Luki 1:35 - The Keyagana NT and 25 OT books

³⁵ Aote Aunemeʼamoʼmo Goti himamuʼamo hiyakana huno kagaeteʼmo eminesigeka alika atesana mafaʼneeʼmo, aote vekamo Goti Mafaʼneʼae, huʼa agi aegae.

Luki 1:35 ပူးပေါင်းရင်းမြစ်များ

Samu 2:7

Kini vekamoʼmo hunoʼaeʼmo, Ala kava neʼmoʼa hu maleʼniya gemo aeʼna hakalo huʼna lapa paiguve, huno huʼniye. Agaemo, Hemeni afinaʼmo mafaʼneʼnimo aliʼna kateʼnogeka maiʼnane, huno naha paiʼniye.

Samu 51:5

Vae, huʼna, itaʼnimoʼmo nagae aipaguʼeʼmo aepa faiʼniya afinaʼmo hosu kavapiʼmo maiʼnove. Itaʼnimo aipafiʼmo maiʼneʼnaeʼmo hosu mafaʼnemo maiʼnove.

Matiyu 1:18

Yesu Kalaisiʼa itaʼamoʼmo alino ateʼniya kavaʼmo ina kavaʼmo huno afole aiʼniye. Yosefeʼa Maliyaʼmo lekana pai maleʼniyaʼmonanafa agaeʼeʼmo magokepi lokaeʼana ohavaeʼnaʼagenoʼaeʼmo aote Aunemeʼamoʼmo aipaguʼmo amiʼnigeno ageʼniye.

Matiyu 1:20

Agesamo afiteno alagamuna ageyana Ala kava neʼmo enisole vekamo agaetegamo emineʼnigeno ageʼniye. Enisole vekamoʼmo ha painoʼaeʼmo, Nevini aginago vekamo Yosefeyo, huno, aote Aunemeʼamoʼmo aipaguʼmo amiʼniyaʼmofeʼmo akamo Maliyaʼa alisanafeʼmo koli osuvo.

Matiyu 27:54

Ati vayaʼaiteʼmo yagaino neʼapateya vekaʼe ati vayaʼaʼeʼmo Yesuteʼmo yagaiʼa maiʼneʼa ageʼnayana imima aliʼnigeno muki kavaʼmo afole aiʼnigeʼa ageteʼapaeʼmo lusi kava huʼa koli huteʼapaeʼmo, alagi lama gemo hune, huʼa, ani vekamo Goti mafaʼneʼamo maiʼniye, huʼa huʼnae.

Matiyu 4:3

Apamalageka nehiya vekamoʼmo agaetegamo eno avaʼyi huteno, Goti mafaʼneʼamo maiʼnisanana mani yafafeʼmo, peleti mayamo alika hamalo, huka huvo, huno ha paiʼniye.

Maki 1:1

Alagepa faigoko geʼamo Yesu Kalaisi Goti mafaʼneʼamo ava gemo ina kava huno aepa faiʼniye.

Maki 1:24

Nasalasa kotega vekamo Yesuo, huno, lagaetegamo na agufa kava hisanafeʼmo eʼnane. Alika lagoʼya faika latalegefeʼmo eʼnapiye. Afaʼa lato. Kageʼnovana Goti aote vekamo maiʼnane, huno alopa gefatiʼmo huʼniye.

Luki 1:27

Ani taonifiʼmo mago aʼmafaʼnemo agiʼamo Maliyaʼmo veʼeʼmo magokepi lokaeno ohavaeʼniya aʼmafaʼnemo Nevini nofi vayapati vekamo Yosefeʼmo aliguve, huno huteno lekana pai maleʼniya aʼmafaʼnemo maiʼniye.

Luki 1:34

Maliyaʼmo hunoʼaeʼmo, Veleʼmo oʼmaiʼnovanagi haiya agufa kavaʼmo afole aigiye, huno huʼnigenoʼaeʼmo,

Luki 1:36

Afiyo, huno, negafokamoʼmo Ilisameteʼmo anamo aʼmo maime uno anekalomo leʼniyaʼmonanafa sigisiʼa kaimo aipaguʼeʼmo maiʼniye.

Yoni 1:34

ani kavaʼmo huʼna ageʼnovaʼmofeʼmo ani vekamo Goti mafaʼneʼamae, huʼna aeʼna hakalo nehuve, huno hapa paiʼniye.

Yoni 1:49

Tisao, huno, Goti mafaʼneʼamo maiʼneka Isaleli vayaʼaiteʼmo yagaika neʼapatana kini vekaʼapimo maiʼnane, huno ha paiʼniye.

Yoni 20:31

Lapakesamo afita fatago hutetapaeʼmo, Yesuʼa Kalaisi vekamo Goti Mafaʼneʼamo maiʼniye, hutetapa maiʼnetapaeʼmo agiʼaletiʼmo alagepa hutapa maige maige hutapa maisayafeʼmo mani gemo huʼna avoʼmo kae maleʼnove.

Apa 8:36

Kategamo neʼuʼanaeʼmo mago ani kotuʼmo haneʼniya yateʼmo uʼana avaʼyi nehuʼanaeʼmo meku vekamoʼmo hunoʼaeʼmo, Manile ani kotuʼmo haneʼniye. Natafauno natesiya yaʼmo haneʼnifi afaʼa aniʼmo faleka nategane, huno afi geʼnigenoʼaeʼmo

Lomu 1:4

Aote aunemeʼaʼe vekamo maiʼniya kavatefeʼmo Gotiʼa agaiʼa himamuʼaletiʼmo, faliʼniyatetiʼmo ago alino he tino atetenoʼaeʼmo, mafaʼneʼnimo maiʼniye, huno alino apave liʼniye.

Galesiya 2:20

Inagi Kalaisiʼa malipu yosaleʼmo faliʼnigeʼnaeʼmo agaeʼeʼmo faliʼnovaʼmofeʼmo hemenimo afaʼa oʼmaiʼnovaʼmonanafa Kalaisiʼa nagaepiʼmo maiʼniye. Hemenimo ma mopafiʼmo maiʼneʼnaeʼmo Goti Mafaʼneʼaeʼmo nagesamo afiʼna fatago nehuva kavatetiʼmo afaʼa maiʼnove. Agaemo nagaefeʼmo hau ayamopafiʼmo hauʼnigeno falino nateʼniye.

Efasasi 2:3

Mukiʼamogitamo apakaekana huta maiʼnogeno lagufamoʼe lagesamoʼeʼmo lahaʼye huʼnigetaeʼmo lagufamoʼmo hauʼniya kavaʼmo huge hosu kavafeʼmo lagesamo afita akame huge huʼnone. Itatimogi aliʼa lateʼnagetaeʼmo muki ma mopafi vayakana huta hosu laipamo alita maiʼnonaʼmofeʼmo Gotiʼa aipamo leno nelateyanageno kayoʼmo lamisiya agufa kavaʼmo huta maiʼnone.

Himulu 4:15

Hogote ala vekatimo mono huno nelateya vekatimoʼmo himamutimo ohaneʼniya vayaʼmogitaeʼmo hau huno nelate. Muki alu hosu kava alu hosu kavaʼmo hisunafeʼmo lamalageka nehaya kava huʼa amalageka huʼnayaʼmofeʼmo hau huno nelate. Amalageka huʼnayaʼmonanafa hosu kavaʼmo alagi osuʼniye.