Luki 1:73 - The Keyagana NT and 25 OT books

⁷³ Gotiʼa laginago vekamo Emalehamufeʼmo lama gemo huno agoʼyamo ataleno ge hugekana agufa kavafeʼmo agesamo afiteno laha maeʼniye.

Luki 1:73 ပူးပေါင်းရင်းမြစ်များ

Aepa Gemae 24:7

Ala kava neʼmo kokuʼnapi Gotiʼa konagaʼnimogi mopale afoʼnimo nopatiʼmo navalelino etenoʼaeʼmo agoʼyamo ataleno polomasi gemo naha painoʼaeʼmo, ani mopamo kaginago vayaʼmo apamiguve, huno naha paiʼniye. Agaemo enisole vekaʼamo alino atesigeno uno hogotetesigeka uka mafaʼneʼnimo aʼmo ani kotegatiʼmo avalelika egane.

Aepa Gemae 26:3

Kalaga hageka uka kalaga vekamo mani mopale maiʼnegeʼnao aliʼna auleʼna kategauvanagi. Nagaemo kagaeʼe kaginago vayaʼeʼmo muki mani mopamo lapamiguve. Nagaemo afokamo Emalehamufeʼmo nagoʼyamo ataleteʼna ha paiʼnova polomasi gemo akame huʼna aliʼna afole aiʼna ategauve.

Samu 105:9

Agaemo Emalehamuʼeʼmo kotalakemo hu maleteno Emalehamu mafaʼnemo Aisakifeʼmo ani kavaʼmo huguve, huno hu maleteno Aisaki mafaʼnemo Yekopufeʼmo hanege hanege huno hanesiya kotalakemo hu maleʼniye.

Luki 1:74

Agaemo kame vayatimogi apayapatiʼmo lagufamo alino katino latesigeta ma mopafiʼmo maisuna afinaʼmo aliʼyaʼamo alitetaeʼmo koli osuta aote fatago kavaʼamo huteta alagepa huta maige maige huta maigune.

Himulu 6:13

Akeyaʼvilagamo Gotiʼa Emalehamufeʼmo hunoʼaeʼmo, fikumo kaha maeʼna kamiguve, huno polomasi gemo huno ha paiʼniye. Mago vekamoʼmo Gotiʼa aeno agaseʼniya vekamo alagi oʼmaiʼniyaʼmofeʼmo Gotiʼa agaiʼa agiʼaletiʼmo agoʼyamo ataleteno hu maleʼniye.