Luki 1:13 - The Keyagana NT and 25 OT books

¹³ enisole vekamoʼmo hunoʼaeʼmo, Sekalaiyasiyo, huno, koli osuvo. Nunumuʼmo huʼnana gemo Gotiʼa ago afiʼniyanageno akamo Ilisameteʼmo ve mafaʼnemo alino ategaiye. Agiʼamo Yoniʼae huka ato.

Luki 1:13 ပူးပေါင်းရင်းမြစ်များ

Aepa Gemae 17:10

Nagaemo kotalakeʼnimo nagaeʼe kagaeʼenagi kagae kakamelegatiʼmo kaginago vayakaleʼefenagi huʼna hu malova kotalakeʼnimo alagena kavaʼamo ina kava hutapa muki lapakaepati ve mafaʼne anagaʼmogi apagufamo lagauta apateyo.

Aepa Gemae 17:19

Gotiʼa, haʼao, huno, Selaʼmo akamoʼmo ve mafaʼne alino ategaiyanagi agiʼamo Aisakiʼae huka ato. Nagaemo agaeʼe agae akamelegati aginago mafaʼneʼamogiʼenagi huʼna muki afinaʼmo hanege hanege huno hanesiya kotalakemo hu malegauve.

Aepa Gemae 18:14

Mago kavaʼmo Ala kava neʼmoʼa afaʼa osisiya agufa kavaʼmo haneʼnifiye. Lekana paiʼna ateʼnova afinaʼmo mani hemeni agufa afinaʼmo kagaetega halate esugenoʼaeʼmo Selaʼa ve mafaʼnemo alino ategaiye, huno ha paiʼniye.

Aepa Gemae 25:21

Aisaki aʼmo Lipekaʼa mafaʼnemo alino oʼateʼnigenoʼaeʼmo Aisakiʼmo Ala kava nefeʼmo nunumuʼmo huʼnigeno Ala kava neʼmoʼa afitenoʼaeʼmo ha maeʼnigeno Lipekaʼmo aipaguʼeʼmo maiʼniye.

Samu 113:9

Agaemo anamo aʼne anagaʼmo afamo anagaʼapifiʼmo maisayafeʼmo fikumo hapa maeno neʼapamiye. Ala kava neʼmo agiʼaleʼmo alitapa asaga hiyo.

Samu 118:21

Geʼnimo afiteka nagufamo alika katika nateʼnanaʼmofeʼmo kahao ke nehove.

Neniyo 10:12

Agaemo magoʼe gemo naha painoʼaeʼmo, Neniyo, huno, koli osuvo. Kagaemo aepa faika Goti gemo aepaʼamo agesanafe huge kagufamo alika afepi atege huʼnana afinaʼmo Gotiʼa nunumuʼmo huʼnana gemo afiteno alino nateʼnigeʼna emiʼneʼnove.

Matiyu 1:21

Agaemo ve mafaʼnemo alino atesigenoʼaeʼmo ani mafaʼnemoʼmo vayaʼamo hosu kavapatiʼmo apakufamo alino katino apategaiyaʼmofeʼmo agiʼamo Yesuʼae huka ato, huno ha paiʼniye.

Matiyu 14:27

Yesuʼa hunoʼaeʼmo, nagaekeʼmo neʼogi koli osuta lokiya vaitapa maiyo, huno hapa paiʼniye.

Matiyu 28:5

Enisole vekamoʼmo lole atalafeʼmo, koli osiʼao. Malipu yosaleʼmo nili aiteʼa aliʼa he tiʼa ateʼnaya vekamo Yesuʼmo agesaʼafeʼmo neʼaʼae, huʼna lanakeʼnove.

Maki 16:6

Agaemo hunoʼaeʼmo, lapau oʼaiyo, huno, lapakaemo Yesuʼa Nasalasa taonifi vekamo malipu yosaleʼmo nili aiʼnageno faliʼniya vekamo agegefeʼmo neʼae. Ageyo, huno, Mafi oʼmaiʼnifa ago he tino uʼniye. Kiʼa ateʼnaya yaʼageʼmo haneʼniyanagi ageyo.

Luki 1:14

Mafaʼnekamo alino atesigekaeʼmo kamogaga aika kavayagunagu hisanageʼapaeʼmo muki vayaʼamogimo apamogaga aigae.

Luki 1:30

Enisole vekamoʼmo hunoʼaeʼmo, Maliyao, huno, koli osuvo. Gotiʼa lekana paino kateteno kaha maeʼniye.

Luki 2:21

Magoke salemo utegeʼa Yu vayaʼmogi nehaya agufa kavaʼmo huʼa Yesu agufamo lagauʼa ataleteʼapaeʼmo agiʼamo Yesuʼae huʼa ateʼnae. Maliyaʼmo aipaguʼeʼmo oʼmaiʼnigenoʼaeʼmo enisole vekamoʼmo ani agimo ateʼniye.

Apa 10:31

Koniliyasiyo, huno, Nunumuʼmo huge kagemi yaʼapimo ohaneʼniya vayaʼmo hapa maeka apamige nehana kavakamo Goti aulagaleʼmo afole aiteno agesaleʼmo haneʼniye.

1 Samiyo 2:21

Ala kava neʼmoʼa eno Hanaʼmo ha maeʼnigeno Hanaʼmo loleʼe magoʼe mafaʼnegi lole a mafaʼnelanagi huno alino apateʼniye. Ani afinaʼmo neya mafaʼneʼamo Samiyoʼmo Ala kava neʼmo aulagaleʼmo ko siʼniye.