʼmo neʼapamiya anitegamo apavalelino ugiyaʼmofeʼmae. Gotiʼa apaulagafatiʼmo apaunumo alino laneno atalegaiye, huno huʼniye.