Luki 10:21 - The Keyagana NT and 25 OT books

²¹ Ani afinaʼmo Yesuʼa Aote Aunemeʼaletiʼmo aipafiʼmo amogaga neʼainoʼaeʼmo, Afo, huno, kokuʼnateʼe ma mopaleʼeʼmo yagaika anateʼnana vekamae. Kagaemo afiteʼa ageʼnaya vayaʼmogimo oʼafisayafeʼmo mani kavaʼmo alika fala ki maleʼnanaʼmonanafa mafaʼnegana huʼa neʼmaiya vayaʼmo alika apave liʼnana kavatefeʼmo kahao ke nehove. He, Afo, huno, kahauʼnigekaeʼmo, afole aiyo, huka huʼnane, huno nunumuʼmo huʼniye.

Luki 10:21 ပူးပေါင်းရင်းမြစ်များ

Samu 24:1

Ma mopamo Ala kava neʼmo mopamae. Muki ma mopafiʼmo haneʼniya yaʼmo agaiʼa yaʼageʼmo haneʼniye. Ma mopaʼe ma mopafi vayaʼeʼmo agaiʼa mopamo hanege agaiʼa vayaʼmo maige huʼnae.

Samu 25:14

Ala kava neʼmoʼa agaefeʼmo koli nehaya vayaʼmo alino fala ki maleʼniya geʼamo hapa paigiye. Hapa paiteno kotalakemo hu maleʼniya gemo aepaʼamo alino apave ligiye.

Samu 8:2

Kagaemo muki aise mafaʼne anagaʼe nute mafaʼne anagaʼeʼmo lokiya vaika apateʼnanageʼapaeʼmo kagikaleʼmo aliʼa asaga nehayanageʼapaeʼmo kamekamogiʼe gekamo amagiʼa neʼatalaya vayaʼmogiʼeʼmo ge osuʼa afaʼa maigae.

Aiyeya 35:8

Ani haopalegamo mago alopa kaʼmo aote kaʼmo hanegaiye. Vayaʼmogimo ani kafeʼmo agi aeʼapaeʼmo, apaote vayaʼmogi kane, huʼa agi aegae. Hosu kavaʼapimo aeʼa kalo opaeʼnaya vayaʼmo ani kateʼmo oʼugayaʼmonanafa alu vayaʼmogimo ani kateʼmo afaʼa ugae. Ani kateʼmo neʼvaya vayaʼmo negi vayaʼmo maiʼnisayana kafeʼmo ika huteʼapaeʼmo ataleʼa alu kateʼmo oʼugae.

Aiyeya 53:11

Agupi mafaʼnemoʼmo lusi kava huno kana huʼniya aliʼyaʼmo alisigeno neʼyaʼmo afole aigiyaʼmofeʼmo aipamoʼmo ha gegaiye. Aliʼyaʼnimo neʼaliya fatago vekamoʼmo hosu kavaʼapimo aligiyaʼmofeʼmo agaemo ageʼa alagepa huʼa agesaya kavatetiʼmo asole vayaʼaifeʼmo, naulagaleʼmo fatago vayaʼmo maiʼnae, huno hapa paigiye.

Aiyeya 62:5

Mago neya vekamoʼmo veʼeʼmo ohavaeʼniya aʼmafaʼnemo neʼaliya kava huʼa mafaʼnekamogimo kagaemo aligae. Aʼmo aliʼniya vekamoʼmo saufa aʼaeʼmo amogaga neʼaiya kava huno Gotitapimoʼmo lapakaefeʼmo amogaga aigiye.

Aiyeya 66:1

Ala kava neʼmoʼa ina gemo hunoʼaeʼmo, Kokuʼnapiʼmo fai maiʼneʼna yagaiʼna neʼapatova naimuʼyamo haneʼniye. Ma mopafiʼmo naiyamo aeʼna neʼmauva mopamo haneʼniye. Lapakaemo haiya agufa noʼnimo kigae. Haiyaʼalegamo maiʼna haga lesuva yaʼmo hanegaiye.

Sefanaiya 3:17

Ala kava neʼmo Gotitapimoʼmo lapakae folagapiʼmo maiʼniya vekamo alopa lokiyaʼaʼe vekamoʼmo lapakufamo alino katino lapategaiye. Ala kava neʼmoʼa amuse huno lapateteno lapakaefeʼmo amogaga aino lapategaiye. Lapakaefeʼmo hau ayamopafiʼmo hauʼnisigenoʼaeʼmo ge osuno hauʼniya kavatefeʼmo maino haga lenoʼageʼmo maigiye. Agaemo lapakaefeʼmo amogaga neʼainoʼaeʼmo yokemo hugiye, huʼa hugae.

Matiyu 16:17

Yesuʼa ha painoʼaeʼmo, Saimoniyo Yona mafaʼneʼamogae, huʼna, Gotiʼa alino auleno kateʼniye. Mago ma mopafi vekamoʼmo alino kave oliʼnifa kokuʼnapi Afoʼnimoʼmo alino kave liʼnigeka nageka alagepa huʼnane.

Matiyu 21:16

Apakaemo Yesufeʼmo, mafaʼne anagaʼmogi nehaya gemo afiʼnapiye, huʼa afi geʼnagenoʼaeʼmo, he afiʼnove. Goti gemoʼa hunoʼaeʼmo, aise mafaʼne anagaʼe nute mafaʼnemogiʼeʼmo kagikaleʼmo aliʼa asaga hisayafeʼmo alika apaya maleʼnane, huno huʼniya gemo lekana opaiʼnafiye, huno apafi geʼniye.

Matiyu 3:7

Asole Falasi mono vayanagi Satiyusi mono vayanagi huʼa aniʼmo faleno apatesiyafeʼmo agaetegamo eʼnageno apaketenoʼaeʼmo, Nagaloʼyave vayaʼmogitapae, huno, Gotiʼa aipamo leno lapatesiya afinaʼmo ago afole aigefeʼmo nehiyanagi ina laʼmo, afaʼa faita kasalo paegae, huno lapa paiʼniye.

Maki 10:15

Lama gemo lapa nepauve, huno, mago vekamoʼmo hunoʼaeʼmo Gotiʼa yagaino nategaiye, huno huteno aise mafaʼnegana huno oʼmaiʼnisiyaʼmoʼmo Gotiʼa yagaino apateʼniya kegiʼyafiʼmo afaʼa uno ohaigiye, huno hapa paiʼniye.

Luki 15:5

Ageteno avaleno agiʼnafiʼmo ateteno amogaga aime aime noʼalegamo egaiye.

Luki 15:9

Ageno alitenoʼaeʼmo ao vayaʼe noʼale vayaʼefeʼmo ge hisigeʼa esagenoʼaeʼmo, lageso huʼniya monimo ago ageʼna aliʼnovanagi egeta nagaegiʼeʼmo magokepi lamogaga aino, huno hapa paigiye, huno hapa paitenoʼaeʼmo,

Yoni 11:41

yafaʼmo aliʼa heleve huʼa ataleʼnagenoʼaeʼmo Yesuʼa alino maku huno kokuʼnategamo ageʼnenoʼaeʼmo, Afoʼnimogae, huno, geʼnimo ago afiʼnanaʼmofeʼmo kahao keʼmo nehove.

2 Kolitiyani 4:3

Alagepa faigoko getimo kenaletiʼmo aino ati kaeʼnisiyaʼmoʼmo Gotiʼa alino apagoʼya lagauno apatalesiya kateʼmo neʼvaya vayaʼai apaipafikeʼmo aino ati kae maleʼnigeʼa noʼagae.

Efasasi 1:11

Mafaʼneʼapimogimo muki afoʼapimogi yaʼmo neʼaliya kava huta Gotiʼa muki maleʼniya yaʼamo alisunafeʼmo agaemo muki kavaʼmo hisiyafeʼmo hauʼnigeno agaiʼamo ani kavaʼmo huguve, huno huʼniya geʼaleʼmo akame huno nehiya Gotiʼa hunoʼaeʼmo mafaʼneʼnimo maigae, huno hu maleʼniye.

Efasasi 1:5

Agaemo lagaefeʼmo hau ayamopafiʼmo hauʼnigeno hogoteno hunoʼaeʼmo, nahauʼniyanageʼa Yesu Kalaisitetiʼmo nagaiʼnilefeʼmo mafaʼneʼnimo maigae, huno lokiya gemo hu maleʼniye.