Luki 1:42 - The Keyagana NT and 25 OT books

⁴² Ilisameteʼmo alopa gefatiʼmo ge hunoʼaeʼmo, Gotiʼa mago aʼne anagaʼaitegamo nosiya agufa kavaʼmo huno kagaemo lusi kava huno alino auleno kateteno kaipafiʼmo maiʼniya mafaʼneʼeʼmo alino auleno ateʼniye.

Luki 1:42 ပူးပေါင်းရင်းမြစ်များ

Aepa Gemae 22:18

Geʼnimo akame huʼnanaʼmofeʼmo kaginago mafaʼnekafatiʼmo muki ma mopafi nofi vayaʼmo aliʼna auleʼna apategauve, huno ha paiʼniye.

Samu 21:6

Kagaemo alagi alika auleka atetekaeʼmo aulena vekamo maige maige huno maigiye, huka huʼnane. Agaeʼeʼmo lokaeka maiʼnanaʼmofeʼmo lusi kava huno amogaga neʼaiye.

Samu 45:2

Kagaemo aeto agufa kanale vekamo maiʼneka muki vayaʼmo alagi aeka apakaseka maiʼnane. Gotiʼa fiku hapa maeno neʼapamiya gemo kavayafiʼmo maleʼnigeka ani gemo nehane. Gotiʼa muki afinaʼmo alino auleno neʼateyaʼmofeʼmae.

Luki 1:28

Enisole vekamoʼmo agaetegamo emineno, vase hutalo, huno ge amamaetenoʼaeʼmo, Ala kava neʼmoʼa kagaeʼeʼmo magokepi lokaeno maiʼneno muki asole aʼne anagapatiʼmo lekana paino kateteno alino auleno kateʼniye, huno ha paiʼniye.

Luki 1:41

Ilisameteʼmo ageʼniyana aipafiʼmo maiʼniya mafaʼnemoʼmo fanagu panage huʼnigeno Aote Aunemeʼamoʼmo Ilisamete aipafiʼmo havai teʼniye.

Luki 1:43

Ina agufa a kanomo maiʼnovana haiya kavaʼmo higekaeʼmo Ala kava neʼnimo itaʼamoga nagaetegamo eʼnane.

Luki 1:48

Ina agufa aliʼyaʼmo neʼaluva a mafaʼnemo maiʼnogeno nagaefeʼmo agesamo afiʼniyaʼmofeʼmo vayaʼmogi huʼapaeʼmo, Gotiʼa alino auleno ateʼniye, huʼa hugae. Hemenimo maiʼnaya vayaʼmogiʼe henagaʼamo muki aliʼa apatesaya vayaʼmogiʼeʼmo ina gemo hugae.

Luki 19:38

Apakaemo huʼapaeʼmo, Ala kava neʼmo agiʼalefeʼmo neʼeyanagi alita auleta ateyo. Gotiʼa lagaefeʼmo aipamoʼmo falu hino. Gotiʼa hogote vekamo anaga vekamo agiʼaleʼmo alita asaga hiyo, huʼa huge huge huʼa maiʼnae.

Lomu 9:5

Hogote apakinago vayaʼmo Isaleli nofi vayaʼmo maiʼnae. Kalaisiʼa apakaepatiʼmo ma mopafi vekagana huno afole aiʼniye. Kalaisiʼa muki yaʼaleʼmo neʼyagaiya vekamo maige muki afinaʼmo aulena Gotiʼa maige maige huno maigiye. He, lama ge.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.