Luki 1:68 - The Keyagana NT and 25 OT books68 Ala kava neʼmo Isaleli vayaʼai Gotiʼapimoʼmo emineno laha maeno hatu maeno lateʼniyaʼmofeʼmo alita auleta ateyo. အခန်းကိုကြည့်ပါ။ |
Mono hunoʼaeʼmo, Ala vekaʼnimo Emalehamu Ala kava neʼamo Gotifeʼmo aliʼna auleʼna ategauve. Gotiʼa ala vekaʼnimo oʼataleno hau huno atege lama geʼamo alagi akame huge huteno ha maeʼniye. Nagaemo kategamo eʼnogenoʼaeʼmo Ala kava neʼmoʼa kaʼmo alino ho huno nateʼnigeʼna ala vekaʼnimo nofi vayaʼalegamo eʼnove, huno mono huʼniye.
Isaleli vayaʼai Gotiʼapimo agiʼaleʼmo alita asaga hiyo. Hemenimo agiʼaleʼmo alita asaga hutetapa muki afinaʼaeʼmo agiʼaleʼmo alita asaga hiyo. Muki vayaʼamogitapamo he, lama ge hutapa hiyo. Agiʼaleʼmo alita asaga hiyo. Gotiʼa hosu kavategatiʼmo apakufamo alino katino neʼapateya kavafeʼmo huʼniya gemae.
Apakaemo Yulusalemu taonifiʼmo maiʼnaya vayaʼmogitapaʼe mafaʼne anagatapiʼeʼmo alagi lahapaege eʼa muki nokomo heʼa halagape vaige hugae. Eʼa mago yafateʼmo akalo huʼa maleʼnaya yafaʼmo aliʼa mopafiʼmo yaga auʼa atalesageno magoke yafaʼmo agotofuleʼmo akalo huno ohanegaiye. Gotiʼa lapa maesiyafeʼmo lahapaopaleʼmo emineʼniyana ageta aeto osuʼnayaʼmofeʼmo ani hosu kavaʼmo afole aigiye, huno hapa paiʼniye.
Lagaemo Goti agiʼaleʼmo Ala kava netimo Yesu Kalaisi afoʼamo agiʼaleʼmo alita auleta ategetao. Lusi kava huno hau huno lateʼniyaʼmofeʼmo Yesu Kalaisiʼa faliʼniyatetiʼmo ago alino he tino ateʼniya kavatetiʼmo saufa vayaʼmo halate alino lateʼniye. Lagaemo afole aisiya kavatefeʼmo agava maiʼnetaeʼmo lama geʼalefeʼmo lavayagunagu huta maisunafeʼmo ani kavaʼmo huʼniye.