Luki 1:48 - The Keyagana NT and 25 OT books

⁴⁸ Ina agufa aliʼyaʼmo neʼaluva a mafaʼnemo maiʼnogeno nagaefeʼmo agesamo afiʼniyaʼmofeʼmo vayaʼmogi huʼapaeʼmo, Gotiʼa alino auleno ateʼniye, huʼa hugae. Hemenimo maiʼnaya vayaʼmogiʼe henagaʼamo muki aliʼa apatesaya vayaʼmogiʼeʼmo ina gemo hugae.

Luki 1:48 ပူးပေါင်းရင်းမြစ်များ

Aepa Gemae 30:13

Liyaʼa hunoʼaeʼmo, Hemenimo namogaga neʼauvanageʼa muki aʼne anagaʼmogimo huʼapaeʼmo, alino auleno ateʼniya ane, huʼa hugae, huno huteno agiʼamo Asoʼae huno ateʼniye. Ani agimo aepaʼamo amogaga neʼaiya kavane.

Samu 136:23

Agaemo alopa kana yaʼmo aliʼnona afinaʼmo lagaefeʼmo age okanino agesamo afiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 138:6

Ala kava neʼmo alagi anaga hogote vekamo maiʼniyaʼmonanafa agaemo afa vayaʼaifeʼmo agesamo neʼafiye. Apakaefeʼmo agesamo neʼafiyaʼmonanafa ala vekamo maiʼnove, huʼa nehaya vayaʼmo afagitegamo maiʼnageno apakeʼniye.

Samu 72:17

Yegemo haneʼnigenoʼaeʼmo muki afinaʼmo agiʼamo hanege hanege huno haneʼnisigeʼa agiʼaleʼmo aliʼa asaga huge huge huʼa maigae. Vayaʼmogimo agaepiʼmo aulena vayaʼmo maigae. Muki alu nofi vaya alu nofi vayaʼmogimo aulena Gotiʼae, huʼa hugae.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Malakai 3:12

Muki alu nofi vaya alu nofi vayaʼmogimo huʼapaeʼmo, Gotiʼa alino auleno apateʼniya vayane, huʼa hugae. Mopatapileʼmo maiʼnaya vayaʼmogimo apamogaga aigae.

Luki 1:28

Enisole vekamoʼmo agaetegamo emineno, vase hutalo, huno ge amamaetenoʼaeʼmo, Ala kava neʼmoʼa kagaeʼeʼmo magokepi lokaeno maiʼneno muki asole aʼne anagapatiʼmo lekana paino kateteno alino auleno kateʼniye, huno ha paiʼniye.

Luki 1:42

Ilisameteʼmo alopa gefatiʼmo ge hunoʼaeʼmo, Gotiʼa mago aʼne anagaʼaitegamo nosiya agufa kavaʼmo huno kagaemo lusi kava huno alino auleno kateteno kaipafiʼmo maiʼniya mafaʼneʼeʼmo alino auleno ateʼniye.

Luki 1:45

Ala kava neʼmoʼa kaha paiʼniya geeʼmo kagesamo afika fatago hutekaeʼmo, afaʼa afole aigiye, huka huʼnana aʼmo maiʼnanageno alino auleno kateʼniye, huno ha paiʼniye.

Luki 1:49

Ayamufaʼage vekamoʼa lusi kava huno naha maeʼniye. Agiʼamo Aoteʼae.

Luki 11:27

Mago a kanomo asole vayaʼmo maiʼnaya folagapiʼmo maiʼniya a kanomoʼmo alopa gefatiʼmo ge hunoʼaeʼmo, alino kateteno nuʼmo kamiʼniya afeʼmo Gotiʼa alino auleno ateʼniye, huno huʼnigeno

1 Samiyo 1:11

Ani afinaʼmo agaemo mago alagi lokiya polomasi gemo ina ge huno Ala kava nefeʼmo hunoʼaeʼmo, O Ala kava nene, huʼna, Muki vayaʼaiteʼmo yagaiʼnane. Kagaemo aliʼyakamo neʼaluva akanomo kana aliʼnova kavafeʼmo kagesamo afiteka nagaefeʼmo kage kanika oʼnataleka nagaefeʼmo kagesamo afiteka aliʼyakamo neʼaluva a kanomo mago ve mafaʼnemo namisanageʼnaeʼmo inagi agaemo kamisugeno aliʼyakamo alime alime uno faligiye. Apakaemo ayokaʼmo lagauʼa oʼategae, huno huʼniye.

1 Samiyo 2:8

Ma mopamo faino ateʼniya posimo Ala kava neʼmo posi yosamo haneʼniye. Agaemo ma mopamo mani posileʼmo faino ateʼniyaʼmofeʼmo kagemi yaʼapimo ohaneʼniya vayaʼmo mumusopafatiʼmo alino asagauno apatege neʼyafeʼmo aukaya nehaya vayaʼmo laʼnefafatiʼmo alino asagauno apatege nehiyanageʼa ala apaki aliteʼa yagaiʼa apatesayafeʼmae.