Lomu 8:36 - The Keyagana NT and 25 OT books

³⁶ Goti mukufiʼmo avoʼmo kae maleʼniya gemoʼa hunoʼaeʼmo, Gotiyo, huʼa, vayaʼmogimo kagaetefeʼmo muki afinaʼmo kamitimo lamagisayafeʼmo nehae. Apakaemo huʼapaeʼmo, kamitimo apamagisuna sipisipi afugana huʼa maiʼnae, huʼa nehae, huno huʼniye.

Lomu 8:36 ပူးပေါင်းရင်းမြစ်များ

Samu 141:7

Layamufamo aliʼa kanolufiʼmo yaga auʼnageno haneʼniye. Vayaʼmogimo yosamo apalotiteʼa atanaʼamo aliʼa yaga auʼa ataleʼnaya kava huno layamufamo haneʼniye.

Aiyeya 53:7

Yesuʼmo muki anonaʼapilefeʼmo miya faisiyafeʼmo Gotiʼa kana yaʼmo amige vayaʼmogi aliʼa afepiʼmo atege huʼnayaʼmonanafa ge osuno afaʼa maiʼniye. Vayaʼmogimo aikeli sipisipimo amagisayafeʼmo avaleliʼa neʼvaya agufa kava huʼa avaleliʼa uʼnae. Vayaʼmogimo sipisipimo ayokaʼmo lagaunagenoʼaeʼmo age noʼaiya agufa kava huno ge osuno afaʼa maiʼniye.

Yoni 16:2

Apakaemo mono nokoʼapifatiʼmo aliʼa lapa faiʼa lapatalete lapataletekeʼmo hugae. Mago afinaʼmo afole aisigeʼapaeʼmo kamiti lapamagiteʼapaeʼmo, Goti aliʼyaʼamo alagi neʼalune, huʼa apakesamo afigae.

Apa 20:24

falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.

Apa 8:32

Goti Mukufiʼmo lekana paiʼniya gemoʼa hunoʼaeʼmo, Sipisipigana huno maiʼnigeʼa avaleli eʼa amagiʼnae. Vayaʼmogimo aikeli sipisipimo ayokaʼmo lagauʼnagenoʼaeʼmo age noʼaiya sipisipigana huno maiʼnenoʼaeʼmo ge osuno afaʼa maiʼniye.

1 Kolitiyani 15:30

Lagaeʼeʼmo mani agufa kavaʼmo nehune. Na kava higetaeʼmo muki afinaʼae afinaʼaeʼmo aliʼyaʼmo neʼaluna afinaʼmo lamagisaya kavatefekeʼmo aliʼyaʼmo neʼalune.

1 Kolitiyani 15:31

Ala kava netimo Kalaisi Yesupiʼmo maiʼneʼnaeʼmo amuse huʼna nelapatove, huʼna nehuva gemo alagi lama gemo haneʼniye. Konagaʼnimogitapae, huʼna, ani kavaʼmo huʼna muki afinaʼae afinaʼaeʼmo namagisaya agufa kavategamo maiʼnove, huʼna alagi lama gemo nehuve.

1 Kolitiyani 4:9

Gotiʼa apa vayaʼamogitaeʼmo, henaga vayaʼmo maiʼnae, huno alino apave liʼniye, huʼna nagesamo neʼafuve. Lagaemo agoti huʼa apateteʼapaeʼmo vayaʼai apaulagaleʼmo faligae, huʼa huʼnageʼa maiʼnaya vayakana huta maʼnone. Gotiʼa alino afole aino lateʼnigeta ma mopafi vayaʼai apaulagaleʼe enisole vayaʼai apaulagaleʼeʼmo mago soʼmo nehaya agufa kavakana huta maiʼnonageʼapaeʼmo aulu lahaeʼa nelagae.

2 Kolitiyani 1:9

He, yasi vekamoʼmo hunoʼaeʼmo, faligae, huno huʼniya agufa gemo laipafiʼmo ago afole aiʼniye. Lagaitieʼmo alita amufa olamita Gotiʼa faliʼnayatetiʼmo alino he tino neʼapateya vekaekeʼmo alita amufa amigune, huta lagesamo afisunafeʼmo mani hanageke yaʼmo lagaeteʼmo afole aiʼniye.

2 Kolitiyani 11:23

Kalaisi aliʼyaʼamo neʼalifiye. Negi vekagana agufa gemo nehuʼnaeʼmo, aeʼna apakaseʼnove. Magoʼe huʼna lokiya aliʼyaʼmo aliʼnove. Lekana opaisuna agufa afinaʼmo namagiʼnaya kavatetiʼmo aeʼna apakaseʼnove. Magoʼe huʼa kalavusi huʼa nateʼnae. Magoʼe huʼna muki afinaʼmo falisuva agufa kavategamo maiʼnove.

2 Kolitiyani 6:9

Ina agufa vayaʼmo maiʼnae, huʼa huteʼa nolagayaʼmonanafa Gotiʼa lageʼniye. Falisuna agufa kavaʼmo nehutaeʼmo lageyo, huta afaʼa maiʼnone. Lamagiʼnayaʼmonanafa alagi kamiti olamagiʼnae.

Filipai 3:10

Nagaemo Kalaisina ageʼna alagepa huʼna agesuvafeʼmo neʼnahaiye. Faliʼniyatetiʼmo he tiʼniya himamuʼamoʼa naipafiʼmo aliʼyaʼmo alisigeʼna agegesuve. Kana yaʼmo aliʼniya kavatefeʼmo magoke agufa kava huʼna kana yaʼmo alisuvafeʼmo neʼnahaiye. Faliʼniyanageʼna atafa naipamo hano hisiyafeʼmo faliteʼna agaekana huʼna maigesuve.