Lomu 9:4 - The Keyagana NT and 25 OT books

⁴ Apakaemo Goti vayaʼamo Isaleli nofi vayaʼmo maiʼnagenoʼaeʼmo, mafaʼneʼnimo maiʼnae, huno huteno agaiʼamo ha le konali vekamoʼmo apakaeʼeʼmo magokepi lokaeno maiʼniye. Gotiʼa apakaefeʼmo kotalakeʼamo hapa paime hapa paime ege keʼaepa geʼamo apamige mono kavaʼmo alino apave lige lapa maegauve, huno hapa paiʼniya polomasi geʼamo hapa paige huno maiʼniye.

Lomu 9:4 ပူးပေါင်းရင်းမြစ်များ

Aepa Gemae 15:18

Ani afinakeʼmo Ala kava neʼmoʼa Emalemiʼeʼmo mago kotalakemo huʼniye. Ina ge huno huʼniye. Nagaemo kaginago mafaʼne anagakamo ma mopamo aliʼna apamiʼnove. Isipi kotega uno nelamiya anitetiʼmo uno alopa Yufaletisi aniteʼmo utegeʼna mani haopalega haneʼniya mopamo apamiʼnove.

Aepa Gemae 17:10

Nagaemo kotalakeʼnimo nagaeʼe kagaeʼenagi kagae kakamelegatiʼmo kaginago vayakaleʼefenagi huʼna hu malova kotalakeʼnimo alagena kavaʼamo ina kava hutapa muki lapakaepati ve mafaʼne anagaʼmogi apagufamo lagauta apateyo.

Aepa Gemae 17:2

Nagaemo kagaeʼeʼmo kotalakemo hu maleteʼna kaginago mafaʼnekamo asole vayaʼmo aliʼna afole aiʼna apategauve, huno ha paiʼnigeno

Aepa Gemae 17:7

Nagaemo kagaegi henagaʼamo kagaepati afole aisaya vayaʼenagi uʼa aiʼa atagu faesaya vayaʼenagi huʼna kotalakeʼnimo hu malegauve. Ani kotalakemo hanege hanege huno hanegaiye. Ani kotalakemo haneʼniyana nagaemo Gotikamoʼnamo maiʼneʼna kagae kakamelega kaginago vayaʼai Gotiʼapimoʼnaʼeʼmo maiguve.

Aepa Gemae 32:28

Inagi ani vekamoʼmo hunoʼaeʼmo, hemenimo Yekopugae kagimo magoʼe huno ohanegaiye. Kagaemo neʼyagaina vekamo maiʼneka Gotiʼeʼmo kayamukiki nananageka vayaʼaina ago aeka apaka seganaʼmofeʼmo saufa kagikamo Isaleligae huʼa aegae. Isaleliʼae agimo aepaʼamo yagaino apateʼniya vekamae.

Samu 147:19

Agaemo Yekopu vayaʼaeʼmo geʼamo aeno hakalo huno hapa nepaiye. Agaemo Isaleli vayaʼaifeʼmo avoʼmo kaeʼa maleʼnaya keʼaepa geʼe alino fako huʼniya geʼeʼmo hapa nepaiye. Alu nofi vayaʼaifeʼmo ani gemo hapa opaiʼniye. Apakaemo alino fako huʼniya gemo oʼafiʼnae. Ala kava neʼmo agiʼaleʼmo alita asaga hiyo.

Samu 63:2

Hogoteʼna kaote mono nokafiʼmo maiʼneʼna lokiyakaʼe ha le konali yakaʼeʼmo ageʼnova kava huʼna hemeniʼeʼmo agesuvafeʼmo huve.

Samu 73:1

Ina ge huʼa alagi lama gemo huʼnae. Gotiʼa Isaleli vayaʼmo yaveyave apaipa vayaʼalegamo alagepa kavaʼmo huno hapa neʼmae. Yaveyave apaipa vayaʼalegamo alagepa kavaʼmo nehiye.

Samu 78:61

Agaiʼa vayaʼamo hapa oʼmaeno kame vayaʼapimo alino apateʼnigeʼa eʼa kamemo huʼa aeʼa apakaseteʼa kotalakemo hu maleʼniya gemo haneʼniya kesimo kumaya aliniʼa uʼnae. Ani kesimo apakaeʼeʼmo ohaneʼniya kava huno himamuʼaʼe ha le konali yaʼaʼeʼmo apakaeʼeʼmo ohaneʼniye.

Samu 89:3

Gotiʼa hunoʼaeʼmo, Nagaemo mago vekamo lekana paiʼna ateteʼna agaeʼeʼmo kotalakemo hu maleʼnova geʼnimo magokepiʼmo hu maleʼnove. Aliʼyaʼnimo neʼaliya vekamo Nevinifeʼmo hunoʼaeʼmo,

Samu 89:34

Kotalakemo hu maleʼnova geʼnimo amagiʼna oʼataleʼna navayafatiʼmo hu maleʼnova geʼnileʼmo halate alu gemo osuguve.

Samu 90:16

Aliʼyakamo neʼaluna vayaʼmo aliʼyakamo alika lave liyo. Laginago mafaʼne anagatimo himamukamo alika apave liyo.

Hatu maeno apate'niya gemae 12:25

Henagaʼamo Ala kava neʼmoʼa lapakaefeʼmo, mago mopamo lapamiguve, huno polomasi gemo huʼniya mopaleʼmo utapa maisaya afinaʼmo ani hopa afina kavaʼmo hutapa Pasova sipisipimo hatagautapa negae.

Hatu maeno apate'niya gemae 34:27

Ani gemo avoʼmo kae malo. Ani geletiʼmo Isaleli vayaʼeʼmo kotalakemo hu maleʼnove, huno ha paiʼniye.

Hatu maeno apate'niya gemae 4:22

Ani afinaʼmo kagaemo kini vekamo Felofeʼmo, Ala kava neʼmoʼa, Isaleli vayaʼaifeʼmo yege mafaʼneʼnigana huʼa maiʼnae, huno naha paiʼniye, huka ha paiyo.

Hatu maeno apate'niya gemae 40:34

Aliʼyaʼamo alagi alino hano huʼnigenoʼaeʼmo hiyaʼmo emineno seli mono noteʼmo kino ati kaeʼnigeno Ala kava neʼmo ha le konali yaʼamo ani nopiʼmo havai teʼniye.

Aiyeya 5:2

Agaemo aiʼyu aiteno muki yafaʼmo alino ataleteno alagepa nofi akopamo kali maleʼniye. Hoya folagapiʼmo yatala noʼmo hoyaleʼmo yagaisaya vayaʼmogi noʼmo ki maleʼniye. Agaemo nofi alagamo aeʼa lata paisaya kelimo kafi maleʼniye. Huʼniyaʼmofeʼmo agesamo afinoʼaeʼmo, Alagepa nofi alagamo aegaiye, huno agesamo afiʼniyaʼmonanafa kahaufilaga hosu nofiʼmoʼa afaʼa neʼaeya agufa nofi alagamo aeʼniye.

Aiyeya 60:19

Felugamo yegemoʼmo magoʼe huno aeno haleno lapatesiya yaʼmo ohanege haniʼilagamo kaimoʼmo magoʼe huno aeno haleno lapatesiya yaʼmo ohanege hugiyaʼmonanafa Ala kava neʼmoʼa muki afinaʼaeʼmo yu oseno aeno ha leno lapatesiya vekamo maigiye. Ina kava huno Gotitapimoʼmo ha le konali yatapimo maigiye.

Matiyu 21:33

Yesuʼa hunoʼaeʼmo, magoʼe gemo huʼna aeʼna kalafefa gefatiʼmo huguvanagi afiyo, huno hapa paiʼniye. Mago mopa aepa vekamoʼmo nofi hoyamo vaiteno kegiʼya hu maleteno nofi alagamo aeʼa lata paisaya kelimo kafi maleteno yatala noʼmo nofi hoyaleʼmo yagaisaya vayaʼai noʼmo ki maleʼniye. Agaemo mago vayaʼmogi hoyaʼaleʼmo yagaiʼa ateʼnisageno atagi neno enoʼaeʼmo alino fako huno mago nofi alagaʼamo agaiʼamo alisigeʼa apakaemo mago nofi alagaʼamo alisayafeʼmo apavaleno apateteno afagi kotegamo uʼniye.

Yoni 1:17

Ani kavatefeʼmo Gotiʼa Mosesetetiʼmo keʼaepa geʼamo lamiʼniyaʼmonanafa Yesu Kalaisitetiʼmo fiku laha maeno lamiteno lama geʼamo alino afole aino ateʼniye.

Yoni 1:47

Yesuʼa ageyana Natanieloʼmo agaetegamo eʼnigeno agetenoʼaeʼmo, lama ge Isaleli vekamo maiʼniye. Magoke aigofe geʼamo ohaneʼniya vekamae, huno huʼnigeno

Apa 2:39

Gotiʼa hunoʼaeʼmo, Nauneʼnameʼmo lapamiguve, huno huʼniya polomasi geʼamo lapakaefenagi mafaʼne anagatapiʼenagi afagitegamo maiʼnaya vayafenagi huno hapa paiʼniye. Ala kava netimo Gotiʼa eyo, huno muki keya aeno ge hisiya vayaʼaifeʼmo ani gemo hapa paiʼniye.

Lomu 3:2

Muki kavatefeʼmo hapa maesiya yaʼmo ago aliʼnae. Hogote yaʼmo hapa maesiya yaʼmo haneʼniyana Gotiʼa geʼaleʼmo yagaiʼa atesayafeʼmo geʼamo ago apamiʼniye.

Lomu 8:15

Aliʼnaya Aunemeʼamoʼmo halate koli hisayafeʼmo lapavaleno kalavusi aliʼyateʼmo olapateʼnifa Goti afamo anagapiʼmo lapavalelino uno haino faleno lapateʼniye. Faleno lateʼnigeta Aunemeʼaʼe himamuʼaletiʼeʼmo hutaeʼmo, Afo, Afotimogae, huta keya neʼaone.

Lomu 9:6

Nagaemo huʼnaeʼmo, Gotiʼa Emalehamufeʼmo kotalake gemo ha paiʼniya gemo afole oʼaiʼniye, huʼna nosuve. Muki Isaleli nofi vayapatiʼmo afole aiʼnaya vayaʼmogimo mago lama ge Isaleli vayaʼmo oʼmaiʼnae.

2 Kolitiyani 11:22

Apakaemo Himulu nofi vayaʼmo maiʼnafiye. He, nagaeʼeʼmo Himulu nofi vekamo maiʼnove. Isaleli vayaʼmo maiʼnafiye. He, nagaeʼeʼmo Isaleli vekamo maiʼnove. Apakaemo Emalehamu aginago vayaʼmo maiʼnafiye. He, nagaeʼeʼmo Emalehamu aginago vekamo maiʼnove.

Galesiya 3:16

Inagi Gotiʼa Emalehamufeʼmo, fikumo kaha maegauve, huno ha paiʼniya polomasi gemo aginago vekaeʼmo, kaha maegauve, huno ha paiʼniye. Gotiʼa Emalehamu aginago vayaʼaifeʼmo ani gemo hapa opaiʼnifa magoke aginago vekaeʼmo ani gemo ha paiʼniye. Ani magoke aginago vekamo Kalaisiʼmae.

Efasasi 2:12

Ani afinaʼmo Kalaisiʼeʼmo lokaeta oʼmaitapa lapaote maiʼnae. Isaleli vayaʼai kegiʼya yuʼilaga eta haiteta oʼmaitapa malaga maiʼnae. Gotiʼa lapa maegauve, huno hu maleʼniya kotalakelefeʼmo polomasi gemo hu maleʼniya gemo lapa opaiʼniye. Ma mopafiʼmo maiʼnetapaeʼmo Gotitegatiʼmo alagepa yaʼmo alisayafeʼmo agava maiʼnetapa lapavayagunagu osuʼnageno Gotitapimoʼmo oʼmaiʼniye.

Himulu 9:1

Hogote kotalakemo Gotiʼa apamiʼnigeʼa mono nehaya kavatefeʼmo keʼaepa gemo hanege ma mopafi mono noʼmo hanege huʼniye.

Himulu 9:10

Ani agufa kavaʼmo amega apakufale kavaʼmo haneʼniyana neʼyanagi aninagi sese nehaya kavanagi huno haneʼniye. Ani kavaʼmo haneme haneme neʼesigenoʼaeʼmo saufa afinaʼmo Gotiʼa alino alagepa huno apatesiya afinaʼmo afole aisigenoʼaeʼmo hano hugiye.

Himulu 9:3

Kenaletiʼmo aeʼa akani maleʼnaya noʼmo agiʼamo alagi aote mono noʼmo haneʼniye.

Himulu 9:5

Lole enisole vekalaʼmo ha le vekalaʼmogani anauneʼalaʼmo kesileʼmo he tiʼana anateʼnaʼae. Gotiʼa aipamo falu huno apatesiyafeʼmo afumo kolatetiʼmo aiʼa fuli fuli nehaya yateʼmo hanakumo ataleʼana yagaiʼnaʼae. Hemenimo ani kavafeʼmo magoʼe huta alagi ava gemo afaʼa osugune.

Himulu 9:6

Inagi muki ani yakoʼmo alo huʼa maleʼnageʼapaeʼmo mono huʼa neʼapataya vayaʼmogi muki afinaʼmo afelaga nopikeʼmo uʼa haiʼa aliʼyaʼmo alite alite huʼnae.