Lomu 8:29 - The Keyagana NT and 25 OT books

²⁹ Ani kavatefeʼmo Gotiʼa hogoteno agesamo afitenoʼaeʼmo hau ayamopafiʼmo hauʼniya vayaʼaifeʼmo, mafaʼneʼnigana huʼa maigae, huteno lekana paino apateʼniye. Aganaʼamogimo asole vayaʼmo maisageno hogote yege mafaʼneʼamoʼmo nepuʼapimoʼmo maisiyafekeʼmo lekana paino apateʼniye.

Lomu 8:29 ပူးပေါင်းရင်းမြစ်များ

Samu 1:6

Ala kava neʼmoʼa fatago vayaʼmogimo nehaya kavaʼapieʼmo apakeno amuse nehiyaʼmonanafa agaefeʼmo mono nosaya vayaʼai aliʼyaʼapimo alino hano huno atalesigeʼa alagi afela hegae.

Samu 89:27

Yege mafaʼneʼnimo maiʼniye, huʼna hu malegauve. Agaemo muki ma mopafiʼmo maiʼnaya kini vayaʼmo ago aeno apakaseno hogote kini vekamo maigiye.

Hatu maeno apate'niya gemae 33:12

Moseseʼa Ala kava nefeʼmo, Kagaemo nagaefeʼmo muki vayaʼmo apavalelika uvo, huka naha paiʼnanaʼmonanafa nagaeʼeʼmo lokaeno visiya vekaeʼmo naha opaiʼnane. Naha opaiʼnanaʼmonanafa nagaefeʼmo, kagaemo ago kageʼna alagepa huʼnove, huka huʼnane. Naulagaleʼmo fikumo kaha maeʼna nekamuva kavaʼmo ago ageʼnane, huka naha paiʼnane.

Hatu maeno apate'niya gemae 33:17

Ala kava neʼmoʼa Mosesefeʼmo ha painoʼaeʼmo, Nagaemo kageʼna alagepa huʼnovana naulagaleʼmo fikumo kaha maeʼna nekamuva kavaʼnimo ageʼnanaʼmofeʼmo gekamo akame huguve, huno ha paiʼniye.

Matiyu 12:50

Kokuʼnapi afoʼnimoʼmo hauʼniya kavaʼageʼmo nehaya vayaʼmo naganaʼnimogimo maige nasaʼnimogimo maige itaʼnimogimo maige huʼnae, huno hapa paiʼniye.

Matiyu 25:40

Ala kini vekaʼapimoʼmo hunoʼaeʼmo, lama ge lapa nepauve, huno, lapakaemo nagae vayapatiʼmo ina agufa naganaʼnimogitegamo ani kava huʼnaya kavaʼmo nagaetegageʼmo huʼnae, huno hapa paigiye.

Matiyu 28:10

Yesuʼa, utana naganaʼnimogifeʼmo, muga Galeliya kotegamo viyo. Muganilegamo nagegae, hutana hapa paiʼao, huno hana paiʼniye.

Matiyu 7:23

hosu kavaʼmo nehaya vayanageʼna alagi olapakeʼnovanagi nagaetegatiʼmo ago ataleta lapaune heyo, huʼna hapa paiguve.

Yoni 17:16

Nagaemo ma mopafi vekamo oʼmaiʼnova kava huʼa ma mopafi vayaʼmo oʼmaiʼnae.

Yoni 17:19

Kagaemo lama gekaletiʼmo apavaleka apaote apatesanafeʼmo nagaemo aliʼyakamo alisuvafeʼmo aliʼna naote nateʼnove.

Yoni 17:26

Nagaefeʼmo kahau kayamopafiʼmo kahauʼniya kavakamo apakaepiʼmo hanesigeʼna apakaepiʼmo maisuvafeʼmo kagikamo aepaʼamo aliʼna apave liʼnovanageʼna magoʼe huʼna aliʼna apave liguve, huno nunumuʼmo huʼniye.

Yoni 20:17

afoʼnimotegamo uʼna ohaiʼnovaʼmofeʼmo nanu okiyo. Naganaʼnimogifeʼmo uka hapa paikaeʼmo, kokuʼnapi Afoʼnimoʼmo Gotiʼnimotegamo Afotapimoʼmo Gotitapimotegamo uʼna haiguve, huno huʼniye, huka uka hapa paiyo, huno ha paiʼniye.

Lomu 11:2

Gotiʼa akeyaʼvilaga hunoʼaeʼmo, mafaʼneʼnimo maiʼnae, huno huʼniya vayaʼmo alino oʼapataleʼniye. Goti mukufi avoʼmo kae maleʼniya gemoʼa Ilaiyafeʼmo ava gemo huʼniya gemo lapakaemo afiʼnafiye. Ilaiyaʼa Gotifeʼmo,

Lomu 13:14

Lapakaemo lapakufamoʼmo hauʼniya kavaʼmo afole aisayafeʼmo alo osutapa Ala kava netapimo Yesu Kalaisikeʼmo kukenagana hutapa alita vaiyo.

Lomu 9:23

Ani kavaʼmo huno Gotiʼa mago vayaʼamo lusi ha le konali yaʼamo alino apavelisigeʼa agesayafeʼmo hogoteno alo huno apateʼniye. Apakaemo mopa kegana huʼa maiʼnayanageno Gotiʼa hau huno apategaiye.

1 Kolitiyani 15:49

Lagaemo mopaletiʼmo alo huno ateʼniya vekagana huta maiʼnona kava huta kokuʼnapatiʼmo emineʼniya vekagana huta maigune.

1 Kolitiyani 2:7

Hapa nopaunaʼmonanafa Gotiʼa alino fala ki maleʼniyanageʼa afaʼa oʼagesaya geʼaletiʼmo Gotiʼa afiteno ageʼniya geletiʼmo hapa nepaune. Gotiʼa ma mopamo alo osuʼnenoʼaeʼmo ha le konali yaʼamo alisunafeʼmo ani gemo hu maleʼniye.

1 Kolitiyani 8:3

Oʼafiʼnayaʼmonanafa Gotifeʼmo hapau apayamopafiʼmo nehapaiya vayaʼmo apakeno aeto hutenoʼaeʼmo vayaʼnimo maiʼnae, huno nehiye.

2 Kolitiyani 3:18

Gotiʼa laugosafatiʼmo kenamo ago alino ataleʼnigeta alaveʼyofatiʼmo laugosamo neʼagona kava huta Ala kava neʼmo ha le konali yaʼamo neʼagonagenoʼaeʼmo Ala kava neʼmo Aunemeʼamoʼmo alino hamaleno nelategetaeʼmo ha le konali yaʼamo alime alime uta Ala kava nekana huta hamaleme hamaleme neʼune.

Efasasi 1:11

Mafaʼneʼapimogimo muki afoʼapimogi yaʼmo neʼaliya kava huta Gotiʼa muki maleʼniya yaʼamo alisunafeʼmo agaemo muki kavaʼmo hisiyafeʼmo hauʼnigeno agaiʼamo ani kavaʼmo huguve, huno huʼniya geʼaleʼmo akame huno nehiya Gotiʼa hunoʼaeʼmo mafaʼneʼnimo maigae, huno hu maleʼniye.

Efasasi 4:24

Atafa vekatapimo ataletetapa saufa vekatapimo Gotiʼa alo huʼniya vekatapimo agaiʼagana huno neʼmaiya vekatapimo alita vaiyo. Lama geʼaletiʼmo saufa vekatapifatiʼmo vayaʼaitegamo fatago kavaʼmo huge Gotitegamo lama ge aote kavaʼmo huge hugae.

Filipai 3:21

Agaemo ayamufaʼaletiʼmo muki yaʼe vayaʼeʼmo alino aiyafiʼmo apateteno yagaino apatesiya ayamufaʼaletiʼmo hosu lagufamo lokiya oʼvaino nekasaliya lagufamo agaiʼa agufagana agufa lagufamo ha le konali lagufamo alino hamaleno lategaiye.

2 Timoti 1:9

Gotiʼa alagepa kavatilefeʼmo lagaefeʼmo keya aeno ge osuʼnifa hisiya kavafeʼmo agesamo afiteno fikumo laha maeno lamiʼniya kavaʼaletiʼmo lagufamo alino katino lateʼniyanageta laote vayaʼamo maisunafeʼmo keya aeno ge huʼniye. Akeyaʼvilagamo ma mopamo alo osuʼniya afinaʼmo hogoteno Gotiʼa Kalaisi Yesupiʼmo maiʼnonagenoʼaeʼmo fikumo laha maeno lamiʼniye.

2 Timoti 2:19

Asagauno aiʼniyaʼmonanafa Goti noʼamo lokiya yafateʼmo faino ateʼniya yafaʼmo afaʼa haneʼniye. Gotiʼa faino ateʼniya yafateʼmo alagena yaʼmo hu maleʼniya yateʼmo haneʼniya gemoʼmo hunoʼaeʼmo, Ala kava neʼmoʼa vayaʼamo apakeʼniye, huno huteno magoʼe gemoʼmo hunoʼaeʼmo, Muki vayaʼamogimo Kalaisi agiʼamo neʼaya vayaʼmogi hosu kavategatiʼmo ataleʼa viyo, huno hu maleʼniye.

1 Pita 1:2

Gotiʼa muki yaʼmo afoʼamoʼmo lapaketenoʼaeʼmo, mafaʼneʼnimo maigae, huteno lekana paino lapateʼniye. Aunemeʼamoʼmo lapakaemo Yesu Kalaisifeʼmo ava gemo afitetapa akame hisageno Yesu Kalaisi kolaʼaletiʼmo aino fuli fuli huno faleno lapatesiyafeʼmo alino lapaote vayaʼamo lapateʼniye. Lusi kava huno fikumo lapa maeno lapamisaʼageno lapaipamoʼmo falu hino.

1 Pita 1:20

Gotiʼa ma mopaʼe kokuʼnaʼeʼmo alo osuʼnenoʼaeʼmo akeyaʼvilagamo ani aliʼyaʼmo alisiyafeʼmo Kalaisiʼa ago lekana paino ateteno henagaʼamo lapakaetefeʼmo alino afole aino ateʼniye.

1 Yoni 3:2

Nahauʼniya vayaʼmogitapae, huʼna, hemenimo Goti mafaʼneʼamo maiʼnonanageta henagaʼamo haiya agufa vayaʼmo maisupi, huta oʼafiʼnonaʼmonanafa agaemo emineno afole aisigetaeʼmo agaekana huta maigune, huta afiʼnone. Haiya agufa vekamo maiʼnifi, huta ageta aeto hugunaʼmofeʼmo agaekana huta maigune.

Leveleseni 13:8

Muki ma mopafi vayaʼmo afaʼa maisaya yaʼmo aliʼnisaya vayaʼai apakiʼapimo avoʼmo kae maleʼniya mukufiʼmo apakiʼapimo avoʼmo okaeʼnisiya vayaʼmogimo afela afulefeʼmo mono hugae. Ani mukumo ma mopamo faino ateʼniya afinaʼmo kamiti amagiʼnaya sipisipi vekamo mukuʼamo haneʼniye.