Luki 10:9 - The Keyagana NT and 25 OT books

⁹ Kaita hapauʼnisiya vayaʼmo alita hapageta apatetetapaeʼmo, Gotiʼa yagaino neʼapateya kavaʼmo lapaopaleʼmo ago eʼniye, huta hapa paiyo.

Luki 10:9 ပူးပေါင်းရင်းမြစ်များ

Neniyo 2:44

Inagi ani teniʼa kini vayaʼmo maisaya afinaʼmo Gotiʼa mago kini vekamo alino afole aino atesigeno muki afinaʼmo yagaino apatege apatege huno maigiye. Mago alu kini vayaʼmo afole aiteʼa Gotiʼa alino afole aino atesiya kini vekamo afaʼa aliʼa afepi oʼategayaʼmonanafa agaekeʼmo alino afepi apateteno muki kini vayaʼmo alino hosu huno apataleteno agaemo muki afinaʼmo alagepa huno yagaino apatege apatege huno maigiye.

Matiyu 3:2

Hapa painoʼaeʼmo, Gotiʼa vayaʼaiteʼmo yagaino apatesiya afinaʼmo alagi ago hogo huʼniyanagi lapaipamo alita afe leyo, huno hapa paino maiʼniye.

Matiyu 4:17

Yesuʼa ani haopalegamo uno aepa faino aeno hakalo huno hapa painoʼaeʼmo, Gotiʼa vayaʼaiteʼmo yagaino apatesiya afinaʼmo ago hogo huʼniyanagi lapaipamo alita afe leyo, huno hapa paino maiʼniye.

Maki 4:30

Hapa paitenoʼaeʼmo, ina kava huno Gotiʼa yagaino apateʼniya kavaʼmo na agufa kavakana huno haneʼniye. Ani kavafeʼmo haiya aune gemo hisune.

Maki 6:13

Apakaemo vayaʼai apaipafatiʼmo asole hosu apaune vayaʼmo aliʼa hapa faiʼa apatalege kaita hapauʼniya vayaʼmo uvelimo faleʼa apateteʼa aliʼa hapageʼa apatege huʼnae.

Luki 10:10

Visaya taonifiʼmo maiʼnisaya vayaʼmogimo aliʼa falu fala huʼa olapatesagetapaeʼmo taoniʼapifi kateʼmo uta he tita maiʼnetapaeʼmo,

Luki 10:11

lapakaitapifiʼmo faigoko gemo hanesiyafeʼmo apakae taonifiʼmo lapaiyalegatiʼmo mumusopamo alita kalo paetaletapa ugae. Afiyo, huno, Gotiʼa yagaino neʼapateya kavaʼmo lapaopaleʼmo ago afole aiʼniyaʼmonanafa oʼageʼnae, huta hapa paiyo.

Luki 9:2

Gotiʼa yagaino neʼapateya kavafeʼmo ava gemo aeta hakalo huta hapa paitetapa kaita hapauʼniya vayaʼmo alita hapageta apatemale apatemale huta umenitata hiyo.

Yoni 3:3

Yesuʼa hunoʼaeʼmo, alagi lama ge kaha nepauve, huno, Gotiʼa halate alino oʼapateʼnisiya vayaʼmogi Gotiʼa haiya kava huno yagaino neʼapatefi huʼa afaʼa ageʼa aeto osugae, huno ha paiʼnigenoʼaeʼmo,

Yoni 3:5

alagi lama gemo kaha nepauve, huno, anitetiʼe Aunemeʼaletiʼeʼmo alino oʼapateʼnisiya vayaʼmo Gotiʼa yagaino neʼapateya kegiʼyafiʼmo afaʼa uʼa ohaigae.

Apa 28:28

Poloʼa hapa paino hano nehunoʼaeʼmo, Ani gemo huʼniyaʼmofeʼmo alagi alagepa hutapa afiyo. Gotiʼa alu nofi vayaʼmo hapa maesiya gemo alino atesigeno visigeʼa afigae, huno hapa paiʼniye.

Apa 28:31

Agaemo Gotiʼa neʼyagaiya kavafeʼmo ava gemo aeno hakalo huno hapa paige Ala kava neʼmo Yesu Kalaisifeʼmo ava gemo alino apaya malege huno maiʼniye. Vayaʼmogimo oʼatafauʼnayaʼmofeʼmo mago gemo fala okino muki geʼamo aeno hakalo huno hapa paino maiʼniye.