Lomu 9:19 - The Keyagana NT and 25 OT books

¹⁹ Ani kavaʼmo nehiyaʼmofeʼmo kagaemo hukaeʼmo, na kava nehagenoʼaeʼmo Gotiʼa vaiʼmo neʼapamiye. Ina laʼmo Gotiʼa hauʼniya kavaʼamo alino atalegaiye, huka naha paigane.

Lomu 9:19 ပူးပေါင်းရင်းမြစ်များ

Aepa Gemae 50:20

Lapakaemo nagaetegamo hosu kavaʼmo hugune, hutapa lapakesamo afitetapa huʼnayaʼmonanafa Gotiʼa alagepa kavaʼmo afole aisiyafeʼmo afaʼa lapateʼnigetapa ani kavaʼmo huʼnae. Asole vayaʼai apakufamo alino katino apatesiyafeʼmae.

2 Sitoli 20:6

ina ge huno nunumuʼmo huʼniye. O Ala kava neʼmo Gotiyo, huno, laginago vayaʼai Ala kava neʼapimogae, huno, kokunapiʼmo maiʼneka muki ma mopafi vayaʼaiteʼmo yagaika noʼapatapiye. Kagaemo lokiyakamo alopa yaʼmo magoʼe huno haneʼniyanageno mago vekamoʼmo kagaeʼeʼmo kamemo huno aeno kaga osesifiye.

Samu 76:10

Vayaʼmo apaipamo neleya kavaʼmo afole aiteno kagikaleʼmo alino asaga huno kategaiye. Kagaemo afole oʼaisiya apaipamo neleya kavaʼmo atafauka ategane.

Neniyo 4:35

Agae aulagaleʼmo muki ma mopafi vayaʼmo afaʼa ina agufa vayaʼmo maiʼnae. Agaemo muki kokuʼnapi vayaʼaitegaʼe ma mopafi vayaʼaitegaʼeʼmo hauʼniya kavaʼmo afaʼa nehiye. Mago vayaʼmogi agaemo mago kavaʼmo osisiyafeʼmo atafauʼneʼa, kagaemo na kava nehane, huʼa afaʼa osugae.

Maki 14:21

Vemo mafaʼnemoʼmo Goti mukufiʼmo avoʼmo kae maleʼnaya kateʼmo afaʼa ugiyaʼmonanafa kutulu yaʼmo neʼniya vekalegamo lusi kava huno kage kage kavaʼmo afole aigiye. Itaʼamoʼmo alino oʼateʼniyesinana agaetefeʼmo kanale huʼniyesine, huno hapa paiʼniye.

Apa 2:23

Hogoteno Gotiʼa agesa afitenoʼaeʼmo, ani kavaʼmo afaʼa afole aigiye, huno ge hu maleʼnenoʼaeʼmo ago alino lapayapiʼmo ateʼniye. Ateʼnigetapa avalelitutapa hosu vayaʼmo keʼaepa gemo akame nosaya vayaʼai apayapiʼmo ateʼnae. Lapakaemo ani vayaʼai apayapatiʼmo Yesuʼmo malipu yosaleʼmo nili aitetapa alita he tita atetetapa kamitimo amagiʼnae.

Lomu 11:19

Lapakaemo geʼnileʼmo aetapa atagaina huta naha paitapaeʼmo, Anonaleʼmo maisunafeʼmo akopamo lo aeno ataleʼniye, hutapa hugae.

1 Kolitiyani 15:12

Lagaemo hutaeʼmo, Kalaisiʼa faliʼniyatetiʼmo ago alino he tino ateʼniye, huta aeta hakalo huta lapa nepaunaʼmofeʼmo na kava higetapa mago vayaʼamogitapamo hutapaeʼmo, faliʼnaya vayaʼmo he otigae, hutapa nehae.

1 Kolitiyani 15:35

Mago vekamoʼmo, Haiya kava huno faliʼnaya vayaʼmo alino he tino apategaiye. Haiya agufa apakufamo aligae, huno nafi gegaiye.

Yemisi 1:13

Apamalageka nehisiya vayaʼmogimo huʼapaeʼmo, Gotiʼa hosu kavaʼmo hisunafeʼmo layate neʼaliye, huʼa apakesamo oʼafisaya kavaʼmo haneʼniye. Mago vekamoʼmo Gotiʼa hosu kavaʼmo hisiyafeʼmo ayateʼmo afaʼa oʼaligiye. Gotiʼa vayaʼmogi hosu kavaʼmo hisayafeʼmo apayateʼmo noʼaliye.

Yemisi 2:18

Haneʼniyaʼmonanafa mago vekamoʼmo, kagaemo kagesamo afika fatago huʼnanageʼna nagaemo alagepa kavaʼmo nehuve. Alagepa kavaʼmo nosisanana kagesamo afika fatago nehana kavakamo alika nave liyo. Nagaemo alagepa kavaʼniletiʼmo nagesamo afiʼna fatago nehuva kavaʼnimo aliʼna kave liguve, huno hugiye.