Luki 1:70 - The Keyagana NT and 25 OT books70 Akeyaʼvilagamo ani kavafeʼmo agaetegati gemo alini eʼa aeʼa hakalo huʼa hapa nepaiya vayaʼai apavayafatiʼmo ago laha paiʼniye. အခန်းကိုကြည့်ပါ။ |
Ala kava neʼmoʼa nagaloʼyaveeʼmo ha painoʼaeʼmo, Nagaemo kagaeʼe a kanoʼeʼmo aliʼna fako huʼna lanatesugetana kame kame hutana maigaʼae. Ina kava huʼa mafaʼnekamogimo aʼne mafaʼneʼalegamo kame huʼa apatesageʼa aʼne mafaʼneʼamogimo mafaʼnekalegamo kame huʼa apatesageʼa hugae. Mafaʼneʼamo aiya afeʼalumelagamo maiʼnisanageno agaemo kagenopamo aeno latapaisigeka kagaemo aiya kigupafiʼmo akafu hanigane, huno ha paiʼniye.
Netenoʼaeʼmo, mani kavafeʼmo lapakaeʼeʼmo maiʼneʼnaeʼmo ago lapa paiʼnaeʼmo, muki kavafeʼmo nava gemo huʼa avoʼmo kae maleʼnaya gemo afole aigiye. Moseseʼa avoʼmo kae maleʼniya nava gegi Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya nava gegi Samu mukufiʼmo avoʼmo kae maleʼnaya nava gemogi huno afole aino,
Ani kavatefeʼmo Goti Aunemeʼamo aote Aunemeʼamo geʼamo alagepa hutapa afiyo. Agaemo hunoʼaeʼmo, Hemenimo lapakaemo Goti geʼamo neʼafisayana lapaipamo alita lokiya vaita oʼateyo. Lapakinago vayaʼmogimo kaʼme kotegamo nata neʼa neʼuʼapaeʼmo namalageka huʼnae. Geʼnimo ago amagiʼa ataleʼnaya kava hutapa geʼnimo amagitapa oʼataleyo.
Gotiʼa hunoʼaeʼmo, lapakaitapilefeʼmo ani aliʼyaʼmo noʼalifa henagaʼamo afole aisaya vayaʼaitefeʼmo ani aliʼyaʼmo neʼaliye, huno hapa paiʼniye. Hemenimo apa vayaʼmogita Aote Aunemeʼamo kokuʼnapatiʼmo alino ateʼnigeno emineʼniya Aunemeʼamo himamuʼaletiʼmo mani alagepa faigoko geʼamo lapa nepaune. Enisole vayaʼmogiʼeʼmo ani kavaʼmo aepaʼamo agesayafeʼmo nehapaiye.
Lapakaemo akeyaʼvilaga apaote vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogi huʼnaya geʼe Ala kava neʼmo lagufamo alino katino nelateya vekamoʼmo apa vayaʼamogitaʼeʼmo hutaeʼmo, ani kavaʼmo hiyo, huta huʼnona getiʼeʼmo halate magoʼe hutapa lapakesamo afisayafeʼmo mani gemo avoʼmo nekaove.
Naha paiʼnigeʼna agaefeʼmo mono hisuvafeʼmo aiyafiʼmo asagauʼna aiʼnogenoʼaeʼmo, Nagaefeʼmo mono osuvo. Kagaeʼe konagakamogiʼeʼmo Yesufeʼmo ava geleʼmo atafauʼa alagi huʼnaya konagakamogiʼeʼmo magoke agufa aliʼyaʼmo neʼalune. Gotifekeʼmo mono huvo. Goti Aunemeʼamoʼmo Gotitegati gemo alini eʼa aeʼa hakalo huʼa hapa nepaiya vayaʼmo ani gemo apamiʼnigeʼa Yesufeʼmo ava gemo nehae, huno naha paiʼniye.