Lomu 8:5 - The Keyagana NT and 25 OT books

⁵ Atafa apaipamo akame nehaya vayaʼmogimo atafa apaipamoʼmo hauʼniya kavafeʼmo hapauʼnigeʼa ani kavafekeʼmo apakesamo neʼafiye. Goti Aunemeʼamoʼmo hauʼniya kavaʼmo akame nehaya vayaʼmogimo hauʼniya kavafeʼmo hapauʼnigeʼa ani kavafeʼmo apakesamo neʼafiye.

Lomu 8:5 ပူးပေါင်းရင်းမြစ်များ

Maki 8:33

aino afe leno geʼamo neʼafiya vayaʼaina apakeʼneno Pitafeʼmo ge haunoʼaeʼmo, Sataniyo, huno, atalekeka nakamelegamo uvo. Gotiʼa agesamo afiʼniya kavafeʼmo kagesamo oʼafiʼnapa ma mopafi vayaʼmogi apakesamo neʼafiya kavafeʼmo kagesa neʼafine, huno ha paiʼniye.

Yoni 3:6

Atafa apaipamo haneʼniya vayaʼmogi atafa apaipaʼe vayaʼmo aliʼa neʼapatae. Goti Aunemeʼamoʼmo saufa apaipaʼe vayaʼmo alino neʼapate.

Lomu 8:9

Osugayaʼmonanafa Goti Aunemeʼamo lapaipafiʼmo maiʼnisiyana atafa lapaipamoʼmo magoʼe huno yagaino nolapate. Muki vayaʼmogi Kalaisi Aunemeʼamo oʼaliʼnisayana Kalaisi vayaʼamo oʼmaiʼnae.

1 Kolitiyani 15:48

Ma mopafi vayaʼmo mopaletiʼmo alo huno ateʼniya vekagana huʼa maiʼnae. Kokuʼnapi vayaʼmo kokuʼnapatiʼmo emineʼniya vekagana huʼa maiʼnae.

1 Kolitiyani 2:14

Goti Aunemeʼamo oʼaliʼnisaya vayaʼmogimo Goti Aunemeʼamoʼmo alino neʼapamiya geʼaeʼmo ohapauʼnigeʼa noʼaliye. Apakaemo huʼapaeʼmo, negi nagi gemae, huʼa apakesamo neʼafiye. Aunemeʼaletikeʼmo afiʼa aeto hisaya agufa gemo haneʼniyaʼmofeʼmo afaʼa afiʼa aeto osugae.

2 Kolitiyani 10:3

Lagaemo ma mopafiʼmo maiʼnetaeʼmo lagufafiʼmo maiʼnonaʼmonanafa ma mopafi vayaʼmogi nehaya agufa kavaʼmo huta lagufaʼaletikeʼmo kamemo nosune.

Galesiya 5:17

Atafa laipamoʼmo Goti Aunemeʼaeʼmo kame huno neʼategenoʼaeʼmo Goti Aunemeʼamoʼmo atafa laipaʼeʼmo kame huno neʼate. Kame huno neʼateyaʼmofeʼmo lapauʼnisiya kavaʼmo afaʼa osugae.

Efasasi 5:9

Goti Aunemeʼamoʼmo alagamo neʼaesigetapaeʼmo alagepa kavaʼmo huge fatago kavaʼmo huge lama ge kavaʼmo huge hutapa maigae.

2 Pita 2:10

Ani kava huno apakufamoʼmo hauʼniya kavaʼmo akame huteʼa kumai kavaʼmo huge muki yagaiʼa neʼapataya vayaʼai geʼapimo oʼafige nehaya vayaʼmo magoʼe huno lusi hanageke yaʼmo apamigiye. Ani agufa aigofe tisa vayaʼmogi koli osuʼa lusi himuʼnamu kavaʼmo huteʼa ala apaki vayaʼaifeʼmo apakesamo oʼafiʼa huʼa faipa huʼa neʼapatae.