Lomu 9:21 - The Keyagana NT and 25 OT books

²¹ Kalipa mopaletiʼmo keʼmo alo nehiya vekamoʼmo, na agufa keʼmo alo hugufi, huno nehisiyana hauʼniyanageno agaiʼa yaʼmogeno ani agufa keʼmo afaʼa alo hugiye. Agaemo ani kalipa mopaletiʼmo alino kamaeteno alino lo aeno magokayaga atupaʼaletiʼmo kanale alagepa keʼmo alo huteno magokayaga atupaʼaletiʼmo afa keʼmo alo hugiye.

Lomu 9:21 ပူးပေါင်းရင်းမြစ်များ

Mai'naya kavane 16:4

Ala kava neʼmoʼa muki yaʼamo agaiʼalefeʼmo alo hu maleʼniye. He, hosu vayaʼmo afela hesaya afinaʼmo alo hu maleʼniye.

Aiyeya 45:9

Mago vekamoʼmo alo huno ateʼniya vekaeʼmo ge nehaisiyaʼmoʼmo ani vekaleʼmo kage kage kavaʼmo afole aigiye.

Aiyeya 64:8

O Ala kava nene, huta, Hosu kavaʼmo huʼnonaʼmonanafa hemenimo kagaemo afotimogamo maiʼnane. Lagaemo kalipa mopagana huta maiʼnonagekaeʼmo kalipa mopaletiʼmo samomo alo nehana vekagana huka maiʼnane. Kagaemo kayatetiʼmo mukiʼamo alo huʼnana vayaʼmo maiʼnone.

Apa 9:15

Ala kava neʼmoʼa hunoʼaeʼmo, Nagaemo aliʼyaʼnieʼmo uno nagiʼnimo alu nofi vayaʼaifenagi yagaiʼa neʼapataya vayaʼaifenagi Isaleli vayaʼaifenagi huno aeno hakalo huno hapa paisiyafeʼmo lekana paiʼna ateʼnovanagi afaʼa uvo.

Lomu 9:11

Alino oʼanateʼnigeʼanaeʼmo mago alagepa kavaʼe hosu kavaʼeʼmo osuʼnaʼa afinaʼmo Gotiʼa, yege mafaʼnemoʼa aganaʼamo aiyafiʼmo maiʼneno aliʼyaʼamo alisiya vekamo maigiye, huno ha paiʼniye. Gotiʼa hogoteno agesa afiteno hauʼnigeno lekana paino ateʼniya kavaʼamo alino afole aino atesiyafeʼmo ani gemo hu maleʼniye. Mago vekamo alagepa kavaʼaletiʼmo lekana paino oʼateʼnifa keya aeno ge nehiya vekamoʼmo agaiʼageʼmo hauʼnigeno lekana paino ateʼniye.

Lomu 9:18

Ani kavatefeʼmo Gotiʼa ina lagifeʼmo hau huno apatesifigeno hauʼniyanageno afaʼa hau huno apategaiye. Ani kava huno ina lagimo apaipamo alino akanino apatesifigeno hauʼniyanageno apaipamo afaʼa alino akanino apategaiye.

Lomu 9:20

Vayalafaʼmo maiʼnanaʼmofeʼmo ina lagamo Goti geʼaleʼmo afaʼa aeka atagaina huka nehane. Alo huʼniya yaʼmoʼa alo huʼniya vekaeʼmo, na kava higeka ani kavaʼmo huka alo huka nateʼnane, huno afaʼa hugifiye.