Luki 12:17 - The Keyagana NT and 25 OT books

¹⁷ Agaemo aipafiʼmo agesamo afinoʼaeʼmo, neʼyaʼnimo malesuva nokoʼnimo ago kili paeʼniyaʼmofeʼmo nagaemo na agufa kavaʼmo huguve.

Luki 12:17 ပူးပေါင်းရင်းမြစ်များ

Aiyeya 58:7

Lapakaemo apaka tesiya vayaʼmo neʼyaʼmo apamige kagemi yaʼapimo ohaneʼnisiya vayaʼmo havaesaya noʼmo ohaneʼnisiyaʼmoʼmo apavaleliteta notapifiʼmo apatege kukena yaʼapimo ohaneʼnisiya vayaʼmo kukena yaʼmo apamige lapakaemo magoke kolaʼmogimo kana yaʼmo alisaya afinaʼmo lapakameʼyamo oʼapamita hapa maege hisaya kavafeʼmo nahauʼniye. Hosu kavanagetapa konagatapimogi olapakesayafeʼmo fala kita neʼmaiye.

Matiyu 16:7

Apakaemo ge huge afige huʼapaeʼmo, lagaemo peleti mayamo oʼalita ago ataleta neʼonaʼmofeʼmo mani gemo nehiye, huʼa huʼnae.

Matiyu 5:42

Mago vekamoʼa hunoʼaeʼmo, mago yaʼmo namiyo, huno lapafi gesigetapaeʼmo afa amiyo. Mago vekamoʼa mago yafeʼmo hunoʼaeʼmo, yoka namiyo, huno lapafi gesigetapaeʼmo lapakameʼyamo oʼamita afa amiyo.

Luki 10:25

Mago keʼaepa gemo neʼafiya vekamoʼmo Yesuʼmo amalageka hisiyafeʼmo he tino hunoʼaeʼmo, Tisao, huno, alagepa huʼna maige maige huʼna maisuvafeʼmo na agufa kavaʼmo hisuve, huno ge huno afi geʼnigenoʼaeʼmo,

Luki 11:41

Lapakaemo agotofulega sese nehayaʼmonanafa aguʼafilaga haneʼniya yaʼaʼeʼmo alita kagemi yaʼapimo ohaneʼniya vayaʼmo apamigeno lapakaetefeʼmo muki yaʼmo alagepa huno haneno.

Luki 12:16

ani kavafeʼmo huno aeno kalafefa gemo huno hapa painoʼaeʼmo, mago kagemi yaʼamo haneʼniya vekamoʼmo hoyaʼafatiʼmo asole neʼyaʼmo afole aiʼniye.

Luki 12:18

Nagaemo ina kavaʼmo huguve. Neʼyaʼnimo neʼmalova nokoʼnimo halate halagape vaiʼna alopa alopa nokoʼnimo kiteʼna muki neʼyaʼniʼe kagemi yaʼniʼeʼmo ani nokopiʼmo malegauve.

Luki 12:22

Yesuʼa geʼamo neʼafiya vayaʼaifeʼmo hunoʼaeʼmo, ina kavaʼmo huno haneʼniyaʼmofeʼmo lapa paiʼnaeʼmo, afaʼa neʼmaiya kavaʼmo hogote kavaʼmo haneʼnigeno neʼyaʼmo ago aeno aga seʼniye. Lapakufamo hogote yaʼmo haneʼneno kukena yaʼmo ago aeno aga seʼniye. Aeno aga seʼniyaʼmofeʼmo ma mopafi maisaya kavafeʼmo, vae, na agufa neʼyaʼmo negaune, na agufa kukena yaʼmo aligune, huteta lapakesa alaʼamo afiteta lahapausoli osiyo.

Luki 12:29

Neʼyaʼmo nesaya yafeʼmo kahauya hutetapaeʼmo na agufa neʼyaʼmo negaune hutapa osuta lahapausoli osiyo.

Luki 12:33

Kagemiyatapimo alita maketi higeʼa miya faitesagetapa alisaya monimo alita fako huta kagemi yaʼapimo ohaneʼnisiya vayaʼmo apamiyo. Kokuʼnapiʼmo alagepa kagemi yatapimo malegenoʼao hano osuno afaʼa haneno. Kokuʼnapi yatapimo kumayaʼmo oʼalige kafamoʼmo oʼnege hisigeno alagepa huno hanege hanege huno hanesiya yatapimo lapaya mukiki huta aliyo.

Luki 16:3

kagemi yaʼaleʼmo yagaino neʼateya vekamoʼmo hunoʼaeʼmo, na agufa kavaʼmo huguve. Aliʼyaʼmo afoʼamoʼmo naha faino natalesiyafeʼmo huʼniye. Nayamufa vekamo oʼmaiʼnovaʼmofeʼmo hoya aliʼyaʼmo afaʼa oʼaliguve. Mago vayaʼmogi neʼyatefeʼmo aukaya hisuvafeʼmo navagagemo hugiye.

Luki 16:9

Nagaemo lapa nepauve, huno, ma mopafi hosu moniletiʼmo alita lapao yaʼmo hiyo. Lapakaemo falisageʼa lapao vayaʼmogi aliʼa falu fala huʼa lapatetesagetapaeʼmo nopiʼmo hanege hanege huno hanesiya noʼapifiʼmo uta haigae.

Luki 18:22

Yesuʼa ani gemo afitenoʼaeʼmo, magoke kavaʼatokamo aeka aga seʼnane. Muki kagemi yakamo alika maketi hugeʼa miya faitesageka alisana monimo alika fako huka kagemi yaʼapimo ohaneʼnisaya vayaʼaina apamigenoʼao alagepa yakamo kokuʼnapiʼmo haneno. Ani kavaʼmo hutekaeʼmo eka nakame huvo, huno ha paiʼnigeno

Luki 19:17

alagepa huka aliʼyaʼnimo aliʼnane. Aise yateʼmo alagepa huka yagaiʼnanaʼmofeʼmo teniʼa taonileʼmo yagaisanafeʼmo lekana paiʼna kateʼnove, huno ha paitegenoʼaeʼmo

Luki 3:11

lole siyotimo aliʼnisiya vekamoʼmo mago oʼaliʼnisiya vekamo afaʼa amigiye. Neʼyaʼmo aliʼnisaya vayaʼmogimo ani kavakeʼmo huʼa apamigiye, huno hapa paiʼniye.

Apa 16:30

Agaemo nopatiʼmo anavalelino neʼunoʼaeʼmo, Ala vekalane, huno, Gotiʼa nagufamo alino katino natesiyafeʼmo na agufa kava hisuve, huno ge huno anafi geʼnigeʼanaeʼmo

Apa 2:37

Ani gemo afiʼnagenoʼaeʼmo apaipafiʼmo aeʼnigeʼa Pitaʼe muki apa vayaʼefeʼmo huʼapaeʼmo, Vayatimogitapae, huʼa, haiya kavaʼmo hisune, huʼa ge huʼa apafi geʼnae.

Lomu 12:13

Kagemi yatapimo alita fako hutapa apaote vayaʼmo kagemi yaʼapimo ohaneʼnisiya vayaʼmo apamiyo. Nata vayaʼmo esagetapaeʼmo alagepa huta yagaitapa apateyo.

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.

1 Yoni 3:16

Yesuʼa afaʼa neʼmaiya yaʼamo lagaetefeʼmo ataleʼniyaʼmofeʼmo lagaefeʼmo hau ayamopafiʼmo hauʼniya kavaʼamo ageʼnonanageta ani kavaʼmo huta konagatimogitefeʼmo afaʼa neʼmauna yatimo atalegaune.