Luki 10:3 - The Keyagana NT and 25 OT books

³ Viyo, huʼna huteʼna aliʼna lapatesugetapa visayategamo aikeli sipisipigana hutapa afela kalamo maiʼnayategamo ugae.

Luki 10:3 ပူးပေါင်းရင်းမြစ်များ

Samu 22:21

Alopa afela laiyonimo avayafatiʼmo nagufamo alika katika nato. Afela ve pulumaka anagaʼmogimo oʼnahaesayafeʼmo nagufamo alika katika nato. Keya aeʼna ge nehugekaeʼmo geʼnileʼmo aeka atagaina huʼnane.

Sefanaiya 3:3

Yulusalemu koteʼmo yagaiʼnaya vayaʼmogi kaekae nehaya laiyonigana huʼa maiʼnae. Agoti gemo neʼafiya vayaʼmo afela kala anagaʼmogimo lusi kava huno apaka teʼnigeʼa neʼyaʼmo neʼa hano nehaya agufa kavaʼmo nehae.

Matiyu 10:16

Afiyo, huʼna, Nagaemo aliʼna lapatesugetapa sipisipigana huta afela kalamo maiʼnaya folagapiʼmo ugae. Nagaloʼyave anagaʼmogimo vayaʼmogi oʼapamagisayafeʼmo vase vase huʼa neʼvaya kava huta viyo. Kaugoʼyave namamogimo vayaʼmo ohapaeʼa afaʼa neʼmaiya kava huta maiyo.

Matiyu 10:22

Muki vayaʼmogimo nagiʼnilefeʼmo apaini huʼa lapategayaʼmonanafa oʼataleta atafautapa alagi hutapa maime maime uta atupa afinaʼmo afole aisagenoʼaeʼmo Gotiʼa lapakufamo alino katino lapategaiye.

Matiyu 7:15

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Luki 10:4

Lapakaemo hanipausitapigi kutapigi sutapigi hutapa oʼalita afaʼa viyo. Kategamo neʼutapaeʼmo ge apamamaesayafeʼmo oʼmaitapa viyo.

Yoni 10:12

Miyaʼmo alisiyafekeʼmo aliʼyaʼmo neʼaliya vekamoʼa sipisipileʼmo yagaino neʼapateya vekamo maige sipisipimo afoʼamoʼmo maige osuʼniyaʼmofeʼmo afela kalamo neʼegenoʼaeʼmo apataleno aune hetaleno uʼnigenoʼaeʼmo afela kalamoʼa hapaeno hanilino neʼvigeʼapaeʼmo ataleʼa atagu faeʼa uʼeʼa nehae.

Yoni 15:20

Nagaemo, mago aliʼyaʼamo neʼaliya vekamoʼmo aliʼyaʼmo afoʼamoʼmo aeno noʼagase, huʼna lapa paiʼnova geeʼmo lapakesamo afiyo. Apakaemo apaini huʼa natesaya agufa kava huʼa lapakaeʼeʼmo apaini huʼa lapategae. Apakaemo geʼnimo afiʼnisayana getapimo afigae.

Yoni 16:2

Apakaemo mono nokoʼapifatiʼmo aliʼa lapa faiʼa lapatalete lapataletekeʼmo hugae. Mago afinaʼmo afole aisigeʼapaeʼmo kamiti lapamagiteʼapaeʼmo, Goti aliʼyaʼamo alagi neʼalune, huʼa apakesamo afigae.

Apa 20:29

Ago afiʼnovana lapataleʼna visugeʼapaeʼmo vayaʼmo nehapaya afela kalamogimo lapakaetegamo eʼa magoke anaga sipisipi vayaʼamo lahapaesayafeʼmo maiʼa halove osuʼa muki afinaʼmo lapaegae.

Apa 9:16

Nagiʼnilefeʼmo agafu kisiya kavaʼmo aliʼna ave lisugeno aliʼyaʼnimo aligiye, huno ha paiʼniye.

Apa 9:2

mago avoʼmo kaeka namiyo. Nagaemo ani avoʼmo alininuʼna Namasakasi taonifiʼmo mono huʼa neʼapataya vayaʼaiteʼmo yagaiʼa neʼapataya vayaʼmo apamisugeʼa ageteʼa naha maesageʼna Yesu kateʼmo neʼvaya ve aʼneʼmo apakeʼna apavaleʼna kalavusi huʼna apateteʼna Yulusalemu taonifiʼmo apavaleliʼna egauve, huno ha paiʼniye.