Luki 12:32 - The Keyagana NT and 25 OT books

³² Aise sipisipi anagaʼmogitapamo lapamoʼyamo oʼaiyo. Afotapimoʼmo yagaiʼniya koteʼmo maisayafeʼmo hauʼniyanageno lapamigiye.

Luki 12:32 ပူးပေါင်းရင်းမြစ်များ

Aiyeya 40:11

Agaemo sipisipileʼmo yagaiʼa neʼapataya vayaʼmogimo sipisipileʼmo alagepa huʼa yagaiʼa neʼapataya agufa kavaʼmo huno ve aʼneʼaleʼmo alagepa huno yagaino apategaiye. Agaemo yagaino neʼapateya vekamoʼmo sipisipi apanaʼaumo apavaleno haifiʼyafiʼmo apateteno apavalelinuneno hugiye. Agaemo vase vase huno neʼunoʼaeʼmo aikeli sipisipiʼeʼmo maiʼnaya sipisipi anagaʼmo visaya kaʼmo alino apave ligiye.

Aiyeya 53:6

Lagaemo sipisipigana huta maiʼneta alagepa kaʼmo ataleta atagu faeta uteta huta maiʼnone. Lagaemo ataleta lahauʼniya kateʼmo lamete lamete huta uʼnone. Inagi Ala kava neʼmoʼa mukiʼamogita hosu kavatimo alino anupa huno agaeteʼmo maleʼniye.

Matiyu 14:27

Yesuʼa hunoʼaeʼmo, nagaekeʼmo neʼogi koli osuta lokiya vaitapa maiyo, huno hapa paiʼniye.

Matiyu 20:16

Ani kava huʼa henaga vayaʼmo hogote vayaʼmo maigae. Hogote vayaʼmo henaga vayaʼmo maigae. Gotiʼa asole vayaʼaifeʼmo eyo huno ge huʼniyaʼmonanafa aise vayaʼmo lekana paino apateʼniye, huno hapa paiʼniye.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Matiyu 7:15

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Luki 10:21

Ani afinaʼmo Yesuʼa Aote Aunemeʼaletiʼmo aipafiʼmo amogaga neʼainoʼaeʼmo, Afo, huno, kokuʼnateʼe ma mopaleʼeʼmo yagaika anateʼnana vekamae. Kagaemo afiteʼa ageʼnaya vayaʼmogimo oʼafisayafeʼmo mani kavaʼmo alika fala ki maleʼnanaʼmonanafa mafaʼnegana huʼa neʼmaiya vayaʼmo alika apave liʼnana kavatefeʼmo kahao ke nehove. He, Afo, huno, kahauʼnigekaeʼmo, afole aiyo, huka huʼnane, huno nunumuʼmo huʼniye.

Yoni 18:36

Yesuʼa hunoʼaeʼmo, Ma mopafi vayaʼmogi ala vayaʼapimo maiʼneʼa yagaiʼa neʼapataya kava huʼna yagaiʼna noʼapatove. Ani agufa kavaʼmo huʼna yagaiʼna neʼapatovesinana aliʼyaʼnimo neʼaliya vayaʼmogimo navaleli eʼa Yu vayaʼmo oʼapamisayafeʼmo kamemo huʼnaesinaʼmonanafa ma mopafi vayaʼmogi ala vayaʼapimo yagaiʼa neʼapataya agufa kavaʼmo huʼna yagaiʼna oʼapateʼnove, huno ha paiʼnigeno

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Apa 20:29

Ago afiʼnovana lapataleʼna visugeʼapaeʼmo vayaʼmo nehapaya afela kalamogimo lapakaetegamo eʼa magoke anaga sipisipi vayaʼamo lahapaesayafeʼmo maiʼa halove osuʼa muki afinaʼmo lapaegae.

Lomu 6:23

Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.

1 Kolitiyani 1:21

Gotiʼa afiʼniya geʼaletiʼmo ani kavafeʼmo hunoʼaeʼmo, afiteʼa ageʼnaya kavatetiʼmo nageʼa aeto osugae, huno huteno kaʼmo akani maleʼniye. Agaemo negi nagi gemo haneʼniye, huʼa apakesamo neʼafiya faigoko geʼamo aeta hakalo huta hapa nepauna geʼaletiʼmo Kalaisifeʼmo apakesamo afiʼa fatago nehaya vayaʼai apakufamo alino katino neʼapate.

2 Tesaloniyani 1:11

Gotiʼa hunoʼaeʼmo, Apakaemo keya aeʼna ge huʼnova agufa kavaʼmo huʼa maiʼnae, huno hisiyafeʼmo muki afinaʼmo nunumuʼmo nehune. Gotifeʼmo nunumuʼmo hutaeʼmo, Kagaemo Tesaloniyani vayaʼmo apaote maisayafeʼmo keya aeka ge huʼnane. Apaote maisayafeʼmo alika apaote apato. Apakaetegamo kahauʼnisiya kavaʼmo alagepa kavaʼmo huka himamukaletiʼmo apaipafiʼmo apakesamo afiʼa fatago huteʼa alagepa kavaʼmo hisayafeʼmo alo huteka alika afole aika ato, huta nunumuʼmo nehune.

2 Tesaloniyani 1:5

Lapakaemo Gotiʼa yagaino neʼapateya koteʼmo afaʼa uta haitapa maisaya kavaʼmo hutapa maiʼnae, huno hisiyafeʼmo ani kana yaʼmo aligae, huteno fako huno lapamiʼnigetapa aliʼnae.

Himulu 12:28

Lagaemo yagaiʼnaya kini vayaʼmogi nehaya kavaʼmo lateʼnigeta aliʼnonanageta alagepa huta maige maige huta maigune. Ani kavaʼmoʼa kanage kanage osugiyaʼmonanafa hanege hanege huno haneʼneno haneno hano osuno afaʼa hanegaiye. Ago lamiʼniyaʼmofeʼmo hao ke heteta Goti aiyafiʼmo maiʼneta koli huʼneta mono higetao.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.

2 Pita 1:11

Gotiʼa ani kavatetiʼmo lusi kava huno lapa maeno lapamiteno kitamo yakino lapatesigetapa Ala kava netimo lagufamo alino katino nelateya vekatimo Yesu Kalaisiʼa yagaino apatesiya koteʼmo hanege hanege huno hanesiya koteʼmo uta haitapa maigae.

Leveleseni 1:6

Agaemo afoʼamo Goti aliʼyaʼamo alisunafeʼmo yagaita apatesuna ala kini vayaʼe mono huta neʼapatona vayaʼeʼmo alino hamaleno lateʼniye. Yesu Kalaisiʼa ha le konali yaʼaʼe himamuʼaʼeʼmo aliteno muki afinaʼmo maige maige huno maino. He, lama ge.

Leveleseni 22:5

Halate magoʼe huno hani osugiye. Ala kava neʼmo Gotiʼa ha le yaʼmo apamigiyaʼmofeʼmo lamumoʼmo aeno ha neleya yaʼmo alagi ohanegaiye. Apakaemo yagaime yagaime uʼa yagaiʼa hano osuʼa maigae.