Luki 10:2 - The Keyagana NT and 25 OT books

² Hoyafiʼmo neʼyaʼmo ago leʼniyana alisaya vayaʼmo aiseʼamo maiʼnayaʼmofeʼmo hoyamo afoʼamofeʼmo hutapaeʼmo, hoyakafatiʼmo neʼyaʼmo alisaya vayaʼmo alika apategeʼa viyo, huta nunumuʼmo hiyo.

Luki 10:2 ပူးပေါင်းရင်းမြစ်များ

1 Kini 18:22

Inagi Ilaiyaʼmo vayaʼaifeʼmo hapa painoʼaeʼmo, Ala kava neʼmo geʼamo aliniʼeʼa aeʼa hakalo nehaya vayapatiʼmo nagaemo magokeʼageʼmo maiʼnovaʼmonanafa Meo geʼamo aeʼa hakalo nehaya vayaʼmo fo hataleti fifitiʼa vayaʼmo maiʼnae.

Samu 68:11

Ala kava neʼmoʼa hunoʼaeʼmo, Afole aiʼniya kavafeʼmo ava gemo alinitapa uta hapa paiyo, huno hapa paiʼnigeʼa asole vayaʼmo Saiyoni vayaʼmogimo aliniʼa uʼnae.

Napa 11:17

Inagi nagaemo emiʼneʼna kagaeʼeʼmo gege huguʼae. Nagaemo kagaeteʼmo maiʼniya Aunemeʼamo kamiʼnova Aunemepatiʼmo mago aliʼna apamiguve. Apamisugeʼa kaha maeʼa aliʼnana kana yapatiʼmo alisageka kagaikageʼmo muki kana yaʼamo oʼaligane.

Napa 11:29

huno huʼniyaʼmonanafa Moseseʼa hunoʼaeʼmo, Nagaetefeʼmo kagesamo afiʼnekaeʼmo ke nefaipiye. Haʼao, Ala kava neʼmoʼa muki vayaʼaina Aunemeʼamo apamisigeʼa agaetegati gemo aliniʼeʼa aeʼa hakalo hisayafeʼmo nahauʼniye.

Matiyu 20:1

Yesuʼa hunoʼaeʼmo, Gotiʼmo yagaino neʼapateya kavaʼmo haneʼniya kava huno mago nofi hoyamo afoʼamoʼmo kotilamiyapiʼmo uno vayaʼmo apavalelineno apatesigeʼa aliʼyaʼamo alisayafeʼmo uʼniye.

Maki 13:34

Ina kavakana huno haneʼniyanagi afiyo. Mago no aepa vekamo ataleno afagi kotega ugefe hunoʼaeʼmo aliʼyaʼamo neʼaliya vayaʼaifeʼmo hapa painoʼaeʼmo, muki yaʼnileʼmo yagaitapa nateyo, huno huteno alino fako huno apaote apaote huno yagaino apateʼniye. Agaemo kipaʼaleʼmo neʼyagaiya vekaeʼmo alagepa huka kava yagaika maiyo, huno ha paiʼniye.

Maki 16:15

Agaemo hunoʼaeʼmo, muki ma mopafi vayaʼaitegamo uta alagepa faigoko geʼnimo aeta hakalo hutapa hapa paiyo.

Maki 16:20

Apakaemo muki haopalegamo umenitata huʼa aeʼa hakalo huʼa hapa paiʼnagenoʼaeʼmo Ala kava neʼmoʼa apakaeʼeʼmo magokepi lokaeno aliʼyaʼmo aliteno hapa paiʼnaya geleʼmo aune kavatetiʼmo alino lokiya vaino ateʼniye. He, lama ge.

Luki 9:1

Yesuʼmo tuolofuʼa vayaʼmo geʼamo neʼafiya vayaʼaifeʼmo ge huʼnigeʼa eʼa maiʼnagenoʼaeʼmo hosu apaune vayaʼmo aliʼa hapafaiʼa apatalege kaita nehapausiya vayaʼmo aliʼa hapageʼa apatege hisayafeʼmo himamuʼamo apamitenoʼaeʼmo,

Apa 11:19

Sitiveniʼa faliʼniya afinatetiʼmo Goti vayaʼalegamo lusi hanageke kavaʼmo afole aiʼnigeʼapaeʼmo ataleʼa atagu faeʼuʼeʼa huʼnae. Mago vayaʼmo Finisiya kotegamo apaune heʼuʼa maige Saipalasi kotegamo apaune heʼuʼa maige Atiyoki taonifiʼmo apaune heʼuʼa maige huʼneʼapaeʼmo Goti geʼamo Yu vayaʼaifekeʼmo aeʼa hakalo huʼa hapa paiʼnae.

Apa 13:2

Ani vayaʼmogimo Ala kava nefeʼmo mono huge neʼyaʼmo mosige huʼa maiʼnagenoʼaeʼmo Goti Aunemeʼamo aote Aunemeʼamoʼmo hapa painoʼaeʼmo, Nagaemo Manamasiʼe Soloʼeʼmo aliʼyaʼnimo alisaʼafeʼmo keya aeʼna ge huʼnovanagi alitana anaote anategeʼanao, huno hapa paiʼniye.

Apa 13:4

Goti Aunemeʼamoʼmo Manamasiʼe Soloʼeʼmo alino anateʼnigeʼana uʼana lamiʼana Selusiya taonifiʼmo uʼana avaʼyi huteʼana sipifiʼmo uʼana haiteʼana aniʼmo lakaeʼana Saipalasi ani agoʼnanenafiʼmo uʼnaʼae.

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Apa 22:21

Ala kava neʼmoʼa hunoʼaeʼmo, Afaʼa uvo. Alu nofi vayaʼaitegamo aliʼna katesugekaeʼmo afaʼa uvo, huno naha paiʼniye, huno hapa paiʼniye.

Apa 8:4

Ataleʼa atagu faeʼa uʼeʼa huʼnaya vayaʼmogimo muki haopalegamo Goti geʼamo aeʼa hakalo huʼa hapa paiʼnae.

1 Kolitiyani 12:28

Gotiʼa muki siosifiʼmo neʼmaiya vayaʼmo alu aliʼya alu aliʼyaʼamo alisayafeʼmo lekana paino apateʼniye. Apa vayaʼmo hogote vayaʼmo lekana paino lateʼniye. Napa tu vayaʼmo agaetegati gemo alini eʼa aeʼa hakalo huʼa hapa nepaiya vayaʼamo lekana paino apateʼniye. Napa tali vayaʼmo aliʼa apaya neʼmalaya vayaʼamo lekana paino apateʼniye. Aeto agufa noʼagaya aune kavaʼmo nehaya vayaʼmo lekana paino apatege kaita nehapaiya vayaʼaina aliʼa hapageʼa neʼapataya vayaʼmo lekana paino apatege hapa neʼmaya vayaʼmo lekana paino apatege yagaiʼa neʼapataya vayaʼmo lekana paino apatege alu apake alu apakemo neʼaiya vayaʼmo lekana paino apatege huʼniye.

1 Kolitiyani 15:10

Neʼafuvaʼmonanafa Gotiʼa fikumo naha maeno namiʼnigeʼnaeʼmo Goti apa vekaʼamo hamaleʼnove. Ani fikumo naha maeno namiʼniya himamuʼamoʼmo afaʼa ohaneʼniyaʼmonanafa naipafiʼmo lokiya aliʼyaʼmo aliʼnigeʼna aliʼyaʼmo aliteʼnaeʼmo muki apa vayaʼmo ago aeʼna apakaseʼnove. Nagaiʼnimo oʼaliʼnovaʼmonanafa Gotiʼa fikumo naha maeno namiʼniya himamuʼamoʼmo nagaeʼeʼmo magokepi lokaeno aliʼyaʼmo aliʼnigeʼna aliʼyaʼamo aliʼnove.

2 Kolitiyani 6:1

Lagaemo Gotiʼeʼmo magokepi lokaeta aliʼyaʼamo neʼaluna vayaʼmogitamo hutaeʼmo, Gotiʼa fikumo hapa maeno neʼapamiya kavaʼamo fikumo oʼalitapa agetapa alagepa huʼnetapageʼmo aliyo, huta ge huta nelapatone.

Filipai 2:21

Muki vayaʼmogi Kalaisi Yesu aliʼyafeʼmo apakesamo oʼafiʼa apakaiʼapi aliʼyafekeʼmo apakesamo neʼafiye.

Filipai 2:25

Lapakaemo konagatimoʼmo Epafalonaitasiʼa naha maesiyafeʼmo alita ateʼnageno nagaetegamo eʼniye. Konagaʼnimoʼmo eʼnigetaʼaeʼmo nagaeʼeʼmo magokepi lokaetaʼa maiʼnetaʼa aliʼyaʼmo alige kamemo huge hutaʼa neʼmauʼae. Visiyafeʼmo oʼnahauʼniyaʼmonanafa uno lapakaemo lapakesiyafeʼmo lusi kava huno agesamo neʼafiyaʼmofeʼmo aliʼna atesugeno lapakaetegamo ugiye. Lapakaemo kaitaʼmo hauʼniye, huʼa huʼnaya gemo afiʼnayaʼmofeʼmo aipamoʼmo kana nehiye.

Kolosi 1:29

Nagaeʼeʼmo mani kavaʼmo afole aisiyafeʼmo Kalaisi ayamufaʼaletiʼmo naipafiʼmo lusi kava huno aliʼyaʼmo neʼaligeʼnaeʼmo ayamufaʼaletiʼmo naya mukiki huʼna aliʼyaʼamo neʼaluve.

Kolosi 4:12

Epafalasiʼa lapakaepati vekamoʼmo Kalaisi aliʼyaʼmo neʼaliya vekamoʼmo ge lapamamaeʼniye. Lapakaemo alopa Kalisitini vayaʼmo hamaletetapa oʼataleta lokiya vaita maiʼnetapa Gotiʼa hauʼniya kavaʼmo agetetapa akame hisayafeʼmo lusi kava huno nunumuʼmo huno nelapate.

1 Tesaloniyani 2:9

Konagatimogitapae, huta, alagepa faigoko gemo aeta hakalo huta lapa paita maiʼnetaeʼmo laha maetapa kana yaʼmo oʼalisayafeʼmo felugaʼe haniʼilagaʼeʼmo lokiya vaita aliʼyaʼmo aliʼnonagetapa ago lageʼnae.

1 Tesaloniyani 5:12

Konagatimogitapae, huta, lapao ke honanagi lapakae folagapiʼmo aliʼyaʼmo alige yagaiʼa lapatege aliʼa api aiʼa lapatege huʼa neʼmaiya vayaʼaifeʼmo, lagae kava vayatimo maiʼnae, hutetapa apakaefeʼmo alagepa hutapa lapakesamo afiyo.

2 Tesaloniyani 3:1

Konagatimogitapae, huta, atupa gemo hutaeʼmo, Ala kava neʼmo geʼamo aino atagu faesigeʼa alagepa huʼa afiteʼa magoʼe huʼa ani geleʼmo aliʼa asaga hisayafeʼmo nunumuʼmo hutapa lateyo. Lapakaetegamo huʼniya agufa kavaʼmo huno muki haopalegamo maiʼnaya vayaʼaitegamo hisiyafeʼmo nunumuʼmo hutapa lateyo.

1 Timoti 4:10

Ani gelefeʼmo aliʼyaʼmo neʼalune. Gotiʼa muki vayaʼmo hapa neʼmaeyaʼmonanafa apakesamo afiʼa fatago nehaya vayaʼai apakufamo alino katino apateteno hapau neʼvaiya vekaeʼmo alita amufa amiʼnonaʼmofeʼmo huʼa faipa huʼa nelatagetaeʼmo aliʼyaʼamo neʼalune.

2 Timoti 4:5

Afigayaʼmonanafa kagaemo muki afinaʼmo alagepa huka kagesamo afiteka kagaikaleʼmo alagepa huka yagaika kato. Hanageke yaʼmo neʼalikaeʼmo oʼataleka atafauka alagi huka maiyo. Uʼeʼa huʼa alagepa faigoko gemo aeʼa hakalo huʼa hapa nepaiya vayaʼmogi neʼaliya agufa aliʼyaʼmo lokiya vaika aliyo. Goti aliʼyaʼamo neʼalina aliʼyakamo muki agufa kavaʼalefeʼmo aliyo.

Failimoni 1:1

Poloʼnamo Kalaisi Yesu agiʼalefeʼmo kalavusi huʼneʼnaeʼmo konagatimoʼmo Timotiʼeʼmo mani avoʼmo nekaoʼae. Laʼahauʼniya vekamo laʼagaeʼeʼmo lokaeka Goti aliʼyaʼamo neʼalina vekamo Failimonigagi laʼahauʼniya a kanomo Apiyagagi laʼagaeʼeʼmo lokaeno kamemo nehiya vekamo Akipasigagi nokafiʼmo aliʼa anupa huʼa maiʼnaya siosi vayaʼefenagi hutaʼa mani gemo avoʼmo nekaoʼae.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Leveleseni 2:1

Kagaemo Efasasi taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo seveniʼa kanefiʼmo lamaga nayapiʼmo aliʼneʼna seveniʼa goli yafatetiʼmo alo huʼnaya hiʼyalamuteʼmo lamumo maleʼnaya hiʼyalamuʼmo folagapiʼmo umenitata nehuva vekamoʼnamo lapa nepauve.