Luki 11:26 - The Keyagana NT and 25 OT books

²⁶ aino atagineno uno seveniʼa hosu apaune vayaʼmogi magoʼe huʼa aeʼa aga seʼa hosu kavaʼmo nehaya hosu apaune vayaʼmo apavalelino eʼnigeʼapaeʼmo ani nopiʼmo uʼa haiʼa maiʼnae. Hosu aune vekamo aipafiʼmo maiʼniya vekamoʼmo hogoteno hosu kavaʼmo huno maiʼniyaʼmonanafa henagaʼamo magoʼe huno lusi hosu kavaʼmo huno maiʼniye, huno hapa paiʼniye.

Luki 11:26 ပူးပေါင်းရင်းမြစ်များ

Sefanaiya 1:6

Ala kava neʼmo magoʼe huʼa akame osuʼa ataleʼnaya vayaʼe Ala kava neʼmo agesayafeʼmo kahauya huʼa ge huʼa afi okeʼnaya vayaʼeʼmo aliʼna hano huʼna apatalegauve.

Matiyu 12:45

Ageteno ataleno uno seveniʼa hosu apaune vayaʼmogi magoʼe huʼa hosu kavaʼmo huʼa aeʼa aga seʼa maiʼnaya vayaʼmo apavalelinuno ani vekamo aipafiʼmo uʼa haiʼa magokepi lokaeʼa maiʼnae. Maiʼnagenoʼaeʼmo ani vekamo hogoteno hosu kavaʼmo huno maiʼniyana henagaʼamo magoʼe huno lusi hosu kavaʼmo huno maiʼniye. Ani agufa kavaʼmo hemenimo neʼmaiya vayaʼaiteʼmo afole aigiye, huno hapa paiʼniye.

Matiyu 23:15

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Magoke vekamoʼmo getapimo afiteno lapakame hisiyafeʼmo solovala aniʼmo lakaege muki mopafiʼmo umenitata huge hutapa neʼmaiye. He afaʼa afiguve huno hisiyaʼmoʼmo alitapa aya maleteta hosu kavatefeʼmo aeno lapaka seno ata kopiʼmo lamino maisiya vekamo alita hamaletapa neʼatae.

Luki 11:25

Huteno eno ageʼniyana ani nopiʼmo vagi vagi huno alino kanale hu maleʼnigeno afaʼa haneʼnigeno age maleteno

Luki 11:27

Mago a kanomo asole vayaʼmo maiʼnaya folagapiʼmo maiʼniya a kanomoʼmo alopa gefatiʼmo ge hunoʼaeʼmo, alino kateteno nuʼmo kamiʼniya afeʼmo Gotiʼa alino auleno ateʼniye, huno huʼnigeno

Yoni 5:14

Henagaʼamo agaemo Yu vayaʼai alopa mono nopiʼmo Yesuʼa maiʼnigeno agetenoʼaeʼmo, afiyo, huno, hemenimo alagepa huka maiʼnane. Hosu kavakamo ataleka magoʼe huka osuvo, fiku yanageka magoʼe huka hosu kavaʼmo hisanagenoʼaeʼmo kaitakamo aeno agaseno magoʼe hanageke yaʼmo kagaeteʼmo afole aigiye, huno ha paiʼniye.

1 Yoni 5:16

Mago vekamoʼmo konagaʼamoʼmo ageʼniyana hosu kavaʼmo ofalisiya agufa hosu kavaʼmo huʼnisigeno agetenoʼaeʼmo Gotifeʼmo ge huno afi gesigenoʼaeʼmo ani konagaʼamoʼmo falisiya agufa hosu kavaʼmo osuʼniya konagaʼamoʼmo maige maige huno maisiya yaʼmo amigiye. Mago vekamoʼmo alagi falisiya agufa hosu kavaʼmo nehisiyana nunumuʼmo hutapa ateyo, huʼna nosuve.