Luki 11:9 - The Keyagana NT and 25 OT books

⁹ Inagi nagaemo lapa paiʼnaeʼmo, afaʼa afi nekegenoʼao lapamigiyanagi. Kahauya hiyo agetapa aligayanagi. Kitaleʼmo hakalu hakalu nehigenoʼao kitamo yakino lapategaiyanagi.

Luki 11:9 ပူးပေါင်းရင်းမြစ်များ

Samu 118:5

Lusi hanageke yaʼmo aliʼneʼnaeʼmo Ala kava nefekeʼmo keya aeʼna ge huʼnogenoʼaeʼmo geʼnimo afiteno hatu maeno nateʼnigeʼna afaʼa maiʼnove.

Samu 27:4

Nagaemo Gotiʼa magoke yaʼmo namisiyafeʼmo nahauʼniyanageʼna ani yaʼmo alisuvafekeʼmo kahauya huguve. Nagaemo Ala kava neʼmo nopiʼmo muki afaʼa maisuva afinaʼmo maiʼneʼna Ala kava neʼmo konali yaʼamo aulu heʼna ageteʼnaeʼmo alopa mono noʼafiʼmo maiʼneʼna ge huʼna afi gegauve.

Samu 27:8

Kagaemo nagaefeʼmo hukaeʼmo nagaefeʼmo kahauya hulika eno huka nehanageʼnaeʼmo kagaefeʼmo nagaemo kahauya huliʼna uguve, huʼna nehuve.

Samu 34:10

Laiyoni anaʼaumogi apaka neteyaʼmonanafa Ala kava neʼmo agesayafeʼmo kahauya nehaya vayaʼmogimo muki alagepa yaʼmo aliteʼapaeʼmo kafu nosae.

Samu 34:4

Koli huʼna maiʼneʼnaeʼmo naha maesiyafeʼmo kahauya huʼna nunumuʼmo huʼnogeno afitenoʼaeʼmo naha maeʼnigeʼna koli osuʼna afaʼa maiʼnove.

Samu 50:15

Hanageke yaʼmo alisaya afinaʼmo nagaefekeʼmo ge higeʼnao alagepa huʼna lapa maesugetapa ala nagiʼnimo namigae.

Salomoni Yokemae 5:6

Nahau nayamopafiʼmo nahauʼniya vekaʼnimo kita yakiʼna ateʼnovaʼmonanafa ago utegeʼna nagaemo oʼageʼnove. Nagaemo huʼniya geʼaeʼmo nagesamo neʼafugenoʼaeʼmo nagupi mafaʼnemoʼmo alagi hosuʼniye. Nagaemo agaefeʼmo kahauya huʼnovaʼmonanafa oʼageʼnove. Nagaemo keya aeʼna ge huʼnovaʼmonanafa agaemo geʼnileʼmo aeno atagaina huno ge osuʼniye.

Aiyeya 45:19

Nagaemo fala kiʼna afagitega hani huʼniya kotegatiʼmo ge osuʼnove. Nagaemo Yekopu aginago vayaʼaifeʼmo huʼnaeʼmo, fiku kahauya hutapa nageyo, huʼna hapa opaiʼnofa lapa maesuvafekeʼmo kahauya hutapa nageyo, huʼna hapa paiʼnove. Ala kava neʼmoʼnamo fatago gemo huʼnaeʼmo, lama gemo nehuve.

Neniyo 9:3

Afiteʼnaeʼmo Ala kava netegamo naipa nagesamo amiʼneʼna neʼyaʼmo oʼneʼna mo sige kogu kukenamo vaige laʼnefamo aliʼna falege huteʼna lokiya kava huʼna nunumuʼmo huʼna ge huʼnove.

Matiyu 21:22

Lapakesamo afita fatago hisayana nunumuʼmo huta afi gesaya yaʼmo afaʼa aligae.

Matiyu 21:31

Haiya mafaʼnemoʼmo afoʼamo geʼamo afiʼniye, huno apafi geʼnigeʼapaeʼmo, yege mafaʼneʼamoʼae, huʼa ha paiʼnae. Yesuʼa hunoʼaeʼmo, lama ge lapa nepauve, huno, takesi moni neʼaliya vayaʼe kumai kavaʼmo nehaya aʼnemogiʼeʼmo aeʼa lapaka seʼa uʼa hogoteʼa Gotiʼa yagaino neʼapateya kopiʼmo uʼa nehaiye.

Matiyu 6:29

Nelagiyaʼmonanafa ausemoʼa ala vekaʼapimo kini vekamo Salomoniʼa vaino aliʼniya kukena yaʼamo ago aeno agaseʼniye.

Maki 11:24

Ani kavaʼmo haneʼniyaʼmofeʼmo lapa nepauve, huno, lapakaemo na agufa kavafeʼmo nunumuʼmo hutapa afi negesafi aliguve hutapa lapakesa afita fatago huʼnetapa hiyo afaʼa aligayanagi.

Maki 13:37

Lapa nepauva agufa gemo huʼna muki vayaʼaifeʼmo kava yagaita maiyo, huʼna hapa nepauve, huno hapa paiʼniye.

Luki 11:10

Ge huʼa afi nekaya vayaʼmogimo neʼaliye. Kahauya nehaya vayaʼmogi ageʼa neʼaliye. Kitaleʼmo hakalu hakalu nehaya vayaʼmo kitamo yakino neʼapate.

Yoni 14:13

Lapakaemo nagiʼniletiʼmo na agufa kavafeʼmo nunumuʼmo hutapa nafi gesafi Afoʼnimo ha le konali yaʼamo aliʼna lapave lisuvafeʼmo ani kavaʼmo afaʼa huguve.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 15:7

Lapakaemo nagaepiʼmo aeta hanitapa maiʼnisageno geʼnimo lapaipafiʼmo haneʼninagetapa lapauʼnisiya yafeʼmo Gotifeʼmo ge hutapa afi gesagenoʼaeʼmo afaʼa lapamigiye.

Yoni 4:10

Ha paiʼnigenoʼaeʼmo, kagaemo Gotiʼa fiku hapa maeno neʼapamiya yaʼmo ageteka aniʼmo he fika namiyo, huno ge huʼniya vekamo ageka aeto huʼnanesinana agaefeʼmo namiyo, huka afi gesanageno kanage kanage huno haineno uno nelamiya aniʼmo kamiʼniyesine, huno ha paiʼnigenoʼaeʼmo

Lomu 2:7

Gotiʼa ha le konali yaʼapigi ala apakiʼapigi maige maige huʼa maisaya yaʼapigi huʼa alisayafeʼmo hapaʼye nehigeʼa alagepa kavaʼmo oʼataleʼa atafauʼa alagi huʼa maime maime neʼvisaya vayaʼmo alagepa huʼa maige maige huʼa maisaya yaʼapimo apamigiye.

2 Kolitiyani 6:2

Ani kavatefeʼmo hunoʼaeʼmo, Fikumo hapa maeʼna neʼapamuva afinaʼmo gekamo afiʼnove. Apakufamo aliʼna katiʼna neʼapatova afinaʼmo kaha maeʼnove, huno huʼniye. Afiyo, huʼna, hemenimo vayaʼmo fikumo hapa maeno neʼapamiya afinaʼmo haneʼniye. Afiyo, huʼna, hemenimo vayaʼai apakufamo alino katino neʼapateya afinaʼmo haneʼniye.

Himulu 11:6

Amuse huno ateʼniyaʼmonanafa apakesamo afiʼa fatago nosaya vayaʼaifeʼmo Gotiʼa amuse huno apatesiyafeʼmo magoke alagepa kavaʼmo alagi afaʼa osugae. Na kava hinageʼapaene. Gotitegamo neʼvaya vayaʼmogimo huʼapaeʼmo, Gotiʼa maiʼniye, huteʼa agaefeʼmo apayamukiki huʼa kahauya huʼa agesayafeʼmo nehaya vayaʼaina alagepa yaʼmo neʼapamiye, huʼa apakesamo afiʼa fatago nehae.

Himulu 4:16

Inagi atete osuta Gotiʼa yagaino neʼapateya siyaʼaleʼmo fai maiʼnenoʼaeʼmo fikumo laha maeno nelamiya kavategamo vigetao, kana yaʼmo alisuna afinaʼmo hau huno lateteno fikumo laha maeno lamigiyaʼmofeʼmae.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.

Yemisi 5:15

Apakaemo Gotifeʼmo apakesamo afiʼa fatago huʼneʼa nunumuʼmo huʼa atesageno Ala kava neʼmoʼa alagepa huno alino hageno ategaiye. Kaitaʼmo hauʼniya vekamoʼmo hosu kavaʼmo huʼnisiyaʼmoʼmo Ala kava neʼmoʼa hosu kavaʼamo alino atalegaiye.

1 Yoni 3:22

Lagaemo keʼaepa geʼamo akame nehunagenoʼaeʼmo amuse huno nelateya kavaʼmo nehunaʼmofeʼmo haoke nehunagenoʼaeʼmo nelamiye.

Leveleseni 2:24

Lapamiguvaʼmonanafa mago Taiyataila taonifiʼmo maiʼnaya siosi vayaʼmogitapamo ani agufa hosu gemo afitetapa akame nosae. Mago vayaʼmogi mani geeʼmo, Sataniʼa alino fala ki maleʼniya gemo haneʼniye, huʼa huʼnaya gemo lapakaemo oʼafiʼnae. Nagaemo huʼnaeʼmo, magoʼe huʼna kana yaʼmo aliʼna olapamiguvaʼmonanafa