Luki 11:36 - The Keyagana NT and 25 OT books

³⁶ Lapaipafiʼmo aeno ha leʼnisiyaʼmoʼmo magokayaga lahapaopaleʼmo hani yaʼmo ohanesigeno muki lapakufafilagamo aeno ha lesigeno lamumoʼmo lapakufaleʼmo aeno ha neleya kava huno aeno ha legaiye, huno hapa paiʼniye.

Luki 11:36 ပူးပေါင်းရင်းမြစ်များ

Mai'naya kavane 1:5

Alagepa huno afiʼnisiya vekamo kaʼmo alino ho huno ategaiye.

Mai'naya kavane 20:27

Vayaʼmogi apauneʼapameʼmo Ala kava neʼmo lamugana huno haneʼneno vasilona apaipafatiʼmo kahauya huno haneʼniya yaʼmo alino afole neʼaiye.

Mai'naya kavane 6:23

Afiyo, huno huʼniya gemoʼmo lamugana huno haneʼniye. Keʼaepa gemoʼmo ha le yakana huno haneʼniye. Ani gemoʼmo alino api aino katesigeka alagepa huka maisana yaʼmo alisana kaʼmo alino kave ligiye.

Aiyeya 42:16

Nagaemo apaulagamo ali huʼniya vayaʼmogi uʼeʼa nosaya kateʼmo apavaleliʼna egauve. Oʼageʼnaya kateʼmo apavaleliʼna uguve. Nagaemo hani yaʼmo aliʼna ataleteʼna hale yaʼmo apamisugeʼa hale yategamo umenitata hugae. Kayagi kayaga kaʼapimo aliʼna api aiʼna kaʼmo valiguve. Nagaemo hapa maesuvafeʼmo ani kavaʼmo huteʼnaeʼmo apataleʼna oʼuguve.

Matiyu 13:52

Agaemo hapa painoʼaeʼmo, Afamo anagaʼai afoʼapimo noʼapifiʼmo alagepa yaʼmo saufamo ageno maleʼniya yaʼe akeyaʼvilaga ageno maleʼniya yapatiʼeʼmo alino afamo anagaʼamo neʼapamiya kava huʼa muki keʼaepa gemo tisa vayaʼmogimo Gotiʼa yagaino neʼapateya kavafeʼmo aliʼa apaya maleʼnageʼa afiʼnaya tisa vayaʼapimogi saufa geʼe atafa geʼeʼmo aliʼa neʼapamiye, huno hapa paiʼniye.

Matiyu 5:15

Vayaʼmogimo lamufiʼmo kani aeʼa kaeteʼapaeʼmo paketimo ayopiʼmo noʼmalafa hiʼyalamutekeʼmo malenageno muki ani nopiʼmo maiʼnaya vayaʼmo alagepa huno aeno ha leno apateʼnigeʼa ageʼa ha leʼa neʼmaiye.

Luki 11:35

Ehetapiye, huʼna, Naipafiʼmo aeno ha nelefi aeno ha nolefi hutapa lapakesamo afiyo.

Luki 11:37

Ani gemo huno hano hutegenoʼaeʼmo mago Falasi vekamoʼmo hunoʼaeʼmo, eka noʼnifiʼmo neʼyaʼmo no, huno ha paiʼnigeno eno noʼafiʼmo uno haino hiʼyalamuteʼmo fai maiʼniye.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

Efasasi 4:14

Magoʼe huta mafaʼnegana huta oʼmaita kosigune. Mafaʼnegana huta maiʼnisunaʼmoʼmo aigofe vayaʼmogi aliʼa apaya neʼmalaya gemoʼmo yasimo alinino uneno nehigeno aino afelo afalo nehiya sipigana huta maigune. Apakaemo apakaiʼapimo apakesamo afiteʼa humiʼnami gemo huteʼa apayate neʼaliye.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

Himulu 5:14

Alopa vayaʼmogimo lokiya neʼyaʼmo neʼnae. Muki afinaʼae afinaʼaeʼmo afime afime neʼayaʼmofeʼmo alagepa geʼe hosu geʼeʼmo alagepa huʼa afaʼa aliʼa fako huʼa neʼafiye.

Yemisi 1:25

Age nekaniyaʼmonanafa mago vekamoʼmo Goti keʼaepa geʼamoʼa uno haino hapaiʼniya kanale geʼaletiʼmo hatu maeno neʼapateya geleʼmo aulu heno ageʼniya geeʼmo age okanino agesamo afifi huno akame nehisiyana kanale hugiye. Muki kavaʼamo nehisigenoʼaeʼmo Gotiʼa alino auleno ategaiye.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.