Luki 11:39 - The Keyagana NT and 25 OT books

³⁹ Ala kava neʼmoʼa hunoʼaeʼmo, Falasi vayaʼmogitapamo kapumo agotofuʼalegaʼe yuvapamo agotofuʼalegaʼeʼmo sese nehayaʼmonanafa lapaipafiʼmo lapaʼye nehiya kavaʼe hosu kavatapiʼeʼmo havai teʼniye.

Luki 11:39 ပူးပေါင်းရင်းမြစ်များ

Aepa Gemae 6:5

Ani afinaʼmo Ala kava neʼmoʼa ma mopafi ve aʼnemogi hosu kavaʼapimo ageyana alagi alopa hosu kavaʼmo haneʼnigeno ageʼniye. Muki vayaʼmogimo muki apaipa apakesamo neʼafiya yaʼapifiʼmo hosu kavaʼageʼmo muki afinaʼae afinaʼaeʼmo hanelino hanelino usiya agufa kava huʼnigeno ageʼniye.

Samu 22:13

Laiyoni anagaʼmogi apaka teʼnigeʼapaeʼmo kae kae nehaya kava huʼa nagaetegamo apavayamo aka nehae.

Mai'naya kavane 26:23

Hosu aipa agesa vekamoʼmo alagepa kavaʼmo hisiyafeʼmo lokiya gemo nehiya vekamo mopa yuvapaleʼmo aigofe siluva yafatetiʼmo faleʼa ati nekaya yuvapakana huno maiʼniye.

Mai'naya kavane 26:25

Seveniʼa agufa hosu kavaʼmo aipafiʼmo haneʼniyaʼmofeʼmo falu fala gemo nehisigekaeʼmo lama gemo nehiye, huka osuvo.

Mai'naya kavane 30:12

Mago nofi vayaʼmo hosu kavaʼapimo aeno kalopaeno oʼataleʼniyana apakaiʼapi apaulagaleʼmo hosu kavatimo ohaneʼnigeta kanale laipa lagesa vayaʼmo maiʼnone, huʼa nehae.

Sefanaiya 3:3

Yulusalemu koteʼmo yagaiʼnaya vayaʼmogi kaekae nehaya laiyonigana huʼa maiʼnae. Agoti gemo neʼafiya vayaʼmo afela kala anagaʼmogimo lusi kava huno apaka teʼnigeʼa neʼyaʼmo neʼa hano nehaya agufa kavaʼmo nehae.

Matiyu 15:19

Apaipafatiʼmo afole neʼaiya kavaʼmo haneʼniyana hosu apakesa neʼafiya kavaʼmo hanege vayaʼmo nehapaya kavaʼmo hanege kumai kavaʼmo hanege aʼnemo apayate neʼaliya kavaʼmo hanege kumayaʼmo neʼaliya kavaʼmo hanege aigofe gemo nehaya gemo hanege huʼa faipa huʼa neʼapataya gemo hanege huʼniye.

Matiyu 7:15

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Luki 16:15

Yesuʼa apakaefeʼmo hunoʼaeʼmo, lapakaemo vayaʼmogi apaulagaleʼmo kanale vayaʼmo maisayafeʼmo muki kavaʼmo nehayaʼmonanafa Gotiʼa lapaipafiʼmo ageʼniye. Vayaʼmogimo mago kavafeʼmo agiʼaleʼmo aliʼa neʼasagayaʼmonanafa Goti aulagaleʼmo alagi hosuʼniya kavaʼmo haneʼniye.

Luki 7:13

Ala kava neʼmoʼa kogu a kanomo agetenoʼaeʼmo hau huno ateteno, aviʼyaʼmo osuvo, huno ha paiteno

Luki 7:19

Yoniʼa geʼamo neʼafiʼa vekalaʼanifeʼmo ge huʼnigeʼana eʼnaʼageno Yesutegamo utanaeʼmo, afole aigiye, huʼa huʼnaya vekamo maiʼnapi alu vekaeʼmo agava maisune, hutana ge hutana afi geʼao, huno hana paiteno alino anateʼnigeʼana Yesutegamo uʼnaʼae.

Yoni 12:6

Kagemi yaʼapimo ohaneʼnisiya vayaʼaifeʼmo agesa oʼafiʼniyaʼmonanafa moni kuteʼmo neʼyagaiya vekamo maiʼneno kupatiʼmo kumayaʼmo neʼaliya vekamo maiʼniyaʼmofeʼmo ani gemo huʼniye.

Yoni 13:2

Sataniʼa Yutasiʼmo Isakaliyoti kotega vekamo Saimoni mafaʼnemoʼa Yesuʼmo avaleno hosu vayaʼai apayapiʼmo atesiya agesamo amiʼniye. Neʼyaʼmo neteʼapaeʼmo Yesuʼa ago ageʼniyana muki yaʼmo Afoʼamoʼmo muki vayaʼaiteʼe muki yateʼeʼmo yagaisuvafeʼmo lekana paino nateʼniye. Gotitegatiʼmo emiʼneʼnovanageʼna halate Gotitegamo uʼna haiguve, huno ago ageʼniye.

Apa 5:3

Pitaʼa hunoʼaeʼmo, Ananaiyasiyo, huno, Na kava higeka Sataniʼmo ateʼnanageno kaipafiʼmo faleno uno haiʼnigeka mago vekamoʼmo mago mopamo miya faiʼniya monimo alika fako huka maleteka eka Goti Aunemeʼaeʼmo aigofe gemo huʼnane.

Galesiya 1:14

Nagaemo Yu nofi vayaʼmogi nehaya kava huʼna magoʼe huʼna huliʼna neʼuʼnaeʼmo nafaluʼnimogimo ago aeʼna apakaseʼna laginago vayaʼai gemo akame nehuʼnaeʼmo lusi kava huʼna nayamukiki huʼna maiʼnove.

2 Timoti 3:5

Apakaemo Gotifeʼmo amega apakufaletiʼmo mono nehayaʼmofeʼmo nehaya kavaʼapiletiʼmo huʼapaeʼmo, Goti himamuʼaletiʼmo apaipafiʼmo aliʼyaʼmo noʼaliye, huʼa aliʼa apave neliye. Ani agufa vayaʼmo apataleka kaote maiyo.

Taitasi 1:15

Yaveyave apaipa vayaʼmogimo muki aliʼnisaya yaʼamo apakaiʼapilefeʼmo yaveyave yaʼmo haneʼniyaʼmonanafa hosu kavaʼmoʼa alino oʼaniʼya faino apateʼnisiya vayaʼmogimo muki aliʼnisaya yaʼamo apakaiʼapilefeʼmo oʼaniʼya yaʼmo haneʼniye. Apakesamo neʼafiya yaʼapifiʼe apakupi mafaʼnefiʼeʼmo oʼaniʼya yaʼmo havai teʼniyaʼmofeʼmae.

Yemisi 4:8

Goti haopaleʼmo vigenoʼao lapakae lapaopaleʼmo eno. Hosu kavaʼmo nehaya vayaʼmogitapae, huʼna, lapayaʼmo sese hiyo. Lole lapakesamo neʼafiya vayanagi lapaipafatiʼmo oʼaniʼyamo aeta kalo paetapa ataleyo.