Luki 1:79 - The Keyagana NT and 25 OT books

⁷⁹ Lagaetegamo enoʼaeʼmo hanipiʼmo fali kavaʼmo auneʼafiʼmo fai maiʼnona vayaʼmogitalegamo ha le yaʼmo lamiteno alagepa kaʼmo Gotiʼeʼmo lokaelita visuna kaʼmo alino lave ligiye, huka hapa paigane, huno huʼniye.

Luki 1:79 ပူးပေါင်းရင်းမြစ်များ

Samu 107:10

Mago vayaʼamogimo Gotiʼapimo geʼamo ago amagiʼa ataleteʼa anaga hogote vekamoʼmo hisaya kavafeʼmo huʼniya geeʼmo, afa gemo huʼniye, huʼa huteʼa ataleʼnayaʼmofeʼmo seli nofitetiʼmo kino apateʼnigeʼa hani huʼniya yapiʼmo ulunapiʼmo maiʼneʼa falisaya kavapiʼmo maiʼnae.

Samu 107:14

Agaemo seli nofiʼmo alino kapalu aeno ataleteno hani huʼniya yapiʼmo ulunapiʼmo maiʼneʼa falisaya kavapatiʼmo apavalelino uʼniye.

Samu 23:4

He, nagaemo uʼna kagoʼmufilagamo falisuva ulunapiʼmo faleʼna uʼna haiʼna umenitata nehugekaeʼmo nagaeʼeʼmo magokepi lokaeka maiʼnanaʼmofeʼmo muki alu hosu kava alu hosu kavafeʼmo alagi koli osuguve. Kayokaletiʼmo nagufamo alika katika natege aino kalagifa hayopa kayokaletiʼmo yagaika natege nehukaeʼmo naipamo alika falu huka neʼnatane.

Samu 25:12

Ala kava nefekeʼmo koli nehaya vayaʼmo ina lagimo maiʼnae. Ala kava neʼmoʼa afaʼa alino apaya malesigeʼa alagepa kateʼmo ugae.

Mai'naya kavane 3:17

Ani a kanomo neʼviya kaʼmo kanale kaʼmo haneʼniyanageʼa visaya vayaʼmo apamogaga aigae. Muki kaʼaleʼmo visaya vayaʼmogi apaipamoʼmo falu hugiye.

Mai'naya kavane 8:20

Nagaemo fatago kavaʼmo kateʼmo neʼuve. Nagaemo alagepa huʼna aliʼna fako huʼna ageʼneʼna uʼneʼna nehuve.

Aiyeya 42:16

Nagaemo apaulagamo ali huʼniya vayaʼmogi uʼeʼa nosaya kateʼmo apavaleliʼna egauve. Oʼageʼnaya kateʼmo apavaleliʼna uguve. Nagaemo hani yaʼmo aliʼna ataleteʼna hale yaʼmo apamisugeʼa hale yategamo umenitata hugae. Kayagi kayaga kaʼapimo aliʼna api aiʼna kaʼmo valiguve. Nagaemo hapa maesuvafeʼmo ani kavaʼmo huteʼnaeʼmo apataleʼna oʼuguve.

Aiyeya 42:7

Kagaemo apaulagamo ali huʼnisiya vayaʼmo alika ayakeka apatege kalavusifiʼmo maiʼnaya vayaʼmo hatu maeka apatege kalavusifiʼmo hanipiʼmo fai maiʼnisaya vayaʼmo apavalelika ege hisanafeʼmo kategauve.

Aiyeya 49:6

Ala kava neʼmoʼa ina gemo huno naha painoʼaeʼmo, Kagaemo Yekopu nofi vayaʼmo alika he tika apatesanageʼa halate lokiya vaiʼa maige yagaiʼna apateʼnogeʼa afaʼa maiʼnaya Isaleli vayaʼmo alika alagepa huka apatesanageʼa halate alagepa huʼa maige hisayafeʼmo ani aise aliʼyaʼmo afaʼa alisanana kanale osugiye. Ani aliʼyaʼe magoʼe huʼna alu aliʼyaʼeʼmo kamiguve. Nagaemo ma mopafi muki haopalegamo maiʼnaya vayaʼmogi apakufamo alika katika apatesanafeʼmo ani malaga nofi vayaʼmogi ha le yaʼapigana huka maigane, huʼna aliʼna kateʼnove, huno huʼniye.

Aiyeya 49:9

Kagaemo kalavusifiʼmo maiʼnaya vayaʼaifeʼmo afaʼa viyo, huka huge hanipiʼmo maiʼnaya vayaʼaifeʼmo lapakesayafeʼmo ha le yateʼmo eyo, huka huge hisanafeʼmo ani kavaʼmo huguve. Apakaemo visaya kategaʼe kahau kotega aveleʼeʼmo sipisipigana huʼa alagepa huʼa neʼyaʼmo negae.

Aiyeya 59:8

Alagepa huʼa magokepi lokaeʼa maisageno apaipamoʼmo falu hisiya kaʼmo noʼagae. Apakaemo vayaʼai kavaʼapimo alagepa huʼa aliʼa fako nosae. Apakaemo kaʼapimo kayagi kayaga kaʼmo valiʼnae. Ina lagimo ani kateʼmo visafi alagepa huʼa magokepi lokaeʼa maisaya kavaʼmo oʼagegae.

Matiyu 4:16

Ha le yaʼmoʼmo hani huʼniya yapiʼmo maiʼnaya vayaʼaitegamo aeno ha leʼnigeʼa ageʼnae. Nefaliya aune kavaʼmoʼa apakenopaleʼmo kino apati kaeʼnigeʼa hani huʼniya yapiʼmo maiʼnaya vayaʼaitegamo aeno ha leʼniye, huno avoʼmo kae maleʼniye.

Luki 2:32

Agaemo ha le yakana huno maiʼneno mago alu nofi vayaʼaitegamo aeno ha lesigeʼapaeʼmo ageʼa aeto hugae. Ani kava huno Isaleli vayakamo ala apakiʼapimo apamigiye, huno huʼniye.

Yoni 1:9

Ani vekamo alagi lama ge alagepa ha le vekamoʼmo muki vayaʼmo ma mopafiʼmo afole neʼaiya vayaʼmo ha le yaʼmo alino neʼapamiye.

Yoni 12:46

Apakaemo nagaefeʼmo apakesamo afiʼa fatago nehaya vayaʼmo hanipiʼmo oʼmaisayafeʼmo ha le yakana huʼna ma mopafiʼmo emiʼneʼnove.

Yoni 8:12

Yesuʼa halate ina ge huno hapa paiʼniye. Ma mopafi vayaʼai ha le yaʼapimo maiʼnove. Ina lagimo nakame nehisafigeʼa alagepa huʼa maisaya yaʼmo alino apave lisiya ha le yaʼmo aliteʼa hanipiʼmo umenitata osugae.

Yoni 9:5

Ma mopafiʼmo maiʼneʼnaeʼmo ma mopafi vayaʼai ha le yaʼapigana huʼna maiʼneʼna aeʼna ha leʼna neʼapatove, huno hapa paiteno

Apa 10:36

Gotiʼa mago alagepa gemo Yu vayaʼmogitalegamo alino ateʼnigeno emineʼniye, huʼa huʼnagetapa ago afiʼnae. Ani gemoʼmo hunoʼaeʼmo Yesu Kalaisiʼa muki ma mopafi vayaʼaiteʼmo yagaino neʼapateya vekamoʼmo ma mopafi vayaʼe Gotiʼeʼmo alino nanu aeno apateteno alino magoke apaipamo kalino apateʼniye.

Apa 26:18

Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.

Lomu 3:17

Alagepa huʼa magokepi lokaeʼa maisaya kaʼmo alagi noʼagae.

Efasasi 5:8

Hogotetapa hanipiʼmo maiʼnayaʼmonanafa hemenimo Ala kava nepiʼmo maiʼnetapaeʼmo ha le yakana hutapa maiʼnayaʼmofeʼmo ha le mafaʼneʼamogimo hisaya agufa kavaʼmo hiyo.