Luki 1:7 - The Keyagana NT and 25 OT books

⁷ Maiʼnaʼaʼmonanafa Ilisameteʼmo anamo aʼmogeno mafaʼnemo alino oʼateʼnigeʼana ago anau anekalomo leteʼana maiʼnaʼae.

Luki 1:7 ပူးပေါင်းရင်းမြစ်များ

Aepa Gemae 17:17

Emalehamuʼa augosalegatiʼmo asagauno aino ati kaeno maiʼneno kigi nehunoʼaeʼmo aipafiʼmo agesa afinoʼaeʼmo, vani hataletiʼa kafugamo maiʼnisiya vekamoʼmo mafaʼnemo afaʼa alino ategaifiye. Selaʼeʼmo naetiʼa kafugamo maiʼniyana mafaʼnemo afaʼa alino ategaifiye, huno huteno.

Aepa Gemae 18:11

Emalehamuʼe Selaʼeʼmo ago anau anekalomo leʼnaʼaʼmofeʼmo Selaʼa mafaʼnemo alino atesiya kanaʼamo ago hano huʼniye.

Aepa Gemae 25:21

Aisaki aʼmo Lipekaʼa mafaʼnemo alino oʼateʼnigenoʼaeʼmo Aisakiʼmo Ala kava nefeʼmo nunumuʼmo huʼnigeno Ala kava neʼmoʼa afitenoʼaeʼmo ha maeʼnigeno Lipekaʼmo aipaguʼeʼmo maiʼniye.

Aepa Gemae 30:1

Inagi Lesoʼa agenoʼaeʼmo nagaemo Yekoputetiʼmo mago mafaʼnemo aliʼna oʼapateʼnove, huno agetenoʼaeʼmo atoʼamofeʼmo aipa kafa haeteno Yekopufe hunoʼaeʼmo, kagaemo mago mafaʼnemo namiyo. Oʼnamisanana faliguve, huno huʼniye.

2 Kini 4:14

Ilaisaʼmo ha painoʼaeʼmo, Ani gemo huʼniyaʼmonanafa agaetegamo na agufa kavaʼmo huguve, huno huʼnigeno Geheyaiʼmo hunoʼaeʼmo, Agaemo mafaʼneʼamo oʼmaiʼnigeno anauʼamoʼmo ago kosuna leʼniye.

Luki 1:5

Helotiʼa kini vekamo maiʼneno Yutiya kotegamo maiʼnaya vayaʼaiteʼmo yagaino apateʼnigenoʼaeʼmo mago vekamo mono huno neʼapateya vekamo agiʼamo Sekalaiyasiʼmo maiʼniye. Agaemo Amaiya monoʼmo huʼa neʼapataya nofi vayapati vekamo maiʼnigeno aʼamo Ilisameteʼmo ani kavaʼmo huno mono huʼa neʼapataya nofi vayaʼmo Eloni nofi vayapati a kanomo maiʼniye.

Luki 1:6

Ani yalavelaʼmoganimo Goti aulagaleʼmo alagepa kavaʼmo huteʼana muki Goti keʼaepa geʼamo akame huteʼana alagepa huʼana maiʼnaʼae.

Luki 1:8

Mago alu mono alu monoʼmo nehaya vayaʼmo monoʼmo ago hutageʼapaeʼmo Sekalaiyasi vayaʼamo mono nehaya afinaʼmo afole aiʼnigeno Goti aulagaleʼmo mono huno apateʼniye.

Lomu 4:19

Emalehamuʼa kafugaʼamoʼmo vani hataleti hisiyafeʼmo hogo huʼniya kafugafiʼmo maiʼnenoʼaeʼmo, kolaʼnimoʼmo aliʼyaʼmo oʼaliʼnigeno aʼnimo aipamo ago alino kalagu kiʼnigeno laʼagufamo faligekana huno haneʼniye, huno huʼniyaʼmonanafa ani kavafeʼmo agesa afifi huno maiʼnenoʼaeʼmo aiseʼamo agesamo afino fatago osuʼniyaʼmonanafa magoʼe huno lokiya vaino agesamo afino fatago huʼniye.

Himulu 11:11

Selaʼa agesamo afino fatago huʼniya kavatetiʼmo lokiyaʼamo aliteno aipaguʼeʼmo maiteno mafaʼnemo alino atesiya afinaʼmo ago hano huʼniyaʼmonanafa mafaʼnemo alino ateʼniye. Agaemo mafaʼnemo kamiguve, huno polomasi gemo huno ha paiʼniya Gotifeʼmo afaʼageʼmo ge hugeno oʼatalegaifa alagikeʼmo geʼamo akame hugiya vekamae, huno agesamo afiʼniye.

1 Samiyo 1:2

Elakenaʼmo lole atalaʼmo Hanaʼe Penainaʼeʼmo aliʼniye. Penainaʼmo mafaʼnemo alino apateʼniyaʼmonanafa Hanaʼmo mafaʼnemo alino oʼapateʼniye.