Luki 1:41 - The Keyagana NT and 25 OT books

⁴¹ Ilisameteʼmo ageʼniyana aipafiʼmo maiʼniya mafaʼnemoʼmo fanagu panage huʼnigeno Aote Aunemeʼamoʼmo Ilisamete aipafiʼmo havai teʼniye.

Luki 1:41 ပူးပေါင်းရင်းမြစ်များ

Aepa Gemae 25:22

Lole mafaʼnelaʼmo aipafi maiʼneʼana kanage huʼnaʼae. Lipekaʼa, na kava higenoʼaeʼmo mani agufa kavaʼmo nagaetega afole neʼaiye, huno huteno ani kavaʼmo aepaʼamo afisiyafeʼmo Ala kava netegamo uno nunumuʼmo huno ge huno afi geʼniye.

Samu 22:10

Nagaemo itaʼnimoʼmo alino nateʼniya afinatetiʼmo kagaefekeʼmo nagesamo afiʼna fatago hume hume eʼnove. Itaʼnimoʼmo alino nateʼniya afinatetiʼmo muki afinaʼaeʼmo Gotiʼnimogamo maige maige huka maiʼnane.

Luki 1:15

Goti aulagaleʼmo ala agi vekamo maigiye. Lokiya aniʼmo neteʼa negi nehaya agufa aniʼmo oʼnegaiye. Itaʼamoʼmo alino atesiya afinatetiʼmo Aote Aunemeʼamoʼmo aipafiʼmo havai teno maigiye.

Luki 1:40

Sekalaiyasi nopiʼmo uno haino Ilisametefeʼmo ge amamaeʼnigeno

Luki 1:42

Ilisameteʼmo alopa gefatiʼmo ge hunoʼaeʼmo, Gotiʼa mago aʼne anagaʼaitegamo nosiya agufa kavaʼmo huno kagaemo lusi kava huno alino auleno kateteno kaipafiʼmo maiʼniya mafaʼneʼeʼmo alino auleno ateʼniye.

Luki 1:44

Afiyo, huʼna, ge namamaeʼnana gemo afiʼnogenoʼaeʼmo naipafiʼmo maiʼniya mafaʼnemoʼmo amogaga aiteno fanagu panage huʼniye.

Luki 1:67

Afoʼamoʼmo Sekalaiyasi aipafiʼmo Aote Aunemeʼamoʼmo havai teʼnigeno Gotitegati aune gemo alinineno aeno hakalo huno hapa painoʼaeʼmo,

Luki 4:1

Aote Aunemeʼamoʼmo Yesu aipafiʼmo haino havai teʼnigeno Yesuʼa Yoneni anipatiʼmo ataleno uʼniye. Aote Aunemeʼamoʼmo avalelinuno kaʼme kotega ateʼnigeno fotiʼa afinaʼmo uneno huno maiʼnigeno Sataniʼmo amalageka huʼniye. Fotiʼa afinaʼmo neʼyaʼmo oʼneʼnigeno aga teʼnigenoʼaeʼmo

Apa 2:4

Goti Aunemeʼamo aote Aunemeʼamoʼmo muki vayaʼai apaipafiʼmo faleno uno haino havai teteno apavenafuʼnamo alino afe leʼnigeʼapaeʼmo alu apake alu apakemo aepa faiʼa aiʼnae.

Apa 4:8

Goti Aunemeʼamoʼmo Pita aipafiʼmo haino havai teʼnigenoʼaeʼmo Pitaʼa geʼapileʼmo aeno atagaina huno hapa painoʼaeʼmo, Ala vayaʼmo neʼyagaiya vayaʼmogitapaʼe vayatama vayaʼmogitapaʼene, huno,

Apa 6:3

Vayatimogitapae, huʼa, Lapakaitapigeʼmo lapakaepati mago seveniʼa vayaʼmo lekana paitapa apateyo. Kanale vayaʼmo Goti Aunemeʼamoʼmo apaipafiʼmo havai teʼnisiya vayaʼmogi alagepa huʼa apakesa neʼafiya vayaʼmo lekana paita apateteta aliʼa fako huʼa apamisaya aliʼyaʼmo apamigune.

Apa 7:55

Goti Aunemeʼamoʼmo Sitiveni aipafiʼmo haino havai teʼnigenoʼaeʼmo Sitiveniʼa kokuʼnapiʼmo aulu heno ageyana Goti ha le konali yaʼamoʼmo aeno ha leʼnigeno Yesuʼa Goti lamaga haopaleʼmo he tino maiʼnigeno ageʼniye.

Apa 9:17

Ha paiʼnigeno Ananaiyasiʼa uno ani nopiʼmo uno haino Solo agufaleʼmo ayaʼmo maleʼnenoʼaeʼmo, Solo konagaʼnimogae, huno, Ala kava neʼmo Yesuʼa kateʼmo neʼanageno kaulagaleʼmo afole aiʼnigeka ageʼnana vekamoʼmo nagaemo alino nateʼnigeʼna eʼnove. Nagaemo kaulagamo aliʼna ayakeʼna katesugeno Goti Aunemeʼamoʼmo kaipafiʼmo havai tesiyafeʼmo alino nateʼnigeʼna eʼnove, huno ha nepaigenoʼaeʼmo

Efasasi 5:18

Lusi aniʼmo netetapa negi nagi gemo osigenoʼao lapakufamo alino hosu huno olapateno. Osutapa Goti Aunemeʼamoʼmo lapaipafiʼmo havai teno.

Leveleseni 1:10

Ala kava neʼmo afinaʼmo afole aiʼnigeʼna Goti Aunemeʼafiʼmo maiʼneʼnaeʼmo naune kavaʼmo huʼna maiʼnogenoʼaeʼmo nakamelegatiʼmo alopa gefatiʼmo pikuli hugekana agufa gemo huʼnigeʼna afiʼnove.