Luki 1:3 - The Keyagana NT and 25 OT books

³ Nagaeʼeʼmo yatala afinaʼmo muki kavafeʼmo ava gemo alagepa huʼna ago afiʼnovaʼmofeʼmo muki afole aite afole aite huʼniya kavafeʼmo avoʼmo kaegauve, huʼna nagesamo afiʼnove.

Luki 1:3 ပူးပေါင်းရင်းမြစ်များ

Samu 40:5

O Ala kava neʼnimo Gotiʼnimogae, huʼna, lagaetegamo alu kava alu kavaʼmo huka aliʼyaʼmo aliteka laha maeʼnane. Lagaefeʼmo kagesa afifi huka neʼmaine. Lagaemo lekana opaisuna agufa kavaʼmo huka lagaefeʼmo kagesamo neʼafine. Nagaemo muki huʼnana kavakaʼe kagesamo neʼafina kavakaleʼefeʼmo alagi alagepa huʼna aeʼna hakalo huʼna hapa opaiguve.

Samu 50:21

Ani agufa kavaʼmo huʼnageʼnaeʼmo ge osuʼna afaʼa maiʼnove. Lapakaemo nagaefeʼmo, lagaekana huno maiʼniye, hutapa lapakesamo afiʼnayaʼmonanafa hosu kavaʼmo huʼnae, huʼna lapa paiguve. Nagaemo hosu kavatapimo lapaulagaleʼmo aliʼna kale kaeʼna lapave liguve.

Mai'naya kavane 22:21

Kagaemo lole kagesamo oʼafika lama geʼaeʼmo alagi lama gemae, huka afisanafeʼmo avoʼmo nekaove. Loka huʼa kafi gesaya vayaʼaifeʼmo lama gemo aeka atagaina huka hapa paisanafeʼmae.

Luki 1:1

Ala vekamo Tiyofalasigamo afiyo. Mago kavaʼmo lagaetegamo ago afole aiʼnigeta alagi lagesamo afita fatago nehune. Aepa faiʼniya afinatetiʼmo mago vayaʼmogimo ageme ageme eteʼapaeʼmo ani kavafeʼmo ava gemo aeʼa hakalo huʼa hapa paiʼnae. Ani vayaʼmogimo hapa paiʼnageʼapaeʼmo asole vayaʼmogi afiteʼa amalageka huʼa ani kavafeʼmo ava gemo apaote apaote huʼa avoʼmo kaeteʼa aliʼa magokepiʼmo avoʼmo kae maleʼnae.

Apa 1:1

Tiyofalasigae, huʼna, Nagaemo hogoteʼna kagaefeʼmo mago mukufiʼmo Yesuʼa aliʼyaʼamo aepa faino aliʼniya afinatetiʼe alime alime neʼegenoʼaeʼmo Gotiʼa kokuʼnapiʼmo avalelino uno haiʼniya afinaʼefeʼmo Yesuʼa muki huʼniya kavaʼe alino apaya maleʼniya geʼaʼeʼmo ava gemo huʼna avoʼmo kaeʼnove. Yesuʼa Goti Aunemeʼamo himamuʼaletiʼmo apa vayaʼamo lekana paino apateʼniya vayaʼaifeʼmo hunoʼaeʼmo, Ani aliʼyaʼmo alita maiyo, huno hapa paitegenoʼaeʼmo Gotiʼa avalelino kokuʼnapiʼmo uno haiʼniye.

Apa 11:4

Inagi Pitaʼa aepa faino hapa paiʼniya afinatetiʼmo afole aite afole aite huʼniya kavafeʼmo ava gemo huno hapa paiʼniye.

Apa 15:19

Yemisiʼa magoʼe gemo hunoʼaeʼmo, Nagesa afuvana lagaemo alu nofi vayaʼmogi Gotitegamo aiʼa afe leʼa neʼaya vayaʼmo kana yaʼmo alita apamisunana kanale osugiye.

Apa 15:25

Lagaemo alita anupa huta maiʼneta magoke laipa lagesamo aliʼneta lole vekalaʼmo lekana paita anateteta alita anateʼnonageʼana uʼnaʼae. Manamasiʼe Poloʼefeʼmo lahau layamopafiʼmo nelahaiya vekalaʼmo Ala kava neʼmo Yesu Kalaisi agiʼalefeʼmo vayaʼmogimo anamagisayafeʼmo huʼnayategamo uʼnaʼae. Anakaeʼe lekana paita anateʼnona vekalaʼeʼmo lapakaetegamo magokepi lokaeʼa ugae.

Apa 15:28

Goti Aunemeʼamoʼe lagaeʼeʼmo magoke laipa lagesamo aliʼneta magoʼe huno kana huʼniya gemo lapa opaita ani kavaʼageʼmo hiyo, huta nehune.

Apa 18:23

Mago afinaʼmo maiteno ataleno uno Galesiya kotegaʼe Filisiya kotegaʼeʼmo umenitata huno muki vayaʼmogi geʼamo afiʼnaya vayaʼmo Goti geʼaletiʼmo alino lokiya vaino apatemale apatemale huʼniye.

Apa 23:26

Nagaemo Kilotiyasi Lisiyasiʼnamo muki vayaʼaiteʼmo hogote vekamo yagaika neʼapatana vekamo Filikisigaeʼmo avoʼmo kaeʼnaeʼmo alagepa huka maiʼnapiye.

Apa 24:3

Lagaemo ani kavafeʼmo muki afinaʼmo muki haopalegamo amuse huta kateteta kahao ke nehone.

Apa 26:25

Ala vekamo Fesitasiyo, huno, Nagaemo negimo noʼmalove. Hapa nepauva gemo negi gemo nosufa nagesamo haneʼnigeʼna alagi lama gemo nehuve.

1 Kolitiyani 16:12

Konagatimoʼmo Apolosifeʼmo ava gemo haneʼniye. Nagaemo agaefeʼmo, konaga vayatiʼeʼmo Kolitiyani taonifilagamo uvo, huʼna ha paiʼnogenoʼaeʼmo hemenimo ohauʼniyaʼmonanafa kaʼmo hanesiya afinaʼmo afaʼa ugiye.

1 Kolitiyani 7:40

Veleʼmo uno maigiyaʼmonanafa veleʼmo uno oʼmaino afaʼa maisiyana magoʼe huno amogaga aigiye, huʼna nagesamo neʼafuve. Nagaeʼeʼmo Goti Aunemeʼamo aliʼnove, huʼna nagesamo neʼafuve.

1 Timoti 4:6

Kagaemo konagatimogifeʼmo ani kavafeʼmo alika apaya malesanana Yesu Kalaisi alagepa aliʼyaʼamo neʼalina vekamo maigane. Lagesamo afita fatago nehuna gemo alagepa huka akame huʼnana gemo neʼyaʼmo negekana huka nesanagenoʼaeʼmo lokiya vaino kategaiye.