Luki 10:5 - The Keyagana NT and 25 OT books

⁵ Uta haisaya nopiʼmo maiʼnisaya vayaʼaifeʼmo hutapaeʼmo, lapaipamoʼmo falu hino, huta hapa paiyo.

Luki 10:5 ပူးပေါင်းရင်းမြစ်များ

Aiyeya 57:19

Ala kava neʼmoʼa ina gemo hunoʼaeʼmo, Neʼyaʼmo mopafatiʼmo afole neʼaiya kava huno apavayafatiʼmo gemo afole neʼaiye. Nagaemo apavayafiʼmo gemo alo huʼna neʼmalove. Apavayafatiʼmo ge hisageʼa afagi kotegamo maiʼnaya vayaʼe haopaleʼmo maiʼnaya vayaʼmogiʼeʼmo afiteʼapaeʼmo, aipamoʼmo falu huno nelate, huʼa hisageno apaipamoʼmo falu hugiye. Nagaemo vayaʼnimo aliʼna hapageʼna apategauve.

Luki 10:4

Lapakaemo hanipausitapigi kutapigi sutapigi hutapa oʼalita afaʼa viyo. Kategamo neʼutapaeʼmo ge apamamaesayafeʼmo oʼmaitapa viyo.

Luki 10:6

Aipamoʼmo falu nehisiya vekamo maiʼnisiyaʼmoʼmo aipamoʼmo afaʼa falu huʼnisigeno maigiye. Aipamoʼmo falu nosisiya vekamo maiʼnisiyaʼmoʼmo getapimoʼmo ha oʼmaesigeno afa yategamo asagauno aigiye.

Luki 19:9

Yesuʼa hunoʼaeʼmo, Emalehamu aginago vekamo maiʼniyaʼmofeʼmo ani afinaʼmo mani afamo anagaʼai apakufamo ago aliʼna katiʼna apateʼnove.

Apa 10:36

Gotiʼa mago alagepa gemo Yu vayaʼmogitalegamo alino ateʼnigeno emineʼniye, huʼa huʼnagetapa ago afiʼnae. Ani gemoʼmo hunoʼaeʼmo Yesu Kalaisiʼa muki ma mopafi vayaʼaiteʼmo yagaino neʼapateya vekamoʼmo ma mopafi vayaʼe Gotiʼeʼmo alino nanu aeno apateteno alino magoke apaipamo kalino apateʼniye.

Efasasi 2:17

Ani kavaʼmo hutenoʼaeʼmo lapakaemo afagiʼaleʼmo maiʼnaya vayaʼe lagaemo Goti haopaleʼmo maiʼnona vayaʼmogitaʼeʼmo, kame nehaya kavaʼmo aliʼna hano huʼna ataleʼnovanagetapa Gotiʼeʼmo magokepi lokaeta maigae, huno aeno hakalo huno laha paiʼniye.

1 Samiyo 25:6

Lapakaemo alagepa huno maiʼniya vekamo Nemofeʼmo ina hutapa ha paiyo. Kagaegi afamo anagakagi muki yakagi huno alagepa huno hanege alagepa huʼa maige hiyo.