Lomu 8:7 - The Keyagana NT and 25 OT books

⁷ Atafa apaipamoʼmo hauʼniya kavapiʼmo maiʼnisaya vayaʼmogi Goti aiyafiʼmo oʼmaige Goti keʼaepa geʼamo oʼafige nehayanageʼa afaʼa oʼafigayaʼmofeʼmo Goti kame vayaʼamo maiʼnae.

Lomu 8:7 ပူးပေါင်းရင်းမြစ်များ

2 Sitoli 19:2

Afaʼa maiʼnigenoʼaeʼmo mago aune vekamo agiʼamo Yehuʼa Hanani mafaʼnemoʼmo Yihosafatitegamo uno ina ge huno ha paiʼniye. Kagaemo hosu vayaʼaina hapa maeʼnana kavakamo kanale kavapiye. Kagaemo Ala kava nefeʼmo apaini nehaya vayaʼaifeʼmo kahau kayamopafi kahauʼniya kavakamo kanale kavapiye. Hosu kavaʼmo huʼnanaʼmofeʼmo Ala kava neʼmoʼa aipamo leno nekateya kavaʼmo kagenopaleʼmo asagauno aiʼniye, huno ha paiʼniye.

Samu 53:1

Negi nagi vayaʼmogimo apaipafiʼmo, Gotiʼa oʼmaiʼniye, huʼa nehae. Afumo nefaligenoʼaeʼmo apakufamo nekasaliya kava huʼa hosu vayaʼmo maiʼnae. Gotiʼa avenatuʼnaʼmo heno neʼapateya kavaʼmo nehae. Magoke vekamoʼmo alagepa kavaʼmo nehiya vekamo alagi oʼmaiʼniye.

Hatu maeno apate'niya gemae 20:5

Nagaemo Ala kava neʼmo Gotitapimoʼnamo neʼmauva naimuʼyaleʼmo maiʼnaya aigofe gotigifeʼmo naipa kafamo hapaeteʼna kaino nefauva vekamo maiʼnovaʼmofeʼmo alu gotigitefeʼmo lapaleʼyamo faiʼnetapa ape hutapa mono osiyo. Afoʼapimogi hosu kavaʼapilefeʼmo nagaefeʼmo ohapauʼnigeʼa apaini huʼa neʼnataya vayaʼmogi mafaʼne anagaʼapimo nagaemo kayo apamiguve. Nagaemo mafaʼneʼapimogi aliʼa apatesaya mafaʼnemo kayoʼmo apamige apakaemo aliʼa apateme apateme visaya mafaʼnemo kayoʼmo apamige huguve.

Matiyu 12:34

Nagaloʼyave afamo anaga vayaʼmogitapae, huʼna, hosu vayaʼmo maiʼnayaʼmofeʼmo haiya kava huta alagepa gemo afaʼa hugae. Vayaʼai apaipafiʼmo na agufa yaʼmo havaiteʼnifi ani kava huno aino vali lamino asagauno neʼaigeʼapaeʼmo gemo nehae.

Matiyu 5:19

Inagi mago vekamoʼmo henaga keʼaepa gefatiʼmo mago aise gemo amagino ataleteno vayaʼmogi amagiʼa atalesayafeʼmo alino apaya malesiyana Gotiʼa yagaino neʼapateya koteʼmo ina agufa vekamo maigiye. Maigiyaʼmonanafa mago vekamoʼmo keʼaepa gemo akame nehunoʼaeʼmo vayaʼmogi akame hisayafeʼmo alino apaya maleʼnisiyana Gotiʼa yagaino neʼapateya koteʼmo ala vekamo maigiye.

Yoni 7:7

Ma mopafi vayaʼmogimo lapakaefeʼmo afaʼa alagi apaini osugae. Nagaemo hosu kavaʼapieʼmo gemo aeʼna hakalo huʼna hapa nepauvaʼmofeʼmo nagaefeʼmo apaini nehae.

Lomu 1:28

Apakaemo Gotifeʼmo lama ge huʼa apakesa afisayafeʼmo ohapauʼniyaʼmofeʼmo Gotiʼa magoʼe huno apatafauno oʼmaiʼnifa afaʼa apakeno apataleʼnigeʼno hosu apaipa apakesakeʼmo alino he tino apateʼnigeʼa osisaya agufa kavaʼmo nehae.

Lomu 1:30

Apakaemo hosu faigoko gemo huge vayaʼai apakiʼapileʼmo aliʼa afepi apatege Gotifeʼmo apaini huge hanageke yaʼmo apamiteʼa aliʼa apaiyafiʼmo apatege ala vayaʼmo maiʼnone, huʼa huge apakaiʼapi apakiʼapileʼmo aliʼa asaga huʼa atege apakesa afifi huʼa saufa hosu kavaʼmo huge itaʼapi afoʼapimogi geʼapimo oʼafige nehae.

Lomu 3:31

Inagi lagaemo apakesamo afiʼa fatago hisaya kavafeʼmo ava gemo nehutaeʼmo keʼaepa geʼamo aeta ati nekaopiye. Alagi atalegeno hano hino. Lagaemo keʼaepa geʼamo ha maeta alita he tita neʼatone.

Lomu 5:10

Goti kameʼamo maiʼnonagenoʼaeʼmo mafaʼneʼamo faliʼniya kavatetiʼmo alino ao yaʼmo hu maleʼniyaʼmofeʼmo ao vayaʼmo maiʼnonagenoʼaeʼmo mafaʼneʼamo he tino afaʼa maiʼniya himamuʼaletiʼmo magoʼe huno lagufamo alino katino lategaiye.

Lomu 7:22

Nagaemo saufa naipafatiʼmo Goti keʼaepa geʼaeʼmo nahauʼnigeʼna namogaga neʼauvaʼmonanafa

Lomu 8:4

Keʼaepa gemoʼa hunoʼaeʼmo, fatago kavaʼmo hiyo, huno huʼniya fatago kavaʼamo lagaepiʼmo afole aisiyafeʼmo Gotiʼa ani kavaʼmo huʼniye. Lagaemo atafa laipamo akame osuta Goti Aunemeʼamo hauʼniya kavaʼmo akame nehune.

1 Kolitiyani 2:14

Goti Aunemeʼamo oʼaliʼnisaya vayaʼmogimo Goti Aunemeʼamoʼmo alino neʼapamiya geʼaeʼmo ohapauʼnigeʼa noʼaliye. Apakaemo huʼapaeʼmo, negi nagi gemae, huʼa apakesamo neʼafiye. Aunemeʼaletikeʼmo afiʼa aeto hisaya agufa gemo haneʼniyaʼmofeʼmo afaʼa afiʼa aeto osugae.

1 Kolitiyani 9:21

Keʼaepa gemo oʼaliʼnaya vayaʼmo apavaleliʼna esuvafeʼmo Yu nofi vayapati oʼmaiʼnaya vayaʼaitegamo uʼna aliʼyaʼmo neʼaliʼnaeʼmo keʼaepa gemo oʼaliʼniya vekagana huʼna maiʼnove. Goti keʼaepa geʼamo amagiʼna ataleteʼna afaʼa maiʼnove, huʼna nosufa Kalaisi keʼaepa geʼamo afeʼalumelagamo maiʼnove.

Kolosi 1:21

Lapakaemo mago afinaʼmo Gotiʼeʼmo lokaeta oʼmaitapa lapaote maige aote maige hutapaeʼmo hosu kavaʼmo 4 huge hosu lapakesamo afige hutapa maiʼnetapaeʼmo kame vayaʼamo maiʼnayaʼmonanafa hemenimo agaiʼaʼeʼmo alino nanu aeno lapateʼniye.

Kolosi 2:18

Mago vayaʼmogimo amega apakufaletiʼmo apakaiʼapi apakiʼapileʼmo aliʼa afepi neʼapataya kavafeʼmo amuse huteʼa enisole vayaʼaifeʼmo mono nehae. Apakaemo kavatapimo aliʼa fako huʼa lapateteʼapaeʼmo, hosu kavaʼmo nehae, huʼa hisaya gemo oʼafiyo. Oʼageʼnaya kavaʼmo agesayafeʼmo apakaiʼapimo fikumo himuʼnamu kavaʼmo nehae. Atafa apaipafatiʼmo, ala vayaʼmo maiʼnone, huʼa fikumo apakesamo neʼafiye.

2 Timoti 3:4

Apakaemo kutulu yaʼmo nege apakesamo oʼafiʼneʼa malage huʼa hosu kavaʼmo huge ala vayaʼmo maiʼnone, huʼa himuʼnamu gemo huge huteʼa Gotifeʼmo ohapauʼnisigeʼa apakufamoʼmo hauʼniya kavafekeʼmo apamogaga aigae.

Himulu 8:10

Inagi ani afinaʼmo hano hutesigeʼnaeʼmo Isaleli vayaʼeʼmo kotalakemo hu maleteʼnaeʼmo keʼaepa geʼnimo aliʼna apakesafiʼmo maleteʼna apaipafiʼmo avoʼmo kae malegauve. Gotiʼapimoʼnamo maisugeʼa nagaiʼni vayaʼnimo maigae.

Yemisi 4:4

Veyalave kotalakemo amagitapa ataleʼnaya ve aʼnemogitapae, huʼna, ma mopafi vayaʼe kavaʼeʼmo aliʼa apao yaʼmo nehisaya vayaʼmogi Gotiʼmo kame huʼa neʼatae, hutapa oʼafiʼnafiye. Haiya vekamoʼmo ma mopafi kavaʼmo ao vekamo maisiyafeʼmo hauʼnifi agaiʼamo Goti kameʼamo hamaleʼniye.

2 Pita 2:14

Kumai kavaʼmoʼa apaulagafiʼmo havai teʼniyanageʼa hosu kavaʼmo alagi oʼatalegae. Apakaemo lokiya vaiʼa noʼmaiya vayaʼai apayate neʼaliye. Hapaʼye hisiya kavaʼmo alagi ago afiteʼa ageʼnae. Apakaemo lifana huno apateʼniya mafaʼnemo maiʼnae.