Luki 11:4 - The Keyagana NT and 25 OT books

⁴ Lagaetegamo hosu kavaʼmo nehaya vayaʼaifeʼmo hutaeʼmo, afaʼa ateyo, huta nehuna agufa gemo huka kagaetegamo hosu kavaʼmo nehisunagekaeʼmo lagaefeʼmo hukaeʼmo, afa ateyo, huka huvo. Lamalageka hisiya kavategamo lavalelikuka olateka hosu vekamo ayapatiʼmo alika hafaleka latalo, hutapa nunumuʼmo hiyo.

Luki 11:4 ပူးပေါင်းရင်းမြစ်များ

Aepa Gemae 48:16

Enisole vekamoʼa muki hosu kavategatiʼmo nagufamo alino katino nateʼniya enisole vekamoʼa lole mafaʼnelaʼmo alino auleno anatesigeʼa vayaʼmogimo anakaefeʼmo huʼapaeʼmo, Yekopu mafaʼnelane, huʼa huge Emalehamu nofi vekalane, huʼa huge Aisaki nofi vekalane, huʼa huge hugae. Anakaepatiʼmo Gotiʼa asole vayaʼmo alino afole aino apateno, huno huʼniye.

Samu 121:7

Ala kava neʼmoʼa alu hosu kavatetiʼe alu hosu kavatetiʼeʼmo alino hosu huno okatesiyafeʼmo yagaino katesigeno kagupi mafaʼnemo alagepa huno maigiye.

Samu 25:11

O Ala kava nene, huʼna, ala kagikalefeʼmo hosu kavaʼnimo alika atalo. Asole hosu kavaʼmo huʼnovaʼmofeʼmo alika atalo.

Samu 25:18

Kana yaʼmo alige nagafu kige huʼna maiʼnisugeka nagetekaeʼmo muki hosu kavaʼnimo alika atalo.

Neniyo 9:19

O Ala kava nene, huʼna, afiyo. O Ala kava nene, huʼna, hosu kavatimo alika atalo. O Ala kava nene, huʼna, afiteka laha mao. Afaʼa oʼmaika kagaikalefeʼmo malage huka aliʼyaʼmo aliyo. Taoniʼe vayaʼeʼmo kagaika yaʼmo haneʼniyaʼmofeʼmae.

Matiyu 18:35

Yesuʼa ani gemo hapa paitenoʼaeʼmo, lapakaemo lapaipafatiʼmo konagatapimogi hosu kavaʼapimo alita oʼatalesayana kokuʼnapi Afoʼnimoʼmo kini vekaʼapimoʼmo huʼniya agufa kavaʼmo lapakaetegamo hugiye, huno hapa paiʼniye.

Matiyu 26:41

Lapamalageka hisiya kavapiʼmo haita ofalesayafeʼmo kava yagaita maiʼnetapa nunumuʼmo hiyo. Lapaunelapameʼmoʼa hunoʼaeʼmo, afaʼa hugune, huno nehiyaʼmonanafa hisayafeʼmo amega lapakufamoʼmo lokiya noʼvaiye, huno hapa paiʼniye.

Luki 11:5

Yesuʼa apakaefeʼmo hunoʼaeʼmo, lapakaepatiʼmo mago vekamogamo haniʼilaga folaguʼmo uno ao vekaeʼmo hunoʼaeʼmo, Veʼnimo, huno, nao vekamo eno noʼnifiʼmo maiʼniyana neʼyaʼmo nesiya yaʼmo alagi ohaneʼnigi loleʼe magoʼe peleti mayamo anona huka nato, huka ha paisanagenoʼaeʼmo

Luki 13:4

Silomi kotegamo lusi yatala yafa noʼmo aino halagape vaino asagauno aino eitiniʼa vayaʼmo apamagiʼnigeʼa faliʼnaya vayaʼai hosu kavaʼapimoʼmo muki Yulusalemu taonifiʼmo maiʼnaya vayaʼai hosu kavaʼapimo ago aeno aga seʼniye, huta lapakesamo neʼafifiye.

Luki 22:46

Agaemo hunoʼaeʼmo, na kava higetapaeʼmo lapau kaleta maiʼnae. Lapamalageka hisiya kavapiʼmo haita ofalesayafeʼmo he tita nunumuʼmo hiyo, huno hapa paiʼniye.

Luki 8:13

Mago avina yaʼmo yafa agotofuleʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo apamogaga neʼaiye. Hafuʼyamo mopafi oʼaeʼniya agufa kavaʼmo huʼa yoka apakesamo afiʼa fatago huʼnagenoʼaeʼmo apamalageka nehiya afinaʼmo ataleʼa ago asagauʼa neʼaiye.

Yoni 17:15

Nagaemo huʼnaeʼmo, ma mopafatiʼmo apavalelika uka haiyo, huʼna ge nosufa hosu vekamoʼmo apakaetegamo hosu kavaʼmo osisiyafeʼmo yagaika apato, huʼna nunumuʼmo huʼna neʼapatove.

1 Kolitiyani 10:13

Lapakaetegamo aeto aeto agufa lapamalagekaʼmo hisaya kavaʼmo muki vayaʼaitegamo apamalageka nehiya kavakeʼmo afole aiʼniye. Gotiʼa huguve, huno nehiya kavaʼmo alagi nehiya vekamo maiʼniyaʼmofeʼmo lapamalageka hisiya kavaʼmoʼa aeno lapakasesiya kaʼmo afaʼa valino oʼategaiye. Lapamalageka hisigetapaeʼmo asagauta oʼaitapa he titapa maisayafeʼmo faita kasalo paesaya kaʼmo afaʼa valino lapategaiye.

Kolosi 3:13

Hosu kavaʼmo lapakaepatiʼmo hisagetapaeʼmo konagatapilegamo afalu afalu kavaʼmo hutapa vase kavaʼmo huge hosu kavaʼapimo alita atalege hutetapa magokepiʼmo lokaetapa maiyo. Mago konagatapimoʼmo konagaʼaeʼmo, nagaetegamo hosu kavaʼmo huʼniye, huno agesamo afiʼnisiyaʼmoʼmo Ala kava neʼmoʼa hosu kavatapimo alino ataleʼniya kava hutapa hosu kavaʼamo alita ataleyo.

2 Tesaloniyani 3:3

Apakaemo maiʼnayaʼmonanafa Ala kava neʼmoʼa huguve, huno huʼniya gemo alagi oʼataleno akame nehiya vekamoʼmo lokiya vaino lapateteno yagaino lapatesigeno hosu kavaʼmoʼa alino hosu huno olapategaiye.

2 Timoti 4:18

Inagi Ala kava neʼmoʼa muki hosu kavapatiʼmo nagufamo alino katino nateteno kokuʼnapiʼmo yagaino neʼapateya koteʼmo navalelino uno haino nategaiye. Muki afinaʼmo ha le konali agiʼamo alagi hanege hanege huno haneno. He, lama gemae.

Yemisi 2:13

Gotiʼa agoti huno apatesiya afinaʼmo mago vayaʼaifeʼmo hapau huʼa noʼapatesaya vayaʼaifeʼmo hau huno oʼapategaiyaʼmonanafa hapau huʼa neʼapataya vayaʼaifeʼmo Gotiʼa hau huno apatesiya kavatetiʼmo agoti huʼa aeʼa agasegae.

Leveleseni 2:10

Aise afinaʼmo utesigeta kana yaʼmo aligayaʼmofeʼmo koli osiyo. Afiyo, huʼna, Sataniʼa lapamalageka huteno kalavusi huno lapatesigetapa naya loleʼa afinaʼmo hanageke yaʼmo aligae. Lapakesamo afita fatago huʼnaya kavatapileʼmo atafauta alagi huta maime maime utapa faliyo. Nehisageʼnaeʼmo aeʼa neʼapakasaya vayaʼmogi neʼaliya agufa kakolitagana yaʼmo maige maige hutapa maisaya yaʼmo lapamiguve.

Leveleseni 3:10

Nagaemo huʼnaeʼmo, oʼataletapa atafauta alagi hutapa maime maime viyo, huʼna lapa paiʼnova geleʼmo yagaitapa ateʼnayaʼmofeʼmo yagaiʼna lapatesugeʼa muki ma mopafi vayaʼmogimo lapamalageka hisaya afinaʼmo faita kasalo paetapa afaʼa maigae.