Luki 1:15 - The Keyagana NT and 25 OT books

¹⁵ Goti aulagaleʼmo ala agi vekamo maigiye. Lokiya aniʼmo neteʼa negi nehaya agufa aniʼmo oʼnegaiye. Itaʼamoʼmo alino atesiya afinatetiʼmo Aote Aunemeʼamoʼmo aipafiʼmo havai teno maigiye.

Luki 1:15 ပူးပေါင်းရင်းမြစ်များ

Aepa Gemae 12:2

Inagi nagaemo kagaepatiʼmo asole kaginago vayaʼmo aliʼna afole aiʼna apatesugeʼa magoke nofi vayaʼmo maigae. Nagaemo aliʼna auleʼna katesugeka ala kagimo aliteka aulena gemo hapa paisanageʼa aulena vayaʼmo maigae.

Aepa Gemae 48:19

afoʼamoʼmo ohauʼniye. Agaemo Yosefefeʼmo ha painoʼaeʼmo, Mafaʼneʼnimogae, huʼna, afiʼnove, he, ageʼnove. Agaepatiʼmo ani kavaʼmo huʼa asole vayaʼmo afole aisageno ala agimo aligiyaʼmonanafa aganaʼamokeʼmo ago aeno aga segaiye. Aganaʼamopatiʼmo asole nofi vayaʼmo afole aigae, huno ha paiʼniye.

Samu 22:9

Nehayaʼmonanafa kagaemo itaʼnimoʼmo alagepa huka ha maeʼnanageno alino nateʼniye. Nute mafaʼnemo maiʼnogekaeʼmo alagepa huka yagaika nateʼnanageʼnaeʼmo aliʼna amufa kamiʼnove.

Luki 1:14

Mafaʼnekamo alino atesigekaeʼmo kamogaga aika kavayagunagu hisanageʼapaeʼmo muki vayaʼamogimo apamogaga aigae.

Luki 7:28

Lapa nepauve, huno, Yoniʼa muki ma mopafi maiʼnaya vayaʼmo ago aeno apaka seʼniyaʼmonanafa Gotiʼa yagaino neʼapateya kegiʼyafiʼmo maiʼniya vekamo henaga vekamoʼmo Yoniʼmo ago aeno aga seʼniye.

Luki 7:33

Ani kavaʼmo hutapa Yoniʼa aniʼmo faleno neʼapateya vekamoʼmo neʼyaʼmo mo sino maiʼneno nofi alagafati aniʼmo oʼneʼnigetapaeʼmo, hosu aune vekamo aipafiʼmo maiʼniye, hutapa nehae.

Yoni 5:35

Yoniʼa lamugana huno aeno ha leʼniye. Lapakaemo aeno ha leʼniya yategamo etapa maiʼneta agaefeʼmo aise afinaʼmo amuse huʼnae.

Apa 2:4

Goti Aunemeʼamo aote Aunemeʼamoʼmo muki vayaʼai apaipafiʼmo faleno uno haino havai teteno apavenafuʼnamo alino afe leʼnigeʼapaeʼmo alu apake alu apakemo aepa faiʼa aiʼnae.

Galesiya 1:15

Huʼna maiʼnovaʼmonanafa itaʼnimoʼmo alino oʼnateʼnigenoʼaeʼmo hogoteno Gotiʼa hauʼniya afinaʼmo agaiʼalefeʼmo ago lekana paino nateteno fikumo naha maeno namiʼniya kavatetiʼmo nagaefeʼmo keya aeno ge huʼniye.

Efasasi 5:18

Lusi aniʼmo netetapa negi nagi gemo osigenoʼao lapakufamo alino hosu huno olapateno. Osutapa Goti Aunemeʼamoʼmo lapaipafiʼmo havai teno.

Yasuva 3:7

Ala kava neʼmoʼa Yasuvafeʼmo ha painoʼaeʼmo, Hemenimo nagaemo aepa faiʼna Isaleli vayaʼmogimo nagaemo Moseseʼeʼmo magokepi lokaeʼna maiʼnova agufa kava huʼna kagaeʼeʼmo magokepi lokaeʼna maiʼnova kavaʼnimo agesayafeʼmo kagikaleʼmo aliʼna asaga huguve.

Yasuva 4:14

Ani afinaʼmo Ala kava neʼmoʼa Isaleli vayaʼmogi apaulagaleʼmo Yasuva agiʼaleʼmo alino asagauno ateʼniye. Apakaemo Mosesefeʼmo koli huteʼa akame huʼnaya agufa kava huʼa Yasuvaʼmo afaʼa maiʼniya afinaʼmo Yasuvafeʼmo koli huteʼa akame huʼnae.