Lomu 9:9 - The Keyagana NT and 25 OT books

⁹ Ani kavatefeʼmo Gotiʼa huguve, huno hu maleʼniya polomasi geʼalefeʼmo hunoʼaeʼmo, magoke kafugamo utesigeʼna henagaʼamo ani agufa afinaʼmo eminesugenoʼaeʼmo Selaʼa mago ve mafaʼnemo alino ategaiye, huno ha paiʼniye.

Lomu 9:9 ပူးပေါင်းရင်းမြစ်များ

Aepa Gemae 17:21

Hiyaʼmonanafa mani agufa afinaʼmo henagaʼamo afole aisiya kafugafiʼmo Selaʼa Aisakiʼmo alino atesiya ve mafaʼnekaʼeʼmo kotalakeʼnimo hu malegauve,

Aepa Gemae 18:10

Apakaepatiʼmo mago vekamoʼmo hunoʼaeʼmo, anaga kafugamo mani agufa kaileʼmo halate kagaetegamo esugeno akamo Selaʼmo ve mafaʼnemo alino ategaiye, huno ha paiʼnigeno Selaʼmo ani vekamo akamelega seli noʼmo kipateʼmo maiʼneno ani huʼniya gemo afiʼniye.

Aepa Gemae 18:14

Mago kavaʼmo Ala kava neʼmoʼa afaʼa osisiya agufa kavaʼmo haneʼnifiye. Lekana paiʼna ateʼnova afinaʼmo mani hemeni agufa afinaʼmo kagaetega halate esugenoʼaeʼmo Selaʼa ve mafaʼnemo alino ategaiye, huno ha paiʼniye.

Aepa Gemae 21:2

Ha maeʼnigeno Selaʼa aipaguʼeʼmo maiteno Emalehamuʼmo ago kosunamo leʼniya afinaʼmo Gotiʼa akeyaʼvilagamo lekana paino ateʼniya afinaʼmo ve mafaʼneʼamo alino ateʼniye.

Apa 5:38

Huʼnayaʼmofeʼmo nagaemo huʼnaeʼmo, ma mopafi vayaʼmogi aepa faiʼnisayaʼmoʼmo afaʼa hano hugiye.

Himulu 11:17

Gotiʼa Emalehamuʼmo amalageka huʼnigenoʼaeʼmo agesamo afino fatago huʼniya kavatetiʼmo mafaʼneʼamo Aisikiʼmo amagino ofalinimo amiʼniye. Polomasi gemo afiʼniya vekamoʼa magoke mafaʼneʼamo amagino ofalinimo amiʼniye.