Luki 10:42 - The Keyagana NT and 25 OT books

⁴² Maliyaʼa ani alagepa yafekeʼmo agesamo afiteno ago lekana paino aliʼniyaʼmofeʼmo mago vekamoʼmo ayapatiʼmo alino hafaleno oʼatalegaiye, huno ha paiʼniye.

Luki 10:42 ပူးပေါင်းရင်းမြစ်များ

Samu 119:111

Mafaʼneʼapimogimo afoʼapimogi kagemi yaʼapimo neʼaliya kava huʼna kavayafatiʼmo huʼnana keʼaepa gemo aliʼnovanageno hetamaʼnimo hanege hanege huno hanegaiye. Ani gekaeʼmo naipafiʼmo namogaga neʼauve.

Samu 119:173

Namiʼnana keʼaepa gekamo lekana pai maleʼnovaʼmofeʼmo kayatetiʼmo naha mao.

Samu 119:30

Lama ge kateʼmo uguve, huʼna nagesamo afiʼnove. Alika fako huʼnana gemo aliʼna naulagaleʼmo maleʼnove.

Samu 142:5

O Ala kava nene, huʼna, Kagaefeʼmo alopa gefatiʼmo keya aeʼna ge huʼnove. Kagaemo ayu noʼnimo maiʼnane, huʼna keya aeʼna ge huʼnove. Ma mopafiʼmo maiʼneʼnaeʼmo mago yaʼmo alisuvafeʼmo oʼnahauʼnifa kagaemo nagaeʼeʼmo magokepiʼmo lokaeka maisanafekeʼmo nahauʼniye.

Samu 17:15

Kagemi yaʼapimo neʼaliyaʼmonanafa nagaemo fatago kavakamo aliʼnovanageʼna kaugosafiʼmo kagegauve. Nagaemo naupatiʼmo he tiʼna kagaekana huʼna maiʼneʼnaeʼmo magoʼe huno mago kavafeʼmo nahaʼye osugiye.

Samu 27:4

Nagaemo Gotiʼa magoke yaʼmo namisiyafeʼmo nahauʼniyanageʼna ani yaʼmo alisuvafekeʼmo kahauya huguve. Nagaemo Ala kava neʼmo nopiʼmo muki afaʼa maisuva afinaʼmo maiʼneʼna Ala kava neʼmo konali yaʼamo aulu heʼna ageteʼnaeʼmo alopa mono noʼafiʼmo maiʼneʼna ge huʼna afi gegauve.

Samu 73:25

Kokuʼnapiʼmo mago naha maesiya vekamo oʼmaiʼniyaʼmonanafa kagaekeʼmo maiʼnane. Ma mopafi vekaeʼmo nahaʼye hisiya vekamo mago oʼmaiʼniyaʼmonanafa kagaekeʼmo maiʼnane.

Maki 8:36

Mago vekamoʼmo muki ma mopafi yaʼamo alino hano huʼniyaʼmonanafa agupi mafaʼnemo afela hesiyaʼmoʼmo akamelegati magoʼe yaʼmo aliʼnifiye. Haʼao, oʼaliʼnifa hogote yaʼmo ago ataleʼniye.

Luki 10:39

Yesuʼa uno haino maiʼnigenoʼaeʼmo Mata aganaʼamoʼmo Maliyaʼa Yesu aiyafiʼmo maiʼneno huʼniya gemo afiʼniye.

Luki 11:1

Yesuʼa nunumuʼmo huno hano huteno maiʼnigenoʼaeʼmo mago vekamo geʼamo neʼafiya vekamoʼmo hunoʼaeʼmo, Ala kava nene, huno, Yoniʼa nunumuʼmo hisayafeʼmo geʼamo neʼafiya vayaʼmo alino apaya maleʼniya kava huka alika laya malo, huno ha paiʼnigenoʼaeʼmo,

Luki 12:20

Agesamo afiʼniyaʼmonanafa Gotiʼa hunoʼaeʼmo, negi vekae, huno, hemeni haniʼilagamo kagupi mafaʼnemo halate namiyo, huʼna hisugeka faligane. Falisanageʼapaeʼmo ina lagimo ageka maleʼnana kagemi yakamo aligae, huno ha paiʼniye, huno hapa paitenoʼaeʼmo,

Luki 12:33

Kagemiyatapimo alita maketi higeʼa miya faitesagetapa alisaya monimo alita fako huta kagemi yaʼapimo ohaneʼnisiya vayaʼmo apamiyo. Kokuʼnapiʼmo alagepa kagemi yatapimo malegenoʼao hano osuno afaʼa haneno. Kokuʼnapi yatapimo kumayaʼmo oʼalige kafamoʼmo oʼnege hisigeno alagepa huno hanege hanege huno hanesiya yatapimo lapaya mukiki huta aliyo.

Luki 16:2

agaefeʼmo ge huʼnigeno eʼnigenoʼaeʼmo, na agufa kavaʼmo huʼnana kavafeʼmo kava gemo afiʼnove. Huʼnisana kavafeʼmo kagesamo afika avoʼmo kaeka namiyo. Kagemi yaʼnileʼmo magoʼe huka yagaika oʼnategane, huno ha paiʼnigeno

Luki 16:25

Emalehamuʼa hunoʼaeʼmo, naginago mafaʼneo, huno, kagesamo afika ho huvo. Kagaemo ma mopafi maiʼnekaeʼmo muki afinaʼmo alagepa yaʼageʼmo alika maiʼnanageno Layosiʼa hosu yaʼageʼmo alino maiʼniyaʼmonanafa hemenimo alagepa huno maiʼnigekaeʼmo kagaemo lusi kava huno kagafu nekiye.

Luki 18:22

Yesuʼa ani gemo afitenoʼaeʼmo, magoke kavaʼatokamo aeka aga seʼnane. Muki kagemi yakamo alika maketi hugeʼa miya faitesageka alisana monimo alika fako huka kagemi yaʼapimo ohaneʼnisaya vayaʼaina apamigenoʼao alagepa yakamo kokuʼnapiʼmo haneno. Ani kavaʼmo hutekaeʼmo eka nakame huvo, huno ha paiʼnigeno

Luki 8:18

Aliʼnisaya vayaʼmo magoʼe huno apamigiyaʼmonanafa oʼaliʼnisaya vayaʼmogimo aliʼnone, huʼa apakesamo neʼafisaya vayaʼmogi yaʼmo hapa faleno aligiye. Aligiyaʼmofeʼmo ehetapiye, huʼna Goti geʼamo neʼafitapaeʼmo, haiya agufa kava huʼna neʼafufi, hutapa alagepa huta lapakesamo afiyo.

Yoni 11:1

Mago vekamo agiʼamo Layosiʼa Metani taonifiʼmo maiʼniya vekamo kaita hauʼnigeno maiʼniye. Asaʼalaʼmoganimo Maliyaʼe aganaʼamoʼmo Mataʼeʼmo Metani taonifiʼmo magokepi lokaeʼa maiʼnae.

Yoni 11:19

Asole Yu vayaʼmo Mataʼe Maliyaʼeʼmo anasaʼanimoʼmo ago faliʼniya kavafeʼmo hapau huʼa anatesayafeʼmo anakaetegamo eʼnae.

Yoni 12:3

Maiʼneʼapaeʼmo Maliyaʼa alopa moniletiʼmo miya nefaiya uvelimo alagepa atumo neʼaiya uvelimo lole kapufiʼmo haneʼniya agufa uvelimo alinineno Yesu aiyalateʼmo lakino faleno ateteno ayokatetiʼmo alino hau huno ateʼnigenoʼaeʼmo alagepa atuʼamoʼmo ani maiʼnaya nopiʼmo havai teʼniye.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Yoni 4:14

ina lagimo nagaemo apamisuva aniʼmo nesafigeno halate magoʼe huno anifeʼmo alagi ohapaugiye. Nagaemo aniʼmo apamisugeno apaipafatiʼmo meti anikana huno eno haineno afaʼa maisaya yaʼmo apamisigeʼa alagepa huʼa maige maige huʼa maigae, huno ha paiʼnigenoʼaeʼmo,

Yoni 5:24

Lama gemo lapa nepauve, huno, ina lagimo geʼnimo afiteʼa alino nateʼnigeʼna emineʼnova vekaeʼmo apakesamo afiʼa fatago nehisafigeʼa alagepa huʼa maige maige huʼa maisaya yaʼmo aliʼnae. Apakaemo fali kavategatiʼmo atale eʼa afaʼa neʼmaiyategamo maiʼnayanageʼna agoti huʼna apateteʼnaeʼmo, hosu vayaʼmo maiʼnae, huʼna hapa opaiguve.

Yoni 6:27

Lapakaemo kasalisiya neʼyaʼmo alisayafekeʼmo aliʼyaʼmo oʼalitapa hanege hanege huno hanesiya neʼyaʼmo lapamisigetapa alagepa hutapa maige maige hutapa maisaya yaʼmo alisayafekeʼmo aliʼyaʼmo aliyo. Vemo Mafaʼnemoʼmo ani agufa neʼyaʼmo lapamigiye. Muki yaʼmo Afoʼamoʼmo Gotiʼa lekana paiʼna ateʼnove, huno alino apave lisiyafeʼmo himamuʼamo amiʼniye, huno hapa paiʼnigeʼapaeʼmo,

1 Kolitiyani 13:3

Nagaemo muki kagemi yaʼnimo kagemi yaʼapimo ohaneʼnisiya vayaʼmo apamiʼna hano hisuvafeʼmo apamite apamite huʼna apamige vayaʼmo hapa maeʼna faliʼna apatesuvafeʼmo atamoʼmo leno nasagalisigeʼna falige huʼnisuvana nahau nayamopafiʼmo oʼnahausiyaʼmoʼmo ani agufa kavaʼaʼnimoʼa naha oʼmaegaiye.

Galesiya 5:6

Kalaisi Yesupiʼmo maiʼnetaeʼmo lagufamo lagauʼnisupi olagauʼnisupigeno afaʼa laha oʼmaegaiyaʼmonanafa lagesamo afita fatago nehuna kavatimoʼmo lahau layamopafiʼmo lahauʼniya kavatetiʼmo aliʼyaʼmo alisiyaʼmoʼmo afaʼa laha maegaiye.

Yasuva 24:15

Lapakaemo Ala kava neʼmo akame hisayafeʼmo olapauʼnisiyana apakame hisaya gotigimo hemenimo lekana paiyo. Lapakaemo lapakinago vayaʼmogi Yufaleti aniʼmo mugagayaga faliga maiʼneʼapaeʼmo aigofe gotigimo apakame huʼnaya gotigimo apakame hisafi hemenimo lapakaemo Emo vayaʼmogi mopaʼapileʼmo maiʼnetapaeʼmo Emo vayaʼmogi gotiʼapimogimo apakame hugae. Lagaetefeʼmo nagaiʼniʼe afamo anagaʼniʼeʼmo lagaemo Ala kava nekeʼmo akame huta aliʼyaʼamo aligune

Yasuva 24:22

Yasuvaʼa apakaefeʼmo hapa painoʼaeʼmo, Lapakaitapimo Ala kava neʼmo akame hugune, hutapa huʼnayaʼmofeʼmo ani kavatefeʼmo vitanisi vayaʼmo maiʼnae, huno hapa paiʼnigeʼapaeʼmo, He, ani kavatefeʼmo vitanisi vayaʼmo maiʼnone, huʼa ha paiʼnae.