Luki 12:20 - The Keyagana NT and 25 OT books

²⁰ Agesamo afiʼniyaʼmonanafa Gotiʼa hunoʼaeʼmo, negi vekae, huno, hemeni haniʼilagamo kagupi mafaʼnemo halate namiyo, huʼna hisugeka faligane. Falisanageʼapaeʼmo ina lagimo ageka maleʼnana kagemi yakamo aligae, huno ha paiʼniye, huno hapa paitenoʼaeʼmo,

Luki 12:20 ပူးပေါင်းရင်းမြစ်များ

Esata 5:11

Eʼa maiʼnagenoʼaeʼmo agaemo hunoʼaeʼmo, nagaemo asole moniʼnimo malege asole mafaʼneʼnimo aliʼna apatege huʼnove. Kini vekamoʼmo ala agiʼamo amiteno alopa aliʼyaʼmo amiʼnigeʼapaeʼmo asole vayaʼmo kini vekamo gamani vayaʼaʼe aliʼyaʼamo neʼaliya vayaʼamogiʼeʼmo agae aiyafikeʼmo neʼmaiya kavafeʼmo ava gemo huno hapa paiʼniye.

Samu 49:10

Apakaemo ago apakeʼnayana ageteʼa afiʼnaya vayaʼmo ago nefaliya kava huʼa muki vayaʼmo oʼafiʼnaya vayaʼe negi vayaʼeʼmo faliʼapaeʼmo kagemi yaʼapimo ataleʼa faliʼnageʼapaeʼmo alu vayaʼmogi neʼaliye.

Samu 73:19

Lusi hosu yaʼmo apaminageʼapaeʼmo malage huʼa uʼa lamiʼa hano nehae. Lusi kava huʼa apamoʼyamo neʼaiya kavaʼmoʼa atafi kaegekana huʼa aliʼa hano huʼa neʼapatalae.

Samu 78:30

Neʼyaʼmo afaʼa lamigifiye, huʼa huteʼa amalageka huteʼa apakesamo afiʼa fatago osuʼnayaʼmofeʼmo apamiʼniya neʼyaʼmo neʼa oʼnakaiʼnafa apavayafiʼmo kutala neʼaigenoʼaeʼmo Gotiʼa aipamo leno apateteno Isaleli vayapatiʼmo hogote lokiya vayaʼageʼmo ago apamagiʼnigeʼa faliʼnae.

Mai'naya kavane 10:2

Hosu kavatetiʼmo neʼaliya kagemi yaʼapimoʼmo hapa oʼmaegiyaʼmonanafa fatago kavatetiʼmo falisaya kavatetiʼmo apakufamo alino katino apategaiye.

Mai'naya kavane 11:4

Ala kava neʼmoʼa aipamo leno apatesiya afinaʼmo vayaʼai kagemi yaʼapimoʼa hapa oʼmaegaiyaʼmonanafa vayaʼai fatago kavaʼapimoʼa falisaya kavategatiʼmo apakufamo alino katino apategaiye.

Mai'naya kavane 13:7

Mago vayaʼmogimo huʼapaeʼmo, kagemi yatimo haneʼniya vayaʼmo maiʼnone, huʼa nehayaʼmonanafa ohaneʼniye. Mago vayaʼmogimo huʼapaeʼmo, kagemi yatimo ohaneʼniya vayaʼmo maiʼnone, huʼa nehayaʼmonanafa kagemi yaʼapimo haneʼniya vayaʼmo maiʼnae.

Mai'naya kavane 27:1

Lapakaemo henagaʼamo afole aisiya kavaʼmo oʼageʼnayaʼmofeʼmo egamo ani kavaʼmo huguve, ina kavaʼmo huguve, hutapa huteta himuʼnamu gemo osiyo.

Mai'naya kavane 28:8

Vayaʼmogimo anonamo aliʼnaya yatefeʼmo magoʼe monimo maleteʼa neʼapamiya vayaʼmogi alopa moniʼapimo atalesageno kagemi yaʼapimo ohaneʼniya vayaʼaifeʼmo hau huno neʼapateya vekamoʼmo aligiye.

Aiyeya 56:12

Vayaʼmo aliʼa anupa nehaya afinaʼmo apakaepatiʼmo mago vekamoʼmo ina gemo hunoʼaeʼmo, Nagaemo nofi alagafati aniʼmo aliniʼna esugeta lagaemo alino negi nagi huno latesiya aniʼmo neme neme ugune. Lagaemo egamo ani agufa kavaʼmo huteta magoʼe hutageʼmo negaune, huno hugiye.

Neyomi 1:10

Apakaemo aufe kahaumoʼmo aino kiʼniya kava huʼa maige lokiya aniʼmo neteʼa negi nagi nehaya vayaʼmo magokepi lokaeʼa neʼmaiya kava huʼa magokepiʼmo lokaeʼa maige huʼnayanageno atamoʼmo vaiʼniya hiʼyagofafiʼmo neleya kava huno alagi alino hano huno apatalegaiye.

Luki 11:40

Negi vayane, huʼna, Gotiʼa amega apakufamo alo huʼniya vekamoʼmo apakupiʼeʼmo alo osuʼnifiye.

1 Tesaloniyani 5:3

Vayaʼmogi, alagepa huta neʼmaunanageta ani kavakeʼmo huta maigune, huʼa nehisagenoʼaeʼmo malage huno hosu kavaʼmo apakaeteʼmo afole aiteno alino hano huno apategaiye. Aʼnemogimo mafaʼnemo aliʼa apatesayafeʼmo huʼnaya afinaʼmo fikumo maiʼnagenoʼaeʼmo malage huno apakafu nekiya agufa kavaʼmo apakaeteʼmo afole aisigeʼapaeʼmo faiʼa kasalo opaegae.

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.

1 Timoti 6:7

Itatimogi aliʼa nelataya afinaʼmo mago yaʼmo aliʼnita afole noʼaune. Ani kavaʼmo huta ago afiʼnonana falisuna afinaʼmo mago kagemi yatiʼeʼmo alinita afaʼa oʼugune.

Yemisi 4:14

Nehayaʼmonanafa egamo na agufa kavaʼmo afole aigifi hutapa oʼafiʼnae. Lapakaemo na agufa yakana hutapa maiʼnae. Lapakaemo netepiʼmo yosaleʼmo aise hiyaʼmo kiʼnigeno yegemo haino neʼegenoʼaeʼmo alino hano hulino neʼviya hiyakana hutapa maiʼnae.