Luki 12:31 - The Keyagana NT and 25 OT books

³¹ Gotiʼa yagaino lapatesiya kavafeʼmo kahauya higenoʼao ma mopafiʼmo maisaya yaʼeʼmo lapamigiyanagi.

Luki 12:31 ပူးပေါင်းရင်းမြစ်များ

Samu 34:9

Lapaote vayaʼmo maiʼnayanagi Ala kava nefeʼmo koli hutetapa akame hiyo. Koli huteʼa akame nehaya vayaʼmogimo kafu osugae.

Samu 37:19

Hanageke yaʼmo afole aisiya afinaʼmo hosu hanageke yaʼmo oʼalige kafu hisaya afinaʼmo kafu osuge huteʼa alagepa huʼa maigae.

Samu 37:25

Nagaemo yatala afinaʼmo maime maime eʼna hemenimo ago kosuna leʼnovaʼmonanafa Ala kava neʼmoʼa fatago vayaʼamo apataleno uʼniya kavaʼamo oʼagege mafaʼneʼapimogi neʼyafeʼmo aukaya huʼnaya kavaʼmo oʼagege huʼnove.

Samu 37:3

Ala kava nefekeʼmo alita amufa amitetapa alagepa kavaʼmo higenoʼao lapa maesigetapa ma mopafiʼmo alagepa hutapa maigayanagi.

Samu 84:11

Ala kava netimo yegetiʼe halegutiʼeʼmo maiʼniye. Agaemo ala apakiʼapimo apamiteno alagepa yaʼmo fiku hapa maeno apamigiye. Agaemo api kavaʼmo nehaya vayaʼaifeʼmo alagepa yaʼmo magokeʼageʼmo lapamiguve huno osugifa muki alagepa yaʼamo afaʼa apamigiye.

Aiyeya 33:16

He, ani agufa vayaʼmo anaga avefiʼmo lokiya yafapiʼmo alagepa huʼa maigae. Neʼyaʼapimo apamisigeʼa negae. Aniʼapimo hano osuno afaʼa hanegaiye.

Matiyu 6:33

Lapakaemo hogotetapa Gotiʼa yagaino neʼapateya vayapiʼmo haitapa maige fatago kavaʼamo alige hutapa maisayafeʼmo kahauya hiyo Gotiʼa muki yaʼmo ma mopafi maisaya yaʼmo magokepiʼmo lapamigiyaʼmofeʼmae.

Luki 10:42

Maliyaʼa ani alagepa yafekeʼmo agesamo afiteno ago lekana paino aliʼniyaʼmofeʼmo mago vekamoʼmo ayapatiʼmo alino hafaleno oʼatalegaiye, huno ha paiʼniye.

Luki 12:30

Malaga vayaʼmogimo ani yafeʼmo hapaʼye nehigeʼapaeʼmo kahauya nehayaʼmonanafa Afotapimoʼmo afaʼa maisayafeʼmo aligae huno ago ageʼniye.

Yoni 6:27

Lapakaemo kasalisiya neʼyaʼmo alisayafekeʼmo aliʼyaʼmo oʼalitapa hanege hanege huno hanesiya neʼyaʼmo lapamisigetapa alagepa hutapa maige maige hutapa maisaya yaʼmo alisayafekeʼmo aliʼyaʼmo aliyo. Vemo Mafaʼnemoʼmo ani agufa neʼyaʼmo lapamigiye. Muki yaʼmo Afoʼamoʼmo Gotiʼa lekana paiʼna ateʼnove, huno alino apave lisiyafeʼmo himamuʼamo amiʼniye, huno hapa paiʼnigeʼapaeʼmo,

Lomu 8:31

Ani kavaʼmo nehiya kavatefeʼmo na agufa gemo hugune. Gotiʼa lagaekeʼmo laha neʼmaeyaʼmofeʼmo haiya vayaʼmogimo lagaefeʼmo kame huʼa lategae.

1 Timoti 4:8

Apakufaletiʼmo teleninimo nehaya kavaʼmoʼmo aiseʼamo hapa maegaiyaʼmonanafa mono kavaʼmoʼa muki alagepa kavatefeʼmo laha maegaiye. Gotiʼa hunoʼaeʼmo, alagepa mono nehaya kavaʼmoʼa afaʼa maisaya kavatefeʼmo hemeniʼe afole aisiya afinaʼeʼmo lapa maegaiye, huno polomasi gemo huʼniye.

Himulu 13:5

Lapaʼye osino. Aliʼnaya yafekeʼmo hutapaeʼmo, alagi haiʼmo aliʼnone, hutapa lapakesamo afitetapa lapaipamoʼmo falu hino. Na kava higetapaene. Agaiʼamo hunoʼaeʼmo, muki afinaʼmo olapataleʼna lapakaeʼeʼmo magokepi lokaeʼna maige maige huʼna maiʼneʼna lapa maegauve, huno huʼniyaʼmofeʼmae.