Lomu 8:9 - The Keyagana NT and 25 OT books

⁹ Osugayaʼmonanafa Goti Aunemeʼamo lapaipafiʼmo maiʼnisiyana atafa lapaipamoʼmo magoʼe huno yagaino nolapate. Muki vayaʼmogi Kalaisi Aunemeʼamo oʼaliʼnisayana Kalaisi vayaʼamo oʼmaiʼnae.

Lomu 8:9 ပူးပေါင်းရင်းမြစ်များ

Luki 11:13

Lapakaemo hosu vayaʼmo maiʼnayaʼmonanafa mafaʼnetapimo alagepa yaʼmo alita neʼapamiya agufa kavaʼmo huno kokuʼnapi afotapimofeʼmo kaote Kaunekameʼmo alika namiyo, huʼa ge huʼa afi gesaya vayaʼmo afaʼa magoʼe huno alino apamigiye, huno hapa paiʼniye.

Yoni 14:17

Gotiʼa Aunemeʼamo alagi lama geʼage aepa Aunemeʼamo lapamigiye. Ma mopafi vayaʼmogimo agaemo oʼageʼnayaʼmofeʼmo ageʼa aeto osuʼnayanageʼa afaʼa oʼagegayaʼmonanafa lapakaeʼeʼmo maiʼniyaʼmofeʼmo ago ageʼnae. Agaemo lapakaeʼeʼmo ago maiʼniyanageno lapakaepiʼmo maigiye.

Yoni 14:23

Yesuʼa geʼaleʼmo aeno atagaina huno ha painoʼaeʼmo, nagaefeʼmo hapau apayamopafiʼmo nehapaiya vayaʼmogimo geʼnimo akame hugae. Akame hisageno Afoʼnimoʼa apakaefeʼmo hau ayamopafiʼmo hauʼnisigetaʼa agaeʼe nagaeʼeʼmo apakaemo maiʼnisayategamo emitetaʼa magokepi lokaetaʼa maige maige huta maigune.

Yoni 3:34

Gotiʼa alino ateʼnigeno eʼniya vekamoʼa Goti geʼamo hapa nepaiye. Gotiʼa Aunemeʼamo alino fako huno magoʼamo maleteno oʼamiʼnifa mukiʼamo alagi amiʼniyaʼmofeʼmo Goti geʼamo aeno hakalo huno hapa nepaiye.

Yoni 3:6

Atafa apaipamo haneʼniya vayaʼmogi atafa apaipaʼe vayaʼmo aliʼa neʼapatae. Goti Aunemeʼamoʼmo saufa apaipaʼe vayaʼmo alino neʼapate.

Apa 16:7

Apakaemo Misiya haopalega uʼa avaʼyi huteʼa Pitiniya kotegamo uʼa haisayafeʼmo huʼnayaʼmonanafa Goti Aunemeʼamoʼmo ka akanino apateʼniye.

Lomu 7:5

Atafa laipamoʼmo yagaino lateʼniya afinaʼmo keʼaepa gemoʼa hosu lahaʼye nehiya kavaʼmo alino afole aino ateʼnigeno lagufafiʼmo aliʼyaʼmo aliʼnigeta hosu alagamo aegekana huta maiʼnetaeʼmo falisuna agufa kavaʼmo huʼnone.

Lomu 8:1

Kalaisiʼa hosu kavatilefeʼmo faliʼniyaʼmofeʼmo Gotiʼa Kalaisi Yesupiʼmo maiʼnisaya vayaʼaifeʼmo hunoʼaeʼmo, hosu vayane, huno huteno agoti huno oʼapatege kayoʼmo oʼapamige hugiye. Apakaemo atafa apaipamo akame nosafa Goti Aunemeʼamo hauʼniya kavaʼmo akame nehae.

Lomu 8:11

Goti Aunemeʼamoʼmo Yesuʼmo faliʼniyatetiʼmo ago alino he tino ateʼniya vekamo lapaipafiʼmo maiʼnisiyana Kalaisiʼa alino he tino ateʼniya vekamoʼmo ani kava huno lapaipafiʼmo maiʼniya Aunemeʼaletiʼmo falisiya lapakufamo alino he tino lapategaiye.

Lomu 8:2

Na kava hinagenoʼaeʼmo agoti huno lateteno falisuna agufa kayoʼmo olamigiye. Keʼaepa gemoʼa hosu kavaʼe nefali kavaʼeʼmo alino afole aino neʼateyaʼmonanafa Kalaisi Yesupiʼmo maiʼnonagenoʼaeʼmo Goti Aunemeʼamoʼmo afaʼa maisuna yaʼmo nelamiya Aunemeʼamoʼmo alagepa faigoko geʼaletiʼmo keʼaepa gefatiʼmo ago hatu maeno nateʼniye.

1 Kolitiyani 15:23

Hogoteno he tiʼniyanageʼa kanaʼapilefeʼmo he tigae. Kalaisiʼa hoyafatiʼmo hogoteno leʼniya neʼyakana huno he tiʼniyanageʼa eminesiya afinaʼmo vayaʼamo he tigae.

1 Kolitiyani 3:16

Lapakaemo magokepi lokaeta maiʼnetapaeʼmo Goti mono noʼamo maiʼnageno Goti Aunemeʼamoʼmo lapakaepiʼmo maiʼniye, hutapa oʼafiʼnafiye.

1 Kolitiyani 6:17

Huʼniyaʼmonanafa mago vekamoʼmo Ala kava neʼeʼmo aiʼana lokaesaʼagenoʼaeʼmo agaeʼeʼmo magoke anauneʼanameʼmo alino hamalegaiye.

1 Kolitiyani 6:19

Lapakufamo aote Aunemeʼamo mono noʼamo haneʼniye, hutapa oʼafiʼnafiye. Gotiʼa Aunemeʼamo ago lapamiʼnigeno lapaipafiʼmo neʼmaiye. Lapakaemo lapakaitapi vayaʼmo oʼmaiʼnafa Yesu Kalaisiʼa lapakaemo ago miya faiʼniyaʼmofeʼmo lapaunelapamepatiʼe lapakufaletiʼeʼmo Goti agiʼalekeʼmo alita asaga hutapa ateyo.

2 Kolitiyani 10:7

Amega apakufalefeʼmo lapakesamo neʼafifiye. Apakaiʼapieʼmo aliʼa amufa apamiʼapaeʼmo Kalaisi vayaʼamo maiʼnone, huʼa lokiya vaiʼa apakesamo neʼafiya vayaʼmogimo lagaeʼefeʼmo huʼapaeʼmo, Kalaisi vayaʼamo maiʼnae, huʼa halate apaipafiʼmo apakesamo afigae.

2 Kolitiyani 6:16

Haiya kava huʼa alo nehaya aigofe gotiʼapimogi Goti aote ha le mono nopiʼmo hanegae. Alu ya alu yaʼmo haneʼnayaʼmofeʼmo ohanegae. Lagaemo afaʼa neʼmaiya Goti aote ha le mono noʼamo maiʼnonaʼmofeʼmae. Gotiʼa ani kavatefeʼmo hunoʼaeʼmo, Nagaemo apakaepiʼmo maiʼneʼna apakae folagapiʼmo umenitata huguve. Gotiʼapimoʼnamo maisugeʼa vayaʼnimo maigae, huno huʼniye.

Galesiya 4:6

Lapakaemo mafaʼneʼamo maiʼnayaʼmofeʼmo Gotiʼa Mafaʼneʼamo Aunemeʼamo alino ateʼnigeno emineno lapaipafiʼmo uno haino maiʼnigetapaeʼmo, Afo, Afotimogae, hutapa ge nehae.

Galesiya 5:24

Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.

Efasasi 1:13

Ani kava hutapa lapakaeʼeʼmo alagi mani lama gemoʼmo lapau neʼvaiya kavatefeʼmo alagepa faigoko geʼamo afitetapaeʼmo alita amufa amiʼnae. Lapakaemo Kalaisifeʼmo lapakesamo afita fatago huʼnagenoʼaeʼmo Gotiʼa polomasi gemo hunoʼaeʼmo, Nauneʼnameʼmo apamiguve, huno hu maleʼniya Aunemeʼamo lapamitenoʼaeʼmo lapaipafiʼmo alagena yaʼamo ago hu maletenoʼaeʼmo, vayaʼnimo maiʼnae, huno lapa paiʼniye.

Efasasi 2:22

Agaepiʼmo Gotiʼa Aunemeʼamo noʼafiʼmo maisiyafeʼmo lapakaeʼeʼmo alino anupa huno no kigekana huno nelapate.

Filipai 1:19

Lapakaemo nunumuʼmo hutapa neʼnatayanageno Yesu Kalaisi Aunemeʼamoʼmo naha maeteno nagufamo alino katino nategaiye, huʼna afiʼnove.

2 Timoti 1:14

Gotiʼa faigoko geʼaleʼmo yagaika atesanafeʼmo kamiʼniye. Ani faigoko geʼaleʼmo laipafiʼmo maiʼniya aote Aunemeʼamo himamuʼaletiʼmo yagaika ato.

1 Pita 1:11

Kalaisi Aunemeʼamo apaipafiʼmo maiʼniya Aunemeʼamoʼmo hogoteno hunoʼaeʼmo, Kalaisiʼa kana yaʼmo alitenoʼaeʼmo ala agiʼe ha le konali yaʼeʼmo aligiye, huno hapa paiʼnigeʼapaeʼmo, hainu afinaʼmo afole aisifi, huʼa huge haiya katetiʼmo afole aisifi, huʼa huge huteʼapaeʼmo agesayafeʼmo kahauya huʼnae.

1 Yoni 3:24

Muki vayaʼmo keʼaepa geʼamo akame nehaya vayaʼmo Gotipiʼmo alagi maiʼnageno apakaepiʼmo alagi neʼmaiye. Ani kavatetiʼmo ageʼnonana Gotiʼa lamiʼniya Aunemeʼaletiʼmo lagaepiʼmo alagi neʼmaiye.

1 Yoni 4:13

Gotiʼa Aunemeʼamo ago lamiʼniyaʼmofeʼmo ani kavatetiʼmo ageʼnonana agaepiʼmo alagi maiʼnonageno lagaepiʼmo alagi maiʼniye.

1 Yoni 4:4

Aise mafaʼneʼnimogitapae, huʼna, lapakaemo Goti mafaʼneʼamo maiʼnetapaeʼmo kamemo hutapa aigofe vayaʼmo ago aeta apakaseʼnae. Lapaipafiʼmo maiʼniya Aunemeʼamoʼa ma mopafi vayaʼai apaipafiʼmo maiʼniya aunemeʼamo ago aeno agaseno maiʼniyaʼmofeʼmae.

Leveleseni 13:8

Muki ma mopafi vayaʼmo afaʼa maisaya yaʼmo aliʼnisaya vayaʼai apakiʼapimo avoʼmo kae maleʼniya mukufiʼmo apakiʼapimo avoʼmo okaeʼnisiya vayaʼmogimo afela afulefeʼmo mono hugae. Ani mukumo ma mopamo faino ateʼniya afinaʼmo kamiti amagiʼnaya sipisipi vekamo mukuʼamo haneʼniye.

Leveleseni 20:15

Mukufiʼmo afaʼa maisaya yaʼmo aliʼnaya vayaʼai apakiʼapimo haneʼniya mukufiʼmo agetenoʼaeʼmo apakiʼapimo avoʼmo okaeʼniya vayaʼmo ata kotupiʼmo alino yaga auno apataleʼniye.